यूहन्‍ना 2:22 - जिरेल

²² थे स्‍यिसादुकी सोम्‍बो लोक्‍नामेकीका चेलातेबाला थोङला थेकी परमेश्‍वर मन्‍दिर रोम थेमे थे मन्‍दिर ङीमा सुमलाराङ जोइओ साबाते बात ठेम्‍बा लासुङ। थेमे थेबेकी थेला चुक चुक ओङगीते सिन परमेश्‍वर बातला टिबाते बातताङ येशूकी साबाते बाततेबा गाङे ईन्‍दातेराङ दुका सिन पत्ते खासुङ।

यूहन्‍ना 2:22 ပူးပေါင်းရင်းမြစ်များ

लूका 24:26

थेबेकीचेन परमेश्‍वरगी तोङगो साबाते ख्रीष्‍टकी दुरू वाला आउदी दुक्‍पा भोगे खाला स्‍या फाप्‍क्‍यो। थेमेकामा सोम्‍बो लोक्‍ला स्‍वर्गने परमेश्‍वर दोन्‍दु देता ङेत्‍क्‍यो सिन साबा ओत मेन?” सिन सिदुक।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

यूहन्‍ना 12:16

मिओनगी थोक खाबातेताङ परमेश्‍वर बातला थोक सिन टिबाते बातओन येशू चेलाओनगी गोमा छ्याःङ खोबा मेतान। परमेश्‍वरगी थेला स्‍यिसादुकी सोम्‍बो लोगीन स्‍वर्गने खेरनामेकीका मिओनगी थेते थोक खाईन जय जय खाबाते थेमे परमेश्‍वर बातला थोक सिन टिबाते बात थेबेकी लेमु खाईन छ्या स्‍येसुङ।

यूहन्‍ना 14:26

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

यूहन्‍ना 16:4

तिरी ख्‍योकोनला थोक ओङजीन ङे दोक दोक ओङगो सिन साबा ओतान सिन ख्‍योकोनगी ठेम्‍बा खित्‍स्‍यीत सिनराङ ङे दि बाततेबा साबाते ईन। ङा थोङला ख्‍योकोनताङ ङ्योम्‍बुराङ ओतेकी थेजीन ङे दि बाततेबा साबा मेतान।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।

यूहन्‍ना 2:17

थेकी थोक खाबा थोङजीन थे चेलातेबाला परमेश्‍वर बातला दोक सिन टिबा ओताते बात ठेम्‍बा लासुङ। थेरूचेन “खोल्‍ला माने खित्‍च्‍येते खाम्‍बादु सुइँदेकी खइँदा मेलेबा काम खाबा थोङसीन ङाला स्‍येदाङगी मे बारगीदुक,” सिन टिबा ओत।

यूहन्‍ना 2:2

येशूताङ थे चेलाओनलाङ निम्‍तो खाबा ओतेकी थेबाङ फाङमाला गाला ओतान।

शक्ति काम 11:16

थोक ओङनामेकी ‘यूहन्‍नेकीनी मिओनला खालि छ्युलाकामा लुगीन बप्‍तिस्‍मा बिन्‍दा ओतान। परमेश्‍वरगीचेन ख्‍योकोनला परमेश्‍वर आत्‍मे बप्‍तिस्‍मा तेरग्‍यो,’ सिन प्रभु येशूकी गोमाका साबाते बात ङाला ठेम्‍बा लासुङ।