यूहन्‍ना 20:26 - जिरेल

²⁶ थेमे हप्‍ताई तिरी येशू चेलाओन लोईन खाम्‍बादु ङ्योम्‍बुराङ ओतान। दि पालोलाचेन थेबाताङ थोमाङ ओतान। गोई लास्‍यिङ ग्‍यापा ओत्‍सीनोङ थे छोमुङ चेलातेबा ओत्‍सादु येशू ख्‍योल्‍सुङ। थेमे थेबाला “ख्‍योकोनला लेमु ओङस्‍यीत,” सिन सिदुक।

यूहन्‍ना 20:26 ပူးပေါင်းရင်းမြစ်များ

मत्ती 17:1

थेरूई ङीमा ठुक तिरी पत्रुस थेमे याकूबताङ थे न्‍वा यूहन्‍नाला टीकीन येशू थोम्‍बोज्‍यीक बोमदु गाल्‍सुङ। थेरू ज्‍येन मि सुङ मेतान।

मर्कूस 16:14

थे तिरी थे खोरोङ चेलातेबा च्‍युच्‍यीक ङ्योम्‍बुराङ साप सेइन ओते बेलाला येशू थेबा ओत्‍सादु ख्‍योल्‍सुङ। थेमे थे खोरोङ सोम्‍बो लोक्‍तुक, थेला ठेताप सिरकान्‍तेबे बात पत्ते माक्‍याबेकी थेकी थेबाला “ख्‍योकोनगी ङा सोम्‍बो लोक्‍तुक सिन च्‍यिला पत्ते माक्‍याबे? ज्‍येनगी ङाला ठेत्‍सुङ सिरजीन च्‍यिला मेन्‍दे बात ईन साबे? ख्‍योकोन चुक विश्‍वास मिक्‍किकान्‍तेन्‍दे ईन्‍दाका,” सिन थाप्‍सुङ।

लूका 24:36

थेबा थोक खाला बात खिन खिनलाराङ येशू थेबा ओत्‍सादु ख्‍योल्‍सुङ। थेमे थेरू ओताते गाङेला “ख्‍योकोनला लेमु ओङस्‍यीत,” सिन सासुङ।

लूका 9:28

दि बात सानामेई हप्‍ताईजो तिरी पत्रुस, यूहन्‍ना थेमे याकूबला टीकीन येशू बोमज्‍यीकने प्रार्थना खिताला गाल्‍सुङ।

यूहन्‍ना 11:16

थेरूई थे दिदिमस सिराते थोमेकीचेन ज्‍येन चेलातेबाला “लो थोक ईन्‍सीन ङुरूङोङ गाङेराङ डुइ, स्‍या फाप्‍सीनोङ गुरूताङराङ स्‍यिइ,” सिन सिदुक।

यूहन्‍ना 14:27

ङा ख्‍योकोन सेमला ढुक्‍क लोङगो। ङे खित्‍सादु ख्‍योकोन सेम ढुक्‍क खाला देता ङेत्‍क्‍यो। दि सा लुङबे मि सुङगीङ ख्‍योकोनला सेमला ढुक्‍क लोङा मुथुबो। ख्‍योकोन पीर माकेत, ज्‍यीबाङ माकेत।

यूहन्‍ना 20:19

थेमे थे आदेरी छोमुराङ नाम स्‍योनामेई यहूदीओन छ्ये छ्ये मि ज्‍यीबेकी येशू चेलाओन गोई लास्‍यिङ ग्‍याप्‍कीन देता ओतान। थे बेलालाराङ येशू थेबा ओत्‍सादु ख्‍योल्‍गीन “ख्‍योकोनला लेमु ओङस्‍यीत,” सिन सिदुक।

यूहन्‍ना 20:21

थेमे येशूकी लोईन “लो ख्‍योकोनला लेमु ओङस्‍यीत। आबेकी ङाला देमा ताङा च्‍योकराङ खाला ङाङ ख्‍योकोनला ज्‍येन मि नाङ तोङगो,” सिन सिदुक।

यूहन्‍ना 21:1

थे तिरी लोईन येशूकी चेलातेबाला तिबेरियास समुन्‍द्रे छेउदु ठेता खासुङ। थेरू थेकी थेबाला चुक खाईन ठेता खासुङा सासीन

यूहन्‍ना 21:14

थे खोरोङ सोम्‍बो लोक्‍नामेकी थेकी चेलातेबाला ठेता खाबाते दि पालो सुमगी बाजि ओतान।

शक्ति काम 1:3

थे खोरोङगी भोगे खिता फाप्‍च्‍येते दुक्‍पातेबा भोगे खाईन स्‍यिइन सिन्‍नामेई थे खोरोङ साँच्‍चीराङ सोम्‍बो लोक्‍पाते दुका सिन थे खोरोङगी खटे खाबाते मिओनगी लेमु खाला छ्या स्‍येस्‍यीत सिन थेकी याङ याङ थेबाताङ ठेता खाबा ओतान। थोक खाला ङीमा खाल ङिसाक थेबाताङ ठेत्‍जीन थेकी थेबाला परमेश्‍वर राज्‍य बादोङ लाप्‍कीन बिन्‍सुङ।