यूहन्‍ना 18:26 - जिरेल

²⁶ थेमे थे खाम्‍बादुराङ काम खित्‍कान्‍ते मिओन नाङ दोक्‍पोईकी थेला “ङेनी खोल्‍लाङ थे मित्ताङराङ बगैंचादु थोङा ओतान, मेनरो?” सिन ठिसुङ। दि मिचेन गोमाका पत्रुसकी तरवारगी ग्‍याप्‍कीन नामज्‍योक च्‍येताते मिते दाक्‍पोन मि फाप्‍कीन ओतान।

यूहन्‍ना 18:26 ပူးပေါင်းရင်းမြစ်များ

मत्ती 26:73

टिक्‍पी तिरी याङराङ थेरू ओताते मिओनगी थेला ह्रुप रूप्‍कीन “खो च्‍यिला मेन सिते? थेत्ताङ ख्‍याम्‍कान्‍तेबे नाङ दोक्‍पोई पक्‍काराङ खोङ ओङा फाप्‍क्‍यो। खुई बोलीदुकीराङ खोङ गालीलपे मिराङ ईन सिन दाक छ्या स्‍येकीदुक,” सिन सिदुक।

लूका 22:58

टिक्‍पी तिरी ज्‍येनज्‍यीगीङ पत्रुसला थोङगीन “थेत्ताङ ख्‍याम्‍कान्‍तेबे नाङ दोक्‍पोई खोङ ईन, मेन?” सिन सासुङ। थेकी थेलाङ “खो दोक्‍ते बात माकेत। ङानी मेन,” सिन सासुङ।

यूहन्‍ना 18:1

दोक खाईन दि प्रार्थना खाईन सिन्‍नामेकी येशू चेलातेबाताङ फिनामा थेन्‍गीन किद्रोन ठाङके फारकेनपा गाल्‍सुङ। थेपा बगैंचाज्‍यीक ओतान। थेमे थेबा गाङेराङ थे नाङ स्‍यूसुङ।

यूहन्‍ना 18:10

थेमे शिमोन पत्रुसकीचेन थे खोरोङताङ ओताते तरवार ओक थेन्‍गीन गाङे भन्‍दा छ्येते पूजारी योक्‍पोला ग्‍याप्‍कीन थेते सामे नामज्‍योकराङ बेत च्‍येत्‍कीन ताङसुङ। थे योक्‍पो मिनचेन माल्‍खस ओतान।