यूहन्‍ना 17:11 - जिरेल

¹¹ था ङा काल्‍बासाक दुरू मेदेदो। ङा खो ओत्‍साने ओङगीन ओत। दोक ईन्‍सीनोङ दिबाबरीनी दुरूराङ देत्‍क्‍यो। थोगी आबा खुई ङाला बिन्‍दाते खोरोङ शक्तिकीराङ दिबाला मेलेबा ओङसादुई जोए खाला स्‍योक। सेमला पाप सिराते छ्याःङ मेताते खोकामा ईन। खुई दिबाला जोए खाईन ज्‍याक्‍नामेई आबा खोत्ताङ ङा दोक्‍पोईराङ ईन्‍दा च्‍योकराङ खाला दिबाबरीङ सेमज्‍यीकराङ खाला डिक्‍ला देता थुप्‍क्‍यो।

यूहन्‍ना 17:11 ပူးပေါင်းရင်းမြစ်များ

मत्ती 10:16

थेमे ज्‍येन बात च्‍यि सासीन फारे हूलगी लुई बगालला थेप्‍सुङ सासीन चुक खिते सिन ङुरूङला छ्या ओत मेन? ङे दुरूकी ताङनामेई फारेकी लुकला खिता च्‍योकराङ मिओनगी ख्‍योकोनला मेलेबा खिओ। थोगी ख्‍योकोन रूल च्‍योकराङ च्‍याङबो खाला देत। थेमे थेबा सुङलाङ छ्याःङ मेलेबा मिक्‍किता खाला गन्‍दीमा च्‍योकराङ सुधो ओङला काम खि।

मत्ती 5:48

बात दोक दोक ईन्‍देकी स्‍वर्गने देत्‍कान्‍ते ख्‍योकोन आबा परमेश्‍वरगी जे कुरोङ लेमुकामा खाबाच्‍योक खाला ख्‍योकोनगीङ लेमुकामा खि।

मत्ती 6:9

ख्‍योकोनगीचेन परमेश्‍वरला दोक सिन प्रार्थना खि। चुक सासीन ‘स्‍वर्गने देत्‍कान्‍ते आबा परमेश्‍वर, मि गाङेकी खोल्‍ला मान खित्‍स्‍यीत।

यूहन्‍ना 13:1

निस्‍तार चाड लेपा लेपा खाबा ओतान। था थे खोरोङ दि सा लुङबादुकी आबाते ओत्‍साने ग्‍युरला डोच्‍येते बेला लेपा खासुङ सिन येशूकी छ्या स्‍येबा ओतान। थेकी थे खोरोङगी ङिङज्‍ये खाबाते दुरू ओताते थे खोरोङ मिओनला थोई ङिङज्‍ये खिते सिन तेन्‍ला तेरा थुपासम्‍म तेन्‍गीन बिन्‍सुङ।

यूहन्‍ना 13:3

जस्‍तोङ खिता थुप्‍च्‍येते शक्ति आबातेकी थे खोरोङला बिन्‍दा ओत सिन येशूला छ्या ओतान। परमेश्‍वरगी थे खोरोङला दुरू ताङाते ईन थेमे था थे ओत्‍सादुराङ ग्‍युरला डुइन ओत सिनोङ थेला छ्या ओतान।

यूहन्‍ना 14:20

ङाला थोङे छोमु आबाताङ ङा दोक्‍पोईराङ दुका, ङा ख्‍योकोन सेमगी नाङ देत्‍च्‍याक्‍वा थेमे ख्‍योकोनोङ ङात्ताङ जीउज्‍यीकराङ ओङा ओताक्‍वा सिन ख्‍योकोनगी लेमु खाला छ्या स्‍येक्‍यो।

यूहन्‍ना 16:28

ङा आबा ओत्‍सानेकी दि सा लुङबादु वाबाते ईन। थेमे याङराङ थे ओत्‍सानेराङ ग्‍युरला डुइन ओत,” सिन सिदुक।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

यूहन्‍ना 17:23

ङा दिबे सेमगी नाङ देत्‍च्‍येते ईन्‍देकी थेमे खोत्ताङ ङा दोक्‍पोईराङ ईन्‍देकी दिबा गाङेराङ जहिलेङ सेमज्‍यीकराङ खाला डिक्‍ला देत्‍स्‍यीत। दोक ओङनामेई ङाला खुईराङ ताङाते ईन थेमे खुई ङाला ङिङज्‍ये खाबा च्‍योकराङ खाईन दिबालाङ ङिङज्‍ये खित्‍च्‍याक्‍वा सिन दि सा लुङबे मिओनगी छ्या स्‍येक्‍यो।

