यूहन्ना 19:30 - जिरेल30 थे छ्याङ ज्यिप्नामेकी येशूकी “ङे खिता फाप्च्येते था गाङे खाईन सिन्सुङ,” सिन सिदुक। दोस्यिक साकीन थे गोः खुङ कुगीन ग्याङ स्यिसुङ। အခန်းကိုကြည့်ပါ။ |
यूहन्ना 19:30
28 ပူးပေါင်းရင်းမြစ်များ
मिओन पाप माफ ओङस्यीत सिन स्याप्ला परमेश्वरगी येशू ख्रीष्टला देमा ताङाते ईन। थेमे येशू ख्रीष्ट स्यिजीन थे जीउदुकी थेन्दाते ठागी खित्सादु खोपरोङ पाप माफ ओङगो सिन थेला विश्वास खित्कान्ते मिओन पाप परमेश्वरगी माफ तेरग्यो। परमेश्वरचेन मिओनगी गोमामेकी खाबाते पापकी सजाय मेतेरा खाईन देता ओतान। येशू ख्रीष्टकी खाबाते कामगी खित्सादु थेबे पाप माफ तेराप सिन थे थोक खाईन देत्कीन थेकी थे खोरोङ जे खित्जीनोङ ठीक खाला खित्कान्ते ईन सिन मिओनला छ्या स्ये च्युत्सुङ।
था ख्योकोन सोडा मुलुबा खाईन ङ्येबाते ज्येन्ताक डल्लो च्योक ओङाला ज्येन्ताक गाङेपा ठाम्च्येते सोडा च्योक ईन्दाते गोमाबा खिन ओताच्योक पाप खिता थोङ। च्यिला सासीन निस्तार चाडगी बेलाला पूजा खिता फाप्च्येते लुई रीउ च्योक ओङगीन ख्रीष्ट ङुरूङला पाप खित्च्येते बानीदुकी डेलाला ङुरूङ लाईदु स्यिइन सिन्दा ओत।
दोक दोक खित्जीन येशूकी चुक चुक खासुङा सिन टोक मेज्येता खाला थेलाराङ तेइन देता फाप्क्यो। परमेश्वरला चुक खाला विश्वास खित्च्ये सिन तेन्ला तेरकान्ते थेराङ ईन। थेकी खित्सादुराङ ङुरूङ जुनी खाङराङ परमेश्वरला विश्वास खिन देता थुप्क्यो। स्यिङगी थामला टाँए खाला सेत्च्येते बात मि ङोन्ला आउदी मेलेबा ईन्सीनोङ तिरी आउदी गा खिता ङेत्क्यो सिरच्येते बात सेमला ज्यागीन मिओनगी दुक्पा बिन्दाते गाङे खपे खिन स्यिङगी थामला टाँए खाला स्याप्लाङ थेकी छ्याःङ ङोचा माक्यासुङ। थेमे थे गाल्गीन परमेश्वर देत्च्येते सिंहासन सामे छ्य्वापा देता ओत।
ကြော်ငြာတွေ