यूहन्‍ना 20:20 - जिरेल

²⁰ थोक साकीन च्‍याकीन थेकी लाक्‍पाला काँटी ग्‍यापाते मे डामताङ कोखादु मे डाम थेबाला तेन्‍सुङ। थोक खाला प्रभु येशूला याङराङ थोङा ङेत्‍जीन थेबाबरी आउदी खाईन गा खासुङ।

यूहन्‍ना 20:20 ပူးပေါင်းရင်းမြစ်များ

मत्ती 28:8

थेरू थोक ओङनामेई थेबा ङिबो ज्‍यीबा खिन तर येशू सोम्‍बो लोक्‍पाते बात थोजीन गाङ खिनकामा थेरू ओङाते गाङे बात येशू चेलातेबाला लाःपाला थेरूकी छ्योङगीन गाल्‍सुङ।

यूहन्‍ना 16:20

दि बात ङेन। च्‍यि सासीन था पीरगी खित्‍सादु ख्‍योकोन आउदी खाला ङुइओ। थे बेलाला दि सा लुङबे मिओनचेन आउदी खाला गा खिओ। ख्‍योकोनगी सेम सेत्‍कीन पीर खिता फाप्‍सीनोङ दिनी था तिरी आउदी गा लाङच्‍येते बातका ओङगो।

यूहन्‍ना 16:22

ख्‍योकोनलाङ होदोकराङ ओङगो। चुक सासीन था ख्‍योकोनला आउदी पीर लाङगो। ईन्‍सीनोङ याङराङ ङा ख्‍योकोनला ठेता खिओ। थेमे थेजीन ख्‍योकोनला आउदी गा लाङगो। सुइँदेकी ख्‍योकोनला दोक खाला गा माकेत सासीनोङ ख्‍योकोन खाराक्‍पा देताराङ मुथुबो।

यूहन्‍ना 19:34

तर मिल्‍टेरीज्‍यीगी येशू कोखापा बार्सा रोपे खासुङ। थेरूकी ठाकताङ छ्यु थेन्‍सुङ।

यूहन्‍ना 20:25

थेमे ज्‍येनतेबेकी “ङ्योकोनगी प्रभु येशूला ठेत्‍सुङ,” सिन सिरजीन थेकी “थे लाक्‍पाला काँटी ग्‍याप्‍कीन थोताते मे डाम माथोङथुप, काँटी ग्‍याप्‍सादु ङाराङ लाक्‍पे जु च्‍वाकीन माताथुप थेमे थे कोखापा लाक्‍पा ज्‍याइन माताथुपचेन ङा दि बात पत्तेराङ मिक्‍किओ,” सिन सिदुक।

यूहन्‍ना 20:27

थेमे थोमाला “लो ङे लाक्‍पाला काँटी ग्‍याप्‍कीन थोताते मे डाम खो खोरोङ लाक्‍पे जुकीराङ छामे खाला तो। थोकराङ खाला कोखादु बार्सा रोपे खासादुङ खो छामे खाला तो। थेमे शंका खिता ताङला बरू ङा सोम्‍बो लोक्‍पाते पक्‍काराङ दुका सिन पत्ते खि,” सिन सिदुक।

१ यूहन्‍ना 1:1

ङ्योकोन दि बात गाङेला सिओ। च्‍यि सासीन दि सा नाम ज्‍वा भन्‍दा गोमामेईराङ थे बात सिराते ओतान। मिओनला जुनी तेरकान्‍तेचेन थेराङ ईन। थेकी साबाते बातओन ङ्योकोनगी ङेराङ नामज्‍योककीराङ थोबाते ईन। थेमे ङेराङ मिगीराङ थेला थोङाते ईन। थेत्ताङनी ङ्योकोन ङ्योम्‍बुराङ देतातेङ ईन।