यूहन्‍ना 17:25

आबा, खो खालि लेमुते कामताङ बातकामा खित्‍कान्‍ते ईन। दि सा लुङबे मिओनगी खोल्‍ला छ्या मास्‍येसीनोङ ङा खोल्‍ला छ्या स्‍येक्‍यो। ङाला विश्‍वास खित्‍कान्‍ते मिओनगी खुईराङ ङाला ताङाते ईन सिन छ्या स्‍येसुङ।

यूहन्‍ना 17:6

दि सा लुङबे मिओन नाङदुई खुई ङाराङ लाःक्‍तु जिम्‍मा बिन्‍दाते मिओनला आबा खो सु ईन्‍दे, चुक्‍ते ईन्‍दे सिन ङे छ्या स्‍ये च्‍युत्‍कीन बिन्‍दाप। ईन्‍दानी थेबा गोमामेईराङ खुई मिराङ ओतान। थेबाला खुई ङे लाःक्‍तु जिम्‍मा बिन्‍सुङ। थेमे थेबेकी खुई बात ङेन्‍सुङ।

यूहन्‍ना 7:33

थोरूमोङ बात खिन येशूकी “था टिक्‍पी दिनसाककामा ङा ख्‍योकोनताङ देत्‍क्‍यो। थे तिरी ङा दाक ङाराङला दुरू तोङकान्‍ते ओत्‍साने ग्‍युरला डुइओ।

शक्ति काम 3:21

थे थरिङोला स्‍वर्गने देता ओत। परमेश्‍वर बात खित्‍कान्‍तेबेकी परमेश्‍वरगी तिरी जेसुकै लेमु जोइओ सिन परमेश्‍वरगी सिर च्‍युताते बाततेबा गाङे साबा च्‍योकराङ मायाङथुप थे थेनेराङ देत्‍क्‍यो।

रोमी 12:5

ङुरूङ फारगी नाङ बादोङ होदि मि जीउकी बात च्‍योकराङ ईन। ख्रीष्‍टताङ जीउज्‍यीकराङ ओङा ओतेकी ङुरूङोङ गाङेराङ जीउज्‍यीगी लाक्‍पा काम्‍बा च्‍योकराङ ईन। लाक्‍पाताङ काम्‍बेते खुदुक खुदुक काम ओता च्‍योकराङ दोक्‍पोईकी ज्‍येनज्‍यीकला लेमु खिताला ङुरूङतेङ दाक्‍पोन दाक्‍पोनते खुदुक खुदुक काम ओत।

रोमी 9:17

थे खोरोङला जस्‍तो खिता सेम लाङगीदुक थोकराङ खिओ सिन परमेश्‍वरगी मिश्रे गेल्‍बो फारोला साबाते बात परमेश्‍वर बातला दोक सिन टिला दुक। चुक सासीन “ङे खुई लुङबादु खाबाते काम थोङला सा लुङबा खाङगी मि गाङेकी ङात्ताङ चुक छ्येज्‍यीक शक्ति ओता ईन्‍दाका थेमे ङा चुक्‍ते परमेश्‍वर ईन्‍दाका सिन छ्या स्‍येस्‍यीत सिनराङ ङे खोल्‍ला दि लुङबे गेल्‍बो जोबाते ईन,” सिन साला दुक।

१ कोरिन्‍थी 1:10

आज्‍यो न्‍वावे, ङुरूङ प्रभु येशू ख्रीष्‍टकीराङ ङाला दोक खित्‍च्‍येते अधिकार बिन्‍दा ओतेकी ङा ख्‍योकोनला च्‍यि सिते सासीन ख्‍योकोनगी खेराङ नाङ फाटो ओङच्‍येते काम माकेत। बरू गाङेकी सेमज्‍यीकराङ खाला डिक्‍ला काम खि।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

एफिसी 4:4

च्‍यिला सासीन ङुरूङ गाङेराङ जीउज्‍यीक्‍तेराङ ओङा ओत, ङुरूङ गाङेकी परमेश्‍वर आत्‍माज्‍यीकराङ ङेता ओत थेमे परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन तिरी ख्‍योकोनते च्‍यि आश ओते सिन साबाते ङुरूङ गाङेकी ङेत्‍च्‍येतेङ दोक्‍पोईराङ ईन।

फिलिप्‍पी 2:9

थेकी थोक थोक खाबेकी परमेश्‍वरगी थेला छ्येज्‍यीक मान बिन्‍गीन थे छेत छ्ये सुङ मेत छ्येतेचेन थेराङ ईन, थेकामा प्रभु ईन सासुङ।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

हिब्रू 9:24

च्‍यिला सासीन ख्रीष्‍ट गाल्‍गीन स्‍यूबाते ठाउँचेन स्‍वर्गने ओतातेते नक्‍कल खाईन परमेश्‍वर देताला सिन मिओनगी जोबाते पाल च्‍योक्‍ते मेन। ख्रीष्‍टनी स्‍वर्गने परमेश्‍वर दोन्‍दुराङ गाला ओत। थे दोन्‍दुराङ देत्‍ला थरिङोला थेकी ङुरूङ लाईदु परमेश्‍वरताङ बात खिओ।

