यूहन्‍ना 16:7 - जिरेल

⁷ दोक ईन्‍सीनोङ ङा ख्‍योकोनला दि बात लेमु खाला सिरामीन। ङा दोक खाला डोच्‍येते ख्‍योकोनला लेमु ओङालाराङ ईन। ङा दुरूकी मागालथुप ख्‍योकोनला सल्‍लाह तेरकान्‍ते ख्‍योकोन ओत्‍सादु मेङगो। ङा गाल्‍नामेईचेन ङा थेला दुरू तोङगो।

यूहन्‍ना 16:7 ပူးပေါင်းရင်းမြစ်များ

लूका 24:49

थेमे था ङा ख्‍योकोनला ङे आबेकी तेरग्‍यो सिन साबाते परमेश्‍वर आत्‍मा तेरग्‍यो। स्‍वर्गनेकी परमेश्‍वर आत्‍मे शक्ति माङेतथुप ख्‍योकोन यरूशलेमदुकी खापाङ मोन्‍डोबा खाला दुरूराङ गुला देत,” सिन सिदुक।

लूका 4:25

ङुरूङ ज्‍युज्‍यु पुर्खे पालोला ओङाते दि बातओननी ख्‍योकोनला छ्याराङ ओतासीन। च्‍यि सासीन परमेश्‍वर बात खित्‍कान्‍ते एलिये पालोला लो सुमताङ दावा ठुकसाक छ्यार्बा मेदेक्‍जीन इस्राएल लुङबा खाङ आउदी खाईन अनिकाल लाबा ओतान। ख्‍योबो स्‍याप्‍ते मिओनगी आउदी दुक्‍पा ङेता ओतान। थेजीन थेरू थोक्‍ते फेम्‍मे मि काल्‍बेई ओतान।

लूका 9:27

ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर राज्‍य थोङलाकामा स्‍यिइओ,” सिन सिदुक।

यूहन्‍ना 14:26

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

यूहन्‍ना 14:28

‘ङा ख्‍योकोनला ताङला डुइन ओत। थेमे लोक्‍ला ख्‍योकोन ओत्‍सादु ग्‍युरला ओङगो,’ सिन ङे ख्‍योकोनला साबाते ख्‍योकोनगी थोबाराङ ओत। ख्‍योकोनगी ङाला ङिङज्‍ये खाबा ओता ईन्‍सीन ङा आबा ओत्‍साने ग्‍युरला डोजीन ख्‍योकोन गा खित्‍च्‍या ओतान। ङा भन्‍दाचेन थेराङ छ्ये ईन।

यूहन्‍ना 14:3

ठाउँ ठीक खाला ङा ख्‍योकोनला लिन्‍दाला लोक्‍ला ओङगो। थेमे ख्‍योकोनोङ ङात्ताङ ङ्योम्‍बुराङ देता ङेत्‍स्‍यीत सिन ङा ख्‍योकोनलाङ ङाराङ देत्‍सादुराङ देताला खेरग्‍यो।

यूहन्‍ना 15:26

आबा ओत्‍सानेकी ङे ख्‍योकोन ओत्‍सामा तोङगो साबाते सल्‍लाह तेरकान्‍ते वानामेकी थेकी ख्‍योकोनला ङा सु ईन्‍दे, ङे च्‍यि खिते सिन लेमु खाला सिओ। थे आबे छ्य्‌वापेईराङ ओङगो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो।

यूहन्‍ना 16:8

थेमे थेकी वाला दि सा लुङबे मिओनला थेबेकी पाप खाबेकी खित्‍सादु थेबा दोषीराङ ईन सिरच्‍येते, परमेश्‍वरगी चुक्‍ते मिला दोषी मेन सिते सिरच्‍येते थेमे ङीमाई परमेश्‍वरगी गाङेते न्‍याय खिओ सिरच्‍येते बात छ्या स्‍ये ज्‍युत्‍क्‍यो।

यूहन्‍ना 7:39

दि बात थेकी थे खोरोङला विश्‍वास खित्‍कान्‍ते मिओनगी तिरी परमेश्‍वर आत्‍मा ङेत्‍क्‍यो सिन सिराला साबा ओतान। परमेश्‍वरगी येशूला स्‍यिसादुकी सोम्‍बो लोक्‍ला स्‍वर्गने खेरच्‍येते काम थोरूमसाक खाबा मेतेकी परमेश्‍वरगी थेजीनसाक सुङलाङ परमेश्‍वर आत्‍मा बिन्‍दा मेतान।

शक्ति काम 10:34

थेकी दोक सानामेई थेरू जम्‍मा ओङाते मिओनला पत्रुसकी दोक सिन बात खिताला स्‍यूसुङ। चुक सासीन “परमेश्‍वर लाईदु मि गाङे दोक्‍पोईराङ ईन। थेकी सुङलाङ काका पाका मिक्‍किओ।

शक्ति काम 2:33

थोक खाईन सोम्‍बो लोक्‍नामेकी परमेश्‍वरगी थेला छ्येज्‍यीक मान बिन्‍गीन थे खोरोङ सामे छ्य्‌वापा ज्‍याक्‍पा ओत। थे खोरोङगी मिओनला तेरग्‍यो साबाते परमेश्‍वर आत्‍मा तेरच्‍येते जिम्‍मा थेकी येशूला बिन्‍सुङ। आबातेकी जिम्‍मा बिन्‍दा च्‍योकराङ खाईन थेकी ङ्योकोनला परमेश्‍वर आत्‍मा बिन्‍सुङ। ख्‍योकोनगी थरिङ थोङातेताङ थोबाते बात ङ्योकोनगी परमेश्‍वर आत्‍मा ङेतेकी खित्‍सादुराङ ईन।

रोमी 8:28

थेमे दि बादोङ ङुरूङला लेमुराङ खाला छ्या ओत। च्‍यि सासीन परमेश्‍वरला ङिङज्‍ये खित्‍कान्‍ते मिओनलाचेन दुक्‍पा किम्‍मु जेराङ ओङसीनोङ परमेश्‍वरगी लेमुराङ ओङ ज्‍युत्‍क्‍यो। थेबे लाईदु थे खोरोङगी खिओ साबाते काम खिताप सिन परमेश्‍वरगी थेबाला थे खोरोङ दोन्‍दु स्‍योक सिन काताङाते ईन।

२ कोरिन्‍थी 4:17

थरिङोला टिक्‍पी दिन दोक्‍ते दुक्‍पा भोगे खिता फाप्‍सीनोङ दोक खाईन सिन्‍नामेईनी परमेश्‍वरगी ङेराङला सधैँभरि लाईदु मान बिन्‍ला थे खोरोङगी ज्‍वा चाला च्‍योकराङ लेमुका जोइओ। होथे बात सम्‍झे खित्‍जीन ङ्योकोनलानी थरिङोला टिक्‍पी दिन ङेराङगी भोगे खिन ओताते होदोक्‍ते पीरताङ दुक्‍पा छ्याःङ मेन सिराच्‍योक लाङगीदुक।