41 येशूला थामला टाँए खासे खादुराङ बगैंचाज्यीक ओतान। थेमे थेरू रो ज्य्वाबाला सिन ठाःक ठुकीन जोबाते फुकज्यीक ओतान। थे नाङ गोमा सुङगीङ रो ज्याक्पा मेतान।
फुकदु खेरगीन ज्याक्सुङ। थे फुकचेन यूसुफ थे खोरोङ स्यिनामेई ज्य्वाबाला सिन ठाःक ठुकीन जोबा ओतान। थे नाङ गोमा सुङगीङ रो ज्याक्पा मेतान। येशू रो ज्याक्नामेई थेकी जोदाज्यीक दो रिल्गीन थे फुगी गो टाले खाईन ज्यागीन च्याकीन गाल्सुङ।
थेमे थेकी येशू रोला स्यिङगी थामदुकी थेन्गीन कार्मुते खोलाककी ठील्गीन फुकज्यीक्तु खेरगीन ज्याक्सुङ। स्याप्ते मि ज्य्वाबाला सिन ठाःक ठुकीन थे फुक जोबा ओतान। थे नाङ गोमा सुङगीङ रो ज्याक्पा मेतान।
थे छोमु स्वारी ईन्देकी थेमे थे फुकोङ थोक ङीबीलाराङ ओतेकी थेबेकी येशू रो थे फुकदुराङ खेरगीन ज्याक्सुङ।
थेमे येशूकी थेला “खो च्यिला ङुइते? खुई सुला चाले?” सिन ठिसुङ। मरियमगीचेन थेला बगैंचादु काम खित्कान्ते मिका ईन्दा च्यिन्दा सिन “हजूर, ना खुईका थेला खेरे? खेरा ओत्सीन खापा ज्याक्पा ओते ङाला लोःपना। ङा लाला खुलाङामीन,” सिन सिदुक।