यूहन्‍ना 20:25 - जिरेल

²⁵ थेमे ज्‍येनतेबेकी “ङ्योकोनगी प्रभु येशूला ठेत्‍सुङ,” सिन सिरजीन थेकी “थे लाक्‍पाला काँटी ग्‍याप्‍कीन थोताते मे डाम माथोङथुप, काँटी ग्‍याप्‍सादु ङाराङ लाक्‍पे जु च्‍वाकीन माताथुप थेमे थे कोखापा लाक्‍पा ज्‍याइन माताथुपचेन ङा दि बात पत्तेराङ मिक्‍किओ,” सिन सिदुक।

यूहन्‍ना 20:25 ပူးပေါင်းရင်းမြစ်များ

मत्ती 27:42

“दिला तोना, दिकी ज्‍येन ज्‍येनलानी सोन च्‍युत्‍सुङ। तर थे खोरोङला सोन्‍दा खिता थुपाते खोइ? लो दि पक्‍काराङ इस्राएलीओन गेल्‍बोराङ ईन्‍सीन था दि स्‍यिङगी थामदुकी सानामा फाप्‍ला थे खोरोङला सोन्‍दा खित्‍स्‍यीत। थोक खासीन ङुरूङ दिला थेराङ ईन्‍दा दुका सिन पत्ते खिताप।

मर्कूस 16:11

मरियम मग्‍दलिनीकी थेबाला “येशू सोम्‍बो लोक्‍तुक। ङे थेला ठेत्‍सुङ,” सिन सिरजीन थेबेकी थे बात बान्‍दा पत्ते माक्‍यासुङ।

मर्कूस 16:13

थे येशू दुका सिन छ्या स्‍येनामेई थेबा यरूशलेमपा ग्‍युरगीन गाल्‍गीन येशू चेलातेबा थेमे थेबाताङ ङ्योम्‍बु ओताते मि गाङेला “येशूनी सोम्‍बो लोक्‍तुक। ङ्योकोनगी थेला ठेत्‍सुङ,” सिन लाःप्‍सुङ। तर थेबा ङिबो बादोङ थेबेकी पत्ते माक्‍यासुङ।

मर्कूस 16:14

थे तिरी थे खोरोङ चेलातेबा च्‍युच्‍यीक ङ्योम्‍बुराङ साप सेइन ओते बेलाला येशू थेबा ओत्‍सादु ख्‍योल्‍सुङ। थेमे थे खोरोङ सोम्‍बो लोक्‍तुक, थेला ठेताप सिरकान्‍तेबे बात पत्ते माक्‍याबेकी थेकी थेबाला “ख्‍योकोनगी ङा सोम्‍बो लोक्‍तुक सिन च्‍यिला पत्ते माक्‍याबे? ज्‍येनगी ङाला ठेत्‍सुङ सिरजीन च्‍यिला मेन्‍दे बात ईन साबे? ख्‍योकोन चुक विश्‍वास मिक्‍किकान्‍तेन्‍दे ईन्‍दाका,” सिन थाप्‍सुङ।

लूका 24:25

क्‍लेओपासकी थोक सानामेई थेकी “ख्‍योकोन चुक छ्याःङ मोखोकान्‍तेन्‍दे ईन्‍दाका। परमेश्‍वर बात खित्‍कान्‍ते मिओनगी ख्रीष्‍टकी विषयला साबा ओताते बात गाङे था ख्‍योकोन नाम पत्ते खिते?

यूहन्‍ना 1:41

थेकी होत्ताराङ थे खोरोङ न्‍वाते शिमोनला ठेता खाईन “शिमोन, ङ्योकोनगी परमेश्‍वरगी तोङगो साबाते मसीहला ठेत्‍सुङ,” सिन लाःप्‍सुङ। मसीह साबातेचेन ख्रीष्‍ट साबाते ईन।

यूहन्‍ना 20:27

थेमे थोमाला “लो ङे लाक्‍पाला काँटी ग्‍याप्‍कीन थोताते मे डाम खो खोरोङ लाक्‍पे जुकीराङ छामे खाला तो। थोकराङ खाला कोखादु बार्सा रोपे खासादुङ खो छामे खाला तो। थेमे शंका खिता ताङला बरू ङा सोम्‍बो लोक्‍पाते पक्‍काराङ दुका सिन पत्ते खि,” सिन सिदुक।

यूहन्‍ना 21:7

थेमे येशूते ङिङज्‍येते चेलेकी पत्रुसला “थेनी प्रभु येशूराङ ईन,” सिन सिदुक। “थेनी प्रभु येशूराङ ईन,” सिरा थोबासात्तु पत्रुसकी टोल्‍गीन ज्‍याक्‍पाते लाक्‍तु खोन्‍च्‍येते खोलाक खोन्‍सुङ। थेमे थे डुङ्गादुई छ्युनामाराङ फिरगीन येशू ओत्‍सापाला गाल्‍सुङ।

यूहन्‍ना 6:30

थेमे थेबेकी “ङ्योकोन खोल्‍ला चुक खाला विश्‍वास खित्‍च्‍ये? खोल्‍ला परमेश्‍वरगी ताङाते ईन सिन तेन्‍दाला था खो ङ्योकोनला च्‍यि अचम्‍बते काम खाला तेन्‍गीते?

हिब्रू 3:12

थोगी आज्‍यो न्‍वावे, दि बातओन सम्‍झे खाला ख्‍योकोन च्‍याङबो खाला देत। दोक माक्‍यासीन परमेश्‍वर बात मेङेन्‍दा खाला सोम्‍बोते परमेश्‍वर छ्य्‌वापेई ख्‍योकोन ठाल्‍ला डुइओ।

हिब्रू 3:18

थेमे परमेश्‍वरगी “ङा ख्‍योकोनला ढुक्‍क खाला देता ङेत्‍च्‍येते ङे खेरग्‍यो साबाते लुङबादु खेरराङ मेखेरो,” सिन ना क्‍यालाते च्‍यि थे खोरोङगी लाःपाते मेङेन्‍कान्‍ते होथे मिओनलाराङ मेनरो?