याकूब 4:4

ख्‍योकोनचेन परमेश्‍वरला माने खिता ताङाते मि ईन। दि सा लुङबे मि च्‍योकराङ सम्‍पत्ति छ्य्‌वापा सेम लै खित्‍कानताङ दाक्‍पोन विचारकामा खित्‍कान्‍ते मि परमेश्‍वरताङ डिक्‍पा मुथुबो सिन च्‍यि ख्‍योकोनला छ्या मेत? सम्‍पत्ति छ्य्‌वापा सेम लै खित्‍कानताङ दाक्‍पोन विचारकामा खित्‍कान्‍ते मिनी परमेश्‍वरताङ डिक्‍पाराङ मुथुबो।

१ पत्रुस 1:5

ख्‍योकोनगी प्रभु येशूला विश्‍वास खितेकी खित्‍सादु था दि जुग सिन्‍दे खाला ख्‍योकोनला पूरो खाला पापदुकी टाल्‍ला स्‍वर्गने खेरच्‍येते समय ओङ ओङसाकराङ परमेश्‍वरगी थे खोरोङ शक्तिकी ख्‍योकोनला मेलेबा काम खित्‍से छ्य्‌वापेई जोए खाला ज्‍य्‌वाक्‍यो।

१ यूहन्‍ना 3:12

ङुरूङगी कयिनगी खाबाच्‍योक खिता मेङगो। मिला मेलेबा खित्‍कान्‍ते शैतानताङ डिक्‍कान्‍ते ईन्‍देकी थेकी थे खोरोङ न्‍वालाराङ सेता ओतान। थेकी च्‍यिला न्‍वातेला सेता ओताने छ्या ओत? न्‍वाते च्‍योक खाला लेमुते कामताङ बात खित्‍कान्‍ते मि मेन्‍देकीराङ थेकी न्‍वातेला सेता ओतान।

१ यूहन्‍ना 5:19

दि सा लुङबा गाङे मिला मेलेबा खित्‍कान्‍ते शैतान अधीनला ओत। ईन्‍सीनोङ ङुरूङचेन परमेश्‍वर फुज्‍युङ फुमु ईन सिन ङुरूङला लेमु खाला छ्या ओत।

यहूदा 1:1

दि चिट्ठी टिक्‍कान्‍ते ङा यहूदा ईन। ङा याकूब न्‍वा ईन। ङा येशू ख्रीष्‍ट काम खित्‍कान्‍ते मि ईन। ङा दि चिट्ठी आबा परमेश्‍वरगी थे खोरोङ दोन्‍दु स्‍योक सिन काताङाते, थेकी ङिङज्‍ये खिन ओताते थेमे येशू ख्रीष्‍टकी ताकोरा खिन ओताते मि ख्‍योकोनला टिगीन ओत।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।

छ्या स्‍ये च्‍युताते बात 15:4

प्रभु, खोत्ताङ ज्‍यीबा मिक्‍किकान्‍तेताङ खोल्‍ला छ्ये मोजोकान्‍ते सु ओतेरो? सेमला पाप सिराते छ्याःङ मेताते खोकामा ईन। लुङबा लुङबे मि गाङेकी खुई दोन्‍दु वाला गुर्बु खाला से खिनकामा खोल्‍ला छ्ये जोइओ। च्‍यिला सासीन खुई खाबाते गाङे लेमुते कामतेबा गाङेकी थोङा ओत,” सिन ओतान।

छ्या स्‍ये च्‍युताते बात 19:12

थेते मिक मे च्‍येला च्‍योकराङ टल्‍के खित्‍च्‍येतेन्‍दे ओतान। थेमे थेकी आउदी काल्‍बेई श्रीपेज खोन्‍दा ओतान। थेते टालाला मिनज्‍यीक टिबा ओतान। थे मिन च्‍यि ईन्‍दे सिन थे खोरोङलाकामा छ्या ओतान।

छ्या स्‍ये च्‍युताते बात 4:8

थेबा स्‍यीकारते स्‍योक्‍पा ठुक ठुक ओतान। थेमे स्‍योक्‍पाओनलाङ लाक नाङ मिकराङ मिक ओतान। थेमे थेबाचेन ङीन नुप रकस्‍यिकोङ खाराक्‍पा मेदेता खाला “गाङे भन्‍दा छ्येज्‍यीक शक्ति ओताते प्रभु परमेश्‍वर, खो मेलेबा सिराते छ्याःङ मिक्‍किकान्‍ते ईन। सेमला पाप सिराते छ्याःङ मेताते खोकामा ईन। खो गोमा ओतान, थरिङोलाङ ओत थेमे तिरी तिरीसाकराङ देत्‍कान्‍तेङ खोराङ ईन,” सिनराङ देत्‍कीन ओतान।