यूहन्‍ना 20:15 - जिरेल

¹⁵ थेमे येशूकी थेला “खो च्‍यिला ङुइते? खुई सुला चाले?” सिन ठिसुङ। मरियमगीचेन थेला बगैंचादु काम खित्‍कान्‍ते मिका ईन्‍दा च्‍यिन्‍दा सिन “हजूर, ना खुईका थेला खेरे? खेरा ओत्‍सीन खापा ज्‍याक्‍पा ओते ङाला लोःपना। ङा लाला खुलाङामीन,” सिन सिदुक।

यूहन्‍ना 20:15 ပူးပေါင်းရင်းမြစ်များ

मत्ती 12:34

छ्यि ख्‍योकोन ङोचा क्‍ये मेतातेबा, सेमला लेमु मेत्‍कीन मेत्‍कीन ख्‍योकोनगी चुक खाला लेमुते बात खिता थुप्‍कीका? मिकीनी दाक्‍पोन सेमदु जे दुक खालाङ थेराङ देन्‍ग्‍यो।

मत्ती 28:5

तर परमेश्‍वर दूतकी थे फेम्‍मे मिओनलाचेन “ख्‍योकोन छ्याःङ ज्‍यीबा माकेत। स्‍यिङगी थामला टाँए खाईन सेताते येशूला छोलाला ख्‍योकोन दुरू वाबाते ईन सिन ङाला छ्या ओत। थेला दुरू माछोल,

मर्कूस 16:6

थेमे थे मिकी थे फेम्‍मे मिओनला “ख्‍योकोन छ्याःङ ज्‍यीबा माकेत। ख्‍योकोनचेन स्‍यिङगी थामला टाँए खाईन सेताते नासरतपे येशूला छोलाला दुरू वाबाते ईन सिन ङाला छ्या ओत। थेनी दुरू मेत। थे स्‍यिसादुकी सोम्‍बो लोक्‍पा ओत। लो तो, येशू रो ज्‍याक्‍पाते ठाउँ दिराङ ईन।

लूका 2:44

थेबेकीचेन चाड माने खाईन ग्‍युराते मि हूलगी नाङला येशू खोपरोङ युल्‍बाओनताङ ख्‍याम्‍बा ओतासीन सिन विचार खासुङ। ङीमाज्‍यीक लाम ख्‍याम्‍ला सिन्‍जीनोङ थेबेकी येशूला माथोङनामेई युल्‍बाओनताङ र्‍वातेबे नाङ दुकाना मिन्‍दुका सिन तासुङ। तर येशू थेबाताङोङ मेतान।

लूका 24:5

थेबाला थोङगीन ज्‍यीबेकी थे फेम्‍मे मिओन खोपरोङ छ्येत उप्‍कीन खुङ खुगीन देत्‍सुङ। थेमे थेबा ङिबोकी थेबाला “सोम्‍बो लोगीन सिन्‍दे येशूला ख्‍योकोन च्‍यिला दि स्‍याप्‍ते मि ज्‍य्‌वासादु छोल्‍गीते?

यूहन्‍ना 1:38

ल्‍हाकनापा ग्‍युरला ताजीन येशूकी थेबा ङिबो तिङ ङ्योगीन वाबा थोङगीन “ख्‍योकोनगी च्‍यि चाले?” सिन ठिसुङ।

यूहन्‍ना 18:4

था थे खोरोङला च्‍यि ओङगीते सिन गाङे बात छ्या स्‍येकीन येशूकी थेबे दोन्‍दु गाल्‍गीन “ख्‍योकोनगी सुला चाले?” सिन सासुङ।

यूहन्‍ना 18:7

लोईनराङ थेकी “ख्‍योकोनगी सुला चाले?” सिन सिरजीन थेबेकी “नासरतपे येशूला चालाप,” सिन सिदुक।

यूहन्‍ना 20:13

थेमे थेबेकी थेला “खो च्‍यिला ङुइते?” सिन ठिजीन मरियमगी “थेबेकी प्रभु येशू रो दुरूकी थेन्‍गीन खेरदुक। थेला खापा ज्‍याक खापा, ङे छ्याःङ छ्या मास्‍येसुङ,” सिन सिदुक।