यूहन्‍ना 20:21 - जिरेल

²¹ थेमे येशूकी लोईन “लो ख्‍योकोनला लेमु ओङस्‍यीत। आबेकी ङाला देमा ताङा च्‍योकराङ खाला ङाङ ख्‍योकोनला ज्‍येन मि नाङ तोङगो,” सिन सिदुक।

यूहन्‍ना 20:21 ပူးပေါင်းရင်းမြစ်များ

मत्ती 10:16

थेमे ज्‍येन बात च्‍यि सासीन फारे हूलगी लुई बगालला थेप्‍सुङ सासीन चुक खिते सिन ङुरूङला छ्या ओत मेन? ङे दुरूकी ताङनामेई फारेकी लुकला खिता च्‍योकराङ मिओनगी ख्‍योकोनला मेलेबा खिओ। थोगी ख्‍योकोन रूल च्‍योकराङ च्‍याङबो खाला देत। थेमे थेबा सुङलाङ छ्याःङ मेलेबा मिक्‍किता खाला गन्‍दीमा च्‍योकराङ सुधो ओङला काम खि।

मत्ती 10:40

थेमे ख्‍योकोनला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकी ङाला दुरू तोङकान्‍तेलाङ मान खाबाते ईन।

लूका 24:36

थेबा थोक खाला बात खिन खिनलाराङ येशू थेबा ओत्‍सादु ख्‍योल्‍सुङ। थेमे थेरू ओताते गाङेला “ख्‍योकोनला लेमु ओङस्‍यीत,” सिन सासुङ।

यूहन्‍ना 13:20

दि बात ङेन। ङे ताङाते मि जो ईन्‍सीनोङ थेला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन,” सिन बात खासुङ।

यूहन्‍ना 14:27

ङा ख्‍योकोन सेमला ढुक्‍क लोङगो। ङे खित्‍सादु ख्‍योकोन सेम ढुक्‍क खाला देता ङेत्‍क्‍यो। दि सा लुङबे मि सुङगीङ ख्‍योकोनला सेमला ढुक्‍क लोङा मुथुबो। ख्‍योकोन पीर माकेत, ज्‍यीबाङ माकेत।

यूहन्‍ना 20:19

थेमे थे आदेरी छोमुराङ नाम स्‍योनामेई यहूदीओन छ्ये छ्ये मि ज्‍यीबेकी येशू चेलाओन गोई लास्‍यिङ ग्‍याप्‍कीन देता ओतान। थे बेलालाराङ येशू थेबा ओत्‍सादु ख्‍योल्‍गीन “ख्‍योकोनला लेमु ओङस्‍यीत,” सिन सिदुक।

यूहन्‍ना 20:22

दोक सानामेकी थेकी थेबा ओत्‍सापा फु सिन ङेपाक ताङगीन “लो ख्‍योकोनगी परमेश्‍वर आत्‍मा ङेत्‍स्‍यीत।

यूहन्‍ना 20:26

थेमे हप्‍ताई तिरी येशू चेलाओन लोईन खाम्‍बादु ङ्योम्‍बुराङ ओतान। दि पालोलाचेन थेबाताङ थोमाङ ओतान। गोई लास्‍यिङ ग्‍यापा ओत्‍सीनोङ थे छोमुङ चेलातेबा ओत्‍सादु येशू ख्‍योल्‍सुङ। थेमे थेबाला “ख्‍योकोनला लेमु ओङस्‍यीत,” सिन सिदुक।

यूहन्‍ना 3:17

च्‍यिला सासीन परमेश्‍वरगी दि सा लुङबे मिओनला सजाय तेराला मेन्‍देकी थेबाला पापकी सजायदुकी डेलाला थेला देमा ताङाते ईन।

शक्ति काम 1:2

नामसाक बात सासीन थे खोरोङगी खटे खाबाते मिओनला था च्‍यि च्‍यि खिता फाप्‍कीते सिन परमेश्‍वर आत्‍मे छ्य्‌वापेई लाप्‍कीन बिन्‍नामेई परमेश्‍वरगी थे खोरोङला स्‍वर्गने खेरे छोमुसाक बाततेबा ङे थे किताबलाराङ टिबा ओत।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

२ तिमोथी 2:2

थेमे मि काल्‍बेई ङोन्‍दु च्‍यि बात चुक ईन्‍दे सिन ङे खोरोङला लाप्‍कीन बिन्‍दाते बातओन मिओनला लोप सिन ज्‍येन मिलाङ जिम्‍मा बिन। दोक्‍ते मिओनचेन ज्‍येनला लेमु खाला लोपा थुप्‍कान थेमे भर परे खिता थुप्‍च्‍येतेन्‍दे ओङा फाप्‍क्‍यो।

हिब्रू 3:1

बात दोक दोक ईन्‍देकी आज्‍यो न्‍वावे, ख्‍योकोनचेन स्‍वर्गने देताला परमेश्‍वरगी थे खोरोङ दोन्‍दु स्‍योक सिन काताङाते मि ईन्‍देकी येशू चुक छ्ये ईन्‍दे सिरच्‍येते बातकीतेकामा ध्‍यान खिन देत। थेचेन परमेश्‍वरगीराङ खटे खाईन ताङाते थेमे गाङे भन्‍दा छ्येते पूजारी ईन। थे पक्‍काराङ होदोक छ्ये ईन सिन ङुरूङ थेला विश्‍वास खिओ।

३ यूहन्‍ना 1:14

बरू खोत्ताङ होत्ता ठेत्‍च्‍ये आश खाबा ओत। ठेत्‍नामेई ङ्योम्‍बुराङ देत्‍ला बात खिताप।