यूहन्‍ना 20:9 - जिरेल

⁹ येशू स्‍यिनामेई सोम्‍बो लोइओ सिन परमेश्‍वर बातला टिबाते बात थेबेकी थेजीनसाकोङ खोबा मेतान।

यूहन्‍ना 20:9 ပူးပေါင်းရင်းမြစ်များ

मत्ती 22:29

थेबेकी थोक सिरजीन येशूकी “ख्‍योकोनगी मि स्‍यिनामेई तिरी सोम्‍बो मोलोगो सिन सिओ। दि बात ईनराङ मेन। परमेश्‍वर बात पढे खित्‍जीन थेरू च्‍यि साबाते ईन्‍दे सिन ख्‍योकोनगी खोबा ईन्‍सीन थेमे परमेश्‍वरताङ जेङ खिता थुप्‍च्‍येते शक्ति ओत सिन छ्या स्‍येबा ओता ईन्‍सीन मि तिरी सोम्‍बो मोलोगो सिन सिरच्‍या मेतान।

लूका 24:26

थेबेकीचेन परमेश्‍वरगी तोङगो साबाते ख्रीष्‍टकी दुरू वाला आउदी दुक्‍पा भोगे खाला स्‍या फाप्‍क्‍यो। थेमेकामा सोम्‍बो लोक्‍ला स्‍वर्गने परमेश्‍वर दोन्‍दु देता ङेत्‍क्‍यो सिन साबा ओत मेन?” सिन सिदुक।

लूका 9:45

थेकी थोक सिरजीन च्‍यि साबाते ईन्‍ताका सिन चेलातेबेकी छ्याःङ माखोसुङ। च्‍यिला सासीन परमेश्‍वरगीराङ थेबाला थे बात खो माच्‍युत्‍सुङ। थेबेकीङ ज्‍यीबेकी खित्‍सादु गुरू खुई दि च्‍यि साबाते ईन्‍दे सिन थेला माठिसुङ।

यूहन्‍ना 2:22

थे स्‍यिसादुकी सोम्‍बो लोक्‍नामेकीका चेलातेबाला थोङला थेकी परमेश्‍वर मन्‍दिर रोम थेमे थे मन्‍दिर ङीमा सुमलाराङ जोइओ साबाते बात ठेम्‍बा लासुङ। थेमे थेबेकी थेला चुक चुक ओङगीते सिन परमेश्‍वर बातला टिबाते बातताङ येशूकी साबाते बाततेबा गाङे ईन्‍दातेराङ दुका सिन पत्ते खासुङ।

शक्ति काम 17:3

परमेश्‍वरगी तोङगो साबाते ख्रीष्‍ट दुरू वानामेई दुक्‍पा भोगे खाला स्‍यिइओ तर स्‍यिसादुकी लोक्‍ला सोम्‍बो लोइओ सिरच्‍येते बात थेरू मिओनला लेमु खाईन लाप्‍कीन बिन्‍सुङ। थोक खाईन थेरू मिओनताङ बात खिन थेकी “येशूराङ ख्रीष्‍ट ईन। थे बात लोपालाराङ ङा दुरू वाबाते ईन,” सिन सासुङ।

शक्ति काम 2:24

ख्‍योकोनगी थोक खाबा ईन्‍सीनोङ परमेश्‍वरगीचेन थेला कालगी खादुकी टाल्‍गीन स्‍यिसादुकी सोम्‍बो लोक्‍सुङ। च्‍यिला सासीन थेनी स्‍यिच्‍येते कालला ग्‍याल्‍ला सोम्‍बो लोक्‍पाराङ फाप्‍च्‍या ओतान।

१ कोरिन्‍थी 15:4

स्‍यिनामेकी थेला दिबाङ ओतान थेमे ङीमा सुमगी छोमु परमेश्‍वरगी थेला सोम्‍बो लोक्‍पा ओतान। थोक ओङगो सिनोङ परमेश्‍वर बातला गोमाका टिबा ओतान।