यूहन्ना 21:15 - जिरेल15 थेबेकी सोकीन सिन्नामेकी येशूकी शिमोन पत्रुसला “योआनेस फुज्युङ शिमोन, च्यि खो ङाला दिबाबरीकी भन्दा काल्बा ङिङज्ये खिओ?” सिन सिदुक। थेमे पत्रुसकी “उँ प्रभु, ङे खोल्ला ङिङज्ये खिओ सिन खोल्ला छ्याराङ ओत,” सिन सिदुक। थेमे थेकी थेला “ङे लुई रीउओनला लेमु खाला तो,” सिन सिदुक। အခန်းကိုကြည့်ပါ။ |
यूहन्ना 21:15
49 ပူးပေါင်းရင်းမြစ်များ
थोगी येशूला विश्वास खिता मोतोङा खाला था ख्योकोन खेराङोङ च्याङबो खाला देत। थेमे लेमु खाला तो सिन परमेश्वर आत्मेकी खेराङ जिम्माला बिन्दाते परमेश्वर मि गाङेते लेमु खाला हेर विचार खि। येशू ख्रीष्ट स्यिजीन थे जीउदुकी थेन्दाते ठागी थेकी थेबाला परमेश्वर मि ओङाला ङ्योबाते ईन सिन सम्झे खाला थेबाला लेमु खाला तो।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
थोकराङ खाला थे फिजा च्योकराङ ओङला थे बात ङेन्कान्ते मिओनलाङ ङा आउदी मेलेबाते रोग लै खित च्युत्ला स्यिर ज्युत्क्यो। दोक ओङा थोङनामेकी मि सेमगी बात गाङे छ्या स्येकान्ते ङाराङ दुका सिन ठाउँ ठाउँला जम्मा ओङकान्ते येशू ख्रीष्ट मि गाङेकी छ्या स्येक्यो। ङा ख्योकोन काम ताला लेमु खाबा ओत्सीन लेमु, मेलेबा खाबा ओत्सीन मेलेबाराङ खिओ।
ကြော်ငြာတွေ