यूहन्‍ना 18:32 - जिरेल

³² थेबेकी थोक सानामेई येशूकी थे खोरोङ चुक खाला स्‍या फाप्‍कीते सिन गोमाका साबाते बात साबा च्‍योकराङ ओङसुङ।

यूहन्‍ना 18:32 ပူးပေါင်းရင်းမြစ်များ

मत्ती 20:19

लोक्‍ला ज्‍येन ज्‍येन जातकी मि लाःक्‍तु सोम्‍पे खिओ। थेमे थेबेकीचेन ङाला हेपे खाला ईन्‍दा मेन्‍दा सिओ, कोर्रा लै खिओ थेमे स्‍यिङगी थामला टाँए खाला सेत्‍क्‍योदोङ। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन सिदुक।

मत्ती 26:2

“था ङीमा ङि तिरी निस्‍तार चाड ओङगो सिन ख्‍योकोनला छ्याराङ ओत। थे चाडगी बेलालाराङ परमेश्‍वर ओत्‍सादुई वाबाते मि ङाला स्‍यिङगी थामला टाँए खाला सेताला मिओन लाःक्‍तु सोम्‍पे खिओ,” सिन सिदुक।

मर्कूस 10:33

थेकी थेबाला “लो दि बात ङेन। ङुरूङ यरूशलेमने डुइन ओत। थेने लेप्‍नामेकी परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला छ्ये छ्ये पूजारीताङ धर्मे गुरूओन लाःक्‍तु सोम्‍पे खिओ। थेबेकीचेन ङाला सजाय बिन्‍ला सेता फाप्‍क्‍यो सिन लोक्‍ला ज्‍येन ज्‍येन जातकी मि लाःक्‍तु सोम्‍पे खिओ।

यूहन्‍ना 10:31

थेकी दोक सानामेई लोईन यहूदीओनगी थेला सेताप सिन देक्‍पाला दो तुसुङ।

यूहन्‍ना 10:33

थोक सिरजीन थे यहूदीओनगीचेन “खुई खाबाते खाङ कामगी खित्‍सादुङ ङ्योकोनगी खोल्‍ला दोई ग्‍याप्‍ला सेता चालाते मेन। खुई परमेश्‍वर विरोध खाबेकी खित्‍सादुका खोल्‍ला दोक खिता चालाते ईन। च्‍यिला सासीन मि ईनलाङ खोचेन खोरोङला परमेश्‍वरराङ ईन खिदुक,” सिन सिदुक।

यूहन्‍ना 13:18

दि बात ङे थाल्‍ला ख्‍योकोन गाङेला साबाते मेन। ङा ङाराङगी छाने खाबाते गाङेला छ्या स्‍येक्‍यो। परमेश्‍वर बातला ‘ङात्ताङ ङ्योम्‍बु देत्‍ला सोला थुला खित्‍कान्‍ते मिराङ ङे शत्रु ओङगो,’ सिन टिबा ओत। दि बात साबा च्‍योकराङ ओङगो।

यूहन्‍ना 18:31

थोक सिरजीन थेकी “दि मिला ख्‍योकोन खेराङगीराङ खेरला खेराङ धर्मे नियम ताला न्‍याय खि,” सिन सिदुक। थोक सानामेकी थेबेकी “ङ्योकोनगी सुइँदा मि सेता रोमी गेल्‍बो नियमताङ मिडिगो,” सिन सिदुक।

यूहन्‍ना 21:19

तिरी पत्रुस चुक खाला स्‍यिला परमेश्‍वरला छ्ये जोइते सिराला येशूकी होदि बात साबा ओतान। दोक साकीन सिन्‍नामेई थेकी पत्रुसला “लो ङात्ताङ ख्‍योम,” सिन सिदुक।

यूहन्‍ना 3:14

थाङबो मोशेकी ठाःकताङ बालुवा बाई छ्याःङ मेत्‍साला ओत्‍जीन पित्तल रूल जोकीन ज्‍वाला काला च्‍योकराङ खाला परमेश्‍वर ओत्‍सादुई वाबाते मि ङाला था स्‍यिङगी थामला टाँए खिओ।

यूहन्‍ना 8:28

थेमे थेकी याङराङ “ख्‍योकोनगी परमेश्‍वर ओत्‍सादुई वाबाते मि ङाला स्‍यिङगी थामला टाँए खानामेकी ङा सु ईन्‍दाका थेमे ङे ङाराङ खुशीकी छ्याःङ मिक्‍किच्‍याक्‍वा बरू आबेकी ङाला लापाते बातकामा खाबाते दुका सिन लेमु खाला छ्या स्‍येक्‍यो।

शक्ति काम 7:59

दोक खाईन थेबा गाङेकी सरे पुङलु खाईन थेला दोईकी ग्‍याप्‍सुङ। थेबेकी थोक खित्‍जीन स्‍तिफनसकीचेन “ए प्रभु येशू, ङे आत्‍मा खोरोङ लाःक्‍तु लोङ,” सिन प्रार्थना खासुङ।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।