थेमे थेकी ठाक्पा खाला तेरस्यीत सिन कोई कोईकी ख्याम्बाराङ मुथुप्कानज्यीक कुज्येज्यीकला मालज्यामताङराङ डोलो खाईन खुरगीन थे ओत्सादु क्याल्सुङ। थेकी ठाक्पा खिता थुप्क्यो सिन थेबेकी थे खोरोङला थोक विश्वास खाबा थोङगीन थेकी थे कुज्येला “फुज्यो, था खो ज्यीबा माकेत। ङे खुई खाबाते पाप गाङे माफ खाबान,” सिन सिदुक।
यूहन्ना 16:33 - जिरेल33 ङे खित्सादु ख्योकोन सेम ढुक्क खाला देता थुप्स्यीत सिनराङ ङे दि बाततेबा साबाते ईन। दि सा लुङबे मिओनगी ख्योकोनला तेरासम्म दुक्पा तेरग्यो। थोक ईन्सीनोङ ख्योकोन हरेस मासा। दि सा लुङबादु ओताते जे ईन्सीनोङ, जो ईन्सीनोङ गाङेला ङे ग्याल्गीन सिन्दा ओत,” सिन सिदुक। အခန်းကိုကြည့်ပါ။ |
यूहन्ना 16:33
46 ပူးပေါင်းရင်းမြစ်များ
थे तिरी यहूदिया, गालील थेमे सामरिये अञ्चल नाङला ठाउँ ठाउँला जम्मा ओङकान्ते येशू ख्रीष्ट मि गाङेला लेमु ओङसुङ। था थेबाला सुङगीङ दुक्पा तेरगीन मेतान। प्रभु येशूला मन परे मिक्किच्येते छ्याःङ खिता मेङगो सिन ज्यीबा खिन थेबेकी झन झन लेमु खाईन थेला विश्वास खिताला स्यूसुङ। परमेश्वर आत्मेकी थेबाला आँट बिन्सुङ। दोक खाईन थेबा झन झन फेल्गीन ड्वाप्ला स्यूसुङ।
लो आज्यो न्वावे, था ज्येन बातका च्यि सिरच्ये, ख्योकोनगी परमेश्वरगी खेराङला ज्वा चाला च्योकराङ लेमु मि ओङस्यीत सिन थोक्ते मि ओङच्ये छ्य्वापा स्येत खि। ङे लाःपा कोताते ङेन्ला था चुक खिता फाप्कीका थोककामा खि, ख्योकोन गाङेराङ सेमज्यीकराङ खाला डिक्ला थुन्ला देत। थोक खासीन गाङेला ङिङज्ये खित्कान्ते थेमे डिक्ला थुन्ला देत ज्युत्कान्ते परमेश्वर ख्योकोनताङ ङ्योम्बुराङ देत्क्यो।
थेमे परमेश्वरला ङ्योकोन धन्यवाद तेरग्यो। ख्रीष्टताङ जीउज्यीकराङ ओङा ओतेकी ङेराङ जहाँदु गाल्सीनोङ परमेश्वरगी सधैँ ङ्योकोनला ख्रीष्ट च्योकराङ शत्रुला ग्याल्कान्ते ईन सिन तेन्ला तेरगीदुक। थेमे धूप पारनामेकी थे बास्ना फैले खाबा च्योकराङ खाला ङ्योकोन छ्य्वापेकी ख्रीष्ट सु ईन्दे, थेकी च्यि खिते सिरच्येते बात गाङेपा फैले खित ज्युत्कीदुक।
परमेश्वरताङ चुक छ्येज्यीक शक्ति ओते सिन छ्या स्येच्येते दि गा लाङच्येते बात लोपाला ङ्योकोनताङ छ्याःङ शक्ति मेत। ङ्योकोननी छ्याक्ला फराक फुरूक डोच्येते सबी नोत च्योककामा ईन। थोगी ङ्योकोनगी खित्च्येते काम ङेराङ शक्तिकी मेन, परमेश्वरगी शक्ति बिन्देकी खिता थुप्च्येते दुका सिन मिओनगी छ्या स्येक्यो।
ङे नोमुङ होथेबेकी च्योक खाला दाक्पोनगी खाबाते खइँदा कामगी छ्य्वापेई छ्ये खिता माफाप्स्यीत। ङेनी स्यिङगी थामला टाँए खाईन सेताते ङुरूङ प्रभु येशू ख्रीष्टलाकामा छ्ये जोइओ सिन टुङ्गो खाईन सिन्दा ओत। प्रभु येशू ख्रीष्ट थोक खाईन स्याप्की खित्सादु ङाङ स्यिङगी थामला टाँए खाईन स्याप्ते च्योक ओङगीन दि सा लुङबे मिओनगी ङेन्दा फाप्क्यो सिरच्येते नियम थेमे थेबेकी माने खित्च्येते रीतिथितिओन ङे लाईदु छ्याःङ काम लै मिक्किच्या गाला ओत। थेमे ङाराङचेन होथोक्ते नियमताङ रीतिथिति लाईदु स्याप छेतराङ ओङा ओत।
थेमे थे खोरोङगी खिता चाला च्योकराङ खाईन थेकी दि पृथ्वीदु ओताते ईन्स्यीत, स्वर्गने ओताते ईन्स्यीत, जो ईन्सीनोङ जे ईन्सीनोङ गाङेला थे खोरोङ फुज्युङ छ्य्वापेकीराङ थे खोरोङताङ डिक्पा खाबा ओत। थे खोरोङ फुज्युङ स्यिङगी थामला टाँए खाला स्यिजीन थे जीउदुकी थेन्दाते ठागी खित्सादु थेकी ओताते जति गाङेला होथोक खाईन थे खोरोङताङ डिक्पा खाबा ओत।
थेमे अब्राहामगीचेन थे खोरोङगी लडाइँला ग्याल्गीन ठ्वाकीन खुलाबाते जेसुकैते बो च्युताम्बे नाङ बोज्यीक टाल्गीन थेला बिन्दा ओतान। मल्कीसेदेक साबाते काका पाका मिक्किता खाला राज्य खित्कान्ते गेल्बो साबाते ईन। थेकी राज्य खाबाते शालेम सारगी अर्थचेन आनन्दे सार साबाते ईन। थोक ईन्देकी मल्कीसेदेकचेन आनन्दे सारगी गेल्बोङ ओतान।
छ्येवे, दि सा नाम ज्वा भन्दा गोमामेईराङ ओताते ख्रीष्टला ख्योकोनगी छ्या स्येबा ओतेकी ङा ख्योकोनला दि बात टिगीन ओत। स्याराते मिवे, ख्योकोनगी खेराङला मेलेबा खित्कान्ते शैतानला ग्याल्गीन सिन्दा ओतेकी ङा ख्योकोनला दि बात टिगीन ओत। फिजावे, ख्योकोनगी आबा परमेश्वर सु ईन्दे, चुक्ते ईन्दे सिन छ्या स्येबा ओतेकी ङे ख्योकोनला दि बात टिबाते ईन।
ကြော်ငြာတွေ