यूहन्ना 17:26 - जिरेल26 खो सु ईन्दे, चुक्ते ईन्दे सिन ङे दिबाला छ्या स्ये च्युत्कीन बिन्दा ओत। ङा थोरूमोङ दोक खिनराङ देत्क्यो। खुई ङाला ङिङज्ये खाबा च्योकराङ दिबेकीङ खोपरोङ नाङ ङिङज्ये खितरीङ खित्स्यीत सिन ङा दिबे सेमगी नाङराङ देत्क्यो,” सिन आबातेला प्रार्थना खासुङ। အခန်းကိုကြည့်ပါ။ |
यूहन्ना 17:26
28 ပူးပေါင်းရင်းမြစ်များ
परमेश्वरगी खित्सादुकामा ख्योकोन येशू ख्रीष्टताङ जीउज्यीकराङ ओङाते ईन। येशू ख्रीष्टला ताला परमेश्वर चुक बुद्धि पुरे खाला काम खित्कान्ते ईन्दे सिन छ्या स्येक्यो। च्यि सासीन ख्रीष्टकी खित्सादु परमेश्वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।
चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान।
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
थेमे ख्रीष्टकी खित्सादुराङ ख्योकोनगी परमेश्वरगी तेरच्येते साम्बाते जुनी ङेत्कीन खेराङला गोच्येते जति गाङे ङेता ओत। सा नाम खाङ ओताते परमेश्वर दूतओन ईन्स्यीत, ल्हा ल्हन्डीक ईन्स्यीत, छ्ये टेक्टे जो ईन्सीनोङ जे ईन्सीनोङ होदिबा गाङे ख्रीष्टकी अधीनला ओत। होदिबा गाङे भन्दा छ्येतेचेन थेराङ ईन।
थेकी दोक लेमु खिन ओताते मि नाङ ग्रीक ईन्स्यीत कि यहूदी ईन्स्यीत, जीउला खतकी चिनु जोबाते मि ईन्स्यीत कि थे चिनु माजोबाते मि ईन्स्यीत, ज्येन ज्येन लुङबे मि ईन्स्यीत कि सिथिया सिराते मिओन ईन्स्यीत, योक्पो योङमु ईन्स्यीत कि ज्येन ईन्स्यीत गाङे थोजोराङ ईन। सु च्यि जातकीते ईन्दे, सु छ्ये टेक्टे ईन्दे सिरच्येते बात ओङा मेङगो। ख्रीष्टकामा छ्ये ईन। थे खोरोङ मि गाङे सेमगी नाङ थेराङ देत्क्यो।
ङुरूङ आबा परमेश्वरगी ङुरूङला ङिङज्ये खाईन थे खोरोङ दयेकी जहिलेङ आँट तेरगीन देत्ला तिरी तेरग्यो सिन साबातेबा गाङे पक्काराङ ङेत्क्यो सिन आश खाला देत ज्युत्क्यो। दोक खित्कान्ते परमेश्वरताङ ङुरूङ प्रभु येशू ख्रीष्ट थे खोरोङगीराङ ख्योकोनला आँट बिन्ला ख्योकोनगी खिन ओताते लेमुते कामताङ बात गाङे खिनराङ देत ज्युत्स्यीत सिन ङ्योकोन प्रार्थना खिओ।
ကြော်ငြာတွေ