यूहन्‍ना 19:20 - जिरेल

²⁰ थोक खाईन थेला स्‍यिङगी थामला टाँए खाबाते ठाउँ सारदुकी आता थारी मेतेकी काल्‍बा च्‍योक यहूदीओन थेरू लेपा ओतान। थेमे थेबेकी थे पाटीला टिबाते बात पढे खासुङ। दि बात हिब्रू, ल्‍याटिन थेमे ग्रीक भाषाला टिबा ओतान।

यूहन्‍ना 19:20 ပူးပေါင်းရင်းမြစ်များ

लूका 23:38

स्‍यिङगी पाटीज्‍यीकला “दि यहूदीओन गेल्‍बो ईन” सिन टिकीन थे गोःकी तेङने ठोके खाईन ज्‍याक्‍पा ओतान।

यूहन्‍ना 19:13

थेबेकी दोक सानामेई थेकी येशूला फिनामा खुलाङ च्‍युत्‍कीन च्‍याकीन थे न्‍याय खित्‍कान्‍ते मि देत्‍च्‍येते ठाउँदु देत्‍सुङ। थे ठाउँचेन दोई छापे खाईन जोबा ओतान। हिब्रू बातला थे ठाउँला गब्‍बथा सिन ओतान।

यूहन्‍ना 19:42

थे छोमु स्‍वारी ईन्‍देकी थेमे थे फुकोङ थोक ङीबीलाराङ ओतेकी थेबेकी येशू रो थे फुकदुराङ खेरगीन ज्‍याक्‍सुङ।

यूहन्‍ना 5:2

यरूशलेमदु लुई गो सिरसादु पोखरीज्‍यीक ओतान। थे फेरोला रिङ्गै पाटी ङा ओतान। हिब्रू बातला थे पोखरी मिन बेथस्‍दा सिन ओतान।

शक्ति काम 21:37

थोक खाला नाङने लुबा खित्‍जीन पावलगी थे मिल्‍टेरी छ्येते मिला “हजूर, ङा खइँदा बात खिता थुप्‍क्‍यो?” सिन सासुङ। थेकी ग्रीक भाषाला थोक सिरजीन थे छ्येते मि छक्‍क परे खिन “खोनी ग्रीक बादोङ खिता थुप्‍च्‍याक्‍वा।

शक्ति काम 21:40

थेमे थे छ्येते मिकी “ओङगो खि,” सिन सिदुक। थेमे पावलगी ब्‍यारेकने डोच्‍येते सिंढीदु देत्‍कीन मि गाङेला खाराक्‍पा देत सिन लाक्‍पेकी चाल खानामेई थेबा गाङेराङ खाराक्‍पा देत्‍सुङ। थेमे थेकी थेबाला खोपरोङ हिब्रू भाषाला दोक सिन बात खिताला स्‍यूसुङ।

शक्ति काम 22:2

थेकी थोक खाईन खोपरोङ हिब्रू भाषाला बात खिताला स्‍यूनामेकी मि गाङेराङ खाराक्‍पा देत्‍कीन ङेन्‍दाला स्‍यूसुङ। पावलचेन बात खिनराङ गाल्‍सुङ।

शक्ति काम 26:14

थोक ओङजीन ङ्योकोन गाङेराङ साला रिल्‍सुङ। थेमे ङे हिब्रू बातला ‘ए शावल, खो च्‍यिला ङाला खेदापानी खिते? ङाला दुक्‍पा तेरच्‍येतेनी खोरोङला मेलेबा ओङच्‍येतेकामा ईन,’ सिन सिरा थोसुङ।

हिब्रू 13:12

होदोकराङ खाईन थे खोरोङ स्‍यिजीन थेन्‍दाते ठागी खित्‍सादु मि सेम खुदुक डोरस्‍यीत सिन येशूकीङ सारदुकी फिलाराङ थे खोरोङ ज्‍यान बिन्‍गीन स्‍या फाप्‍सुङ।

छ्या स्‍ये च्‍युताते बात 16:16

थेमे होथे ल्‍हन्‍डीक सुमबोकी गेल्‍बो गाङेला ठाउँज्‍यीक्‍तुराङ जम्‍मा खासुङ। हिब्रू भाषाला थे ठाउँला आर-मागेड्डोन सिओ।

छ्या स्‍ये च्‍युताते बात 9:11

थे खापान खापान तीङ ओताते डालुमदु ओताते दूतराङ थे छ्युच्‍युपेओन गेल्‍बो ओतान। थे डालुमदु ओताते दूतकी मिनचेन हिब्रू बातला एबाड्डोन थेमे ग्रीक बातला अपोल्‍लियोन ईन। दोक साबाते नाश जोकान्‍ते साबाते ईन।