यूहन्ना 18:37 - जिरेल37 थेमे थेकी “थोक ईन्सीनका खो गेल्बोराङ दुका ओना, मेन?” सिन सिरजीन येशूकी “ङा गेल्बो दुका सिन खुई साबाते ठीकराङ ईन। सत्यते बात च्यि ईन्दे सिन लोपालाराङ ङा देमा वाकीन क्या फापाते ईन। सत्यते बात थोला दि पक्काराङ ईन्दाते बात ईन सिन पत्ते खित्कान्ते मिकी ङे बात ङेन्ग्यो,” सिन सिदुक। အခန်းကိုကြည့်ပါ။ |
यूहन्ना 18:37
26 ပူးပေါင်းရင်းမြစ်များ
थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्बुराङ देत्जीन परमेश्वर आउदी खाला दया खित्कान्ते ईन, थे सत्यते ईन सिन थेकी ङ्योकोनला लेमु खाईन तेन्गीन बिन्दा ओतान। थेला आबातेकी देमा ताङा ओतान। थेते दोक्पोईकामा ओताते फुज्युङ ईन्देकी थेत्ताङ छ्येज्यीक शक्ति ओताते ङ्योकोनगी थोङा ङेत्सुङ।
ङुरूङला ज्येनोङ बात च्यि छ्या ओते सासीन परमेश्वर फुज्युङगी दुरू वाकीन परमेश्वर सु ईन्दे, चुक्ते ईन्दे सिन ङुरूङला छ्या स्ये च्युत्सुङ। थेकी दोक खानामेई ङुरूङ सत्यते परमेश्वरताङ डिक्पा थुप्सुङ थेमे परमेश्वर फुज्युङ येशू ख्रीष्टताङ डिक्पा थुप्सुङ। येशू ख्रीष्टचेन सत्यते परमेश्वर ईन, नोमुङ मिसिन्च्येते जुनी तेरकान्तेङ थेराङ ईन।
एशिये अञ्चलदु फाप्च्येते सार दुईनकारदु जम्मा ओङकान्ते येशू ख्रीष्ट मिओन ख्योकोन गाङेला ङा यूहन्ना दि बातओन टिगीन ओत। परमेश्वर थेमे थे खोरोङ सिंहासन दोन्दु ओताते परमेश्वर आत्मा दुईनबोताङ येशू ख्रीष्टकी ख्योकोनला दया खाला लेमु खिनराङ देत्स्यीत। परमेश्वर थरिङोलाङ ओत, गोमामेकीराङ ओतान थेमे सधैँभरि देत्कान्तेङ थेराङ ईन। परमेश्वर सु ईन्दे सिन थेमे थेकी खित्च्येते कामगी बात लेमु खाला लाप्ला तेरकान्ते येशू ख्रीष्ट ईन। स्याप्ते मिओन नाङ गाङे भन्दा गोमा नोमुङ मिस्यिच्या खाला सोम्बो लोक्कान्तेचेन थेराङ ईन। थेचेन दि लुङबा मुलुक गेल्बोओनतेङ गेल्बो ईन। येशूचेन ङुरूङला आउदी ङिङज्ये खित्कान्ते ईन। ङुरूङ लाईदु स्यिजीन थे खोरोङ जीउदुकी थेन्दाते ठागी खित्सादु थेकी ङुरूङला पापदुकी टाल्सुङ,
लाओडिसिया सारदु जम्मा ओङकान्ते येशू ख्रीष्ट मिओनला ताकोरा खित्कान्ते परमेश्वर दूतला दोक सिन टि। दि बातचेन साँचोते बातकामा खित्कान्ते थेमे परमेश्वर सु ईन्दे सिन थेमे थेकी खित्च्येते कामगी बात लेमु खाला लाप्ला तेरकान्ते आमेन सिराते ङा सिन ओत। परमेश्वरगी सा नाम थेमे ओताते जति गाङे ङे छ्य्वापेकीराङ जोबाते ईन।
ကြော်ငြာတွေ