यूहन्‍ना 16:32 - जिरेल

³² तर दि बात ङेन। चुक सासीन था समयज्‍यीक ओङगो, सिइराङ सासीन थे समय लेप्‍कीन सिन्‍दा ओत। थेजीन ख्‍योकोन ङाला च्‍यिकराङ ताङला खेराङ खेराङ खाम्‍बाला फ्रोला डुइओ। थोक ओङसीनोङ आबा ङात्ताङ ङ्योम्‍बु ओतेकी ङा ङाराङकामा देता माफाबो।

यूहन्‍ना 16:32 ပူးပေါင်းရင်းမြစ်များ

मत्ती 26:31

थेमे येशूकी चेलातेबाला “थरिङ ग्‍वाका मिओनगी ङाला जिन्‍दा थोङला ख्‍योकोन गाङेराङ ङाला ताङला छ्योङगो। थोक ओङगो सिन परमेश्‍वर बातला परमेश्‍वरगी ‘ङा गोठालाला सेत्‍क्‍यो, थेला सेत्‍नामेई लुकओनचेन जतासुकैपा छरपुट्ट डुइओ,’ सिन साबा ओत।

मत्ती 26:56

परमेश्‍वर बात खित्‍कान्‍तेबेकी टिबाते बात साबाच्‍योक ओङालाराङ दि गाङे दोक दोकराङ ओङाते ईन,” सिन सिदुक। थेकी दि बात साकीन सिन्‍नामेई चेलातेबाचेन गाङे थेला ताङगीन छ्य्‌वासुङ।

मर्कूस 14:27

थेमे थेकी चेलातेबाला “था ख्‍योकोन गाङेकी ङाला ताङला छ्योङगो। थोक ओङगो सिन परमेश्‍वर बातला परमेश्‍वरगी ‘ङा गोठालाला सेत्‍क्‍यो, थेला सेत्‍नामेई लुकओनचेन जतासुकैपा छरपुट्ट डुइओ,’ सिन साबा ओत।

मर्कूस 14:50

थेकी दि बात साकीन सिन्‍नामेई चेलातेबाचेन गाङे थेला ताङगीन छ्य्‌वासुङ।

यूहन्‍ना 12:23

थेमे थेकी थेबाला “था परमेश्‍वर ओत्‍सादुई वाबाते मि चुक छ्ये ईन्‍दे सिन परमेश्‍वरगी मिओनला छ्या स्‍ये ज्‍युत्‍च्‍ये बेला लेपा खासुङ।

यूहन्‍ना 16:2

था खेराङ छ्ये छ्ये मिकी ख्‍योकोनला मिटिङ खित्‍च्‍येते खाम्‍बादु ओङा मेङेत्‍च्‍या खाला तेन्‍ला तोङगो। सिइ सासीन दोक्‍ते बेलाङ ओङगो। चुक सासीन ख्‍योकोनला सेत्‍कान्‍ते मिकीनी परमेश्‍वरला मन परे खित्‍च्‍येते कामका खिन ओत सिन विचार खिओ।

यूहन्‍ना 16:25

थरिङसाक ङे ख्‍योकोनला दि गाङे बात सजिलो खाला खोबा मुथुप्‍च्‍या खाईन लापा ओत। दोक ईन्‍सीनोङ था समयज्‍यीक ओङगो। थेजीन ङा ख्‍योकोनला दोक खाला मेन्‍देकी आबे बात ङा ख्‍योकोनगी सजिलो खाला खोबा थुप्‍च्‍या खाला लाःप्‍क्‍यो।

यूहन्‍ना 16:31

थेबेकी थोक सानामेई थेकी “था ईन्‍सीन ख्‍योकोनगी ङाला विश्‍वास खासुङ।

यूहन्‍ना 19:27

थेमे थेकी चेलातेलाङ “थरिङमेई थेराङ खुईते आमा ईन,” सिन सासुङ। थेमे थे छोमुमेई थेकी येशू आमाला थे खोरोङ खाम्‍बादु खेरगीन आमाला च्‍योकराङ खाईन ज्‍याक्‍सुङ।

यूहन्‍ना 20:10

थे तिरीचेन थेबा ङिबो खोपरोङ खाम्‍बापा ग्‍युरसुङ।

यूहन्‍ना 4:21

थेकी थोक सिरजीन येशूकी “आज्‍यी, ङा खोल्‍ला दि बात सिओ। च्‍यि सासीन था समयज्‍यीक ओङगो। थेजीन आबा परमेश्‍वरला माने खिताला मिओन दि बोमदुङ ओङा माफाबो, यरूशलेमपाङ ड्वा माफाबो।

यूहन्‍ना 4:23

थेमे था समयज्‍यीक ओङगो। सिइ सासीन थे समय वाकीन सिन्‍दा ओत। आबा परमेश्‍वरला चुक खाला माने खिता फाप्‍कीते सिन था परमेश्‍वर आत्‍मेकी मिओनला छ्या स्‍ये च्‍युत्‍ला थेला जस्‍तो खाला माने खिता फाप्‍च्‍येते ईन होथोकराङ खाला माने खित ज्‍युत्‍क्‍यो। आबा परमेश्‍वरगीङ थे खोरोङला होदोक खाला माने खित्‍कान्‍ते मिओनराङ छोल्‍ग्‍यो।

यूहन्‍ना 5:25

दि बात ङेन। च्‍यि सासीन था समयज्‍यीक ओङगो। सिइ सासीन थे समयचेन थरिङोलाराङ ईन। परमेश्‍वर छ्य्‌वापेई ठाल्‍गीन थे लाईदु स्‍याप छेतराङ गालाते मिओनगी था परमेश्‍वर फुज्‍युङ ङोरो थोक्‍यो। थे ङोरो थोला थेकी साबाते ङेन्‍कान्‍ते मिओनगीचेन नोमुङ मिसिन्‍च्‍येते जुनी ङेत्‍क्‍यो।

यूहन्‍ना 5:28

दि बात थोला ख्‍योकोन छक्‍क परे माकेत। च्‍यि सासीन था समयज्‍यीक ओङगीन ओत। थेजीन स्‍यिइन सिन्‍दाते मि गाङेकी परमेश्‍वर फुज्‍युङ ङोरो थोक्‍यो।

यूहन्‍ना 8:16

ङे सुइँदा मि दोषी ईन्‍दाना मेन्‍दे सिन सिरा फाप्‍सीन ङा लेमु खाला विचार खालाकामा थोक खिओ। च्‍यिला सासीन दि काम ङाराङकामा मिक्‍किता खाला ङाला दुरू तोङकान्‍ते आबाताङ ङा ङिकाराङ डिक्‍ला खिओ।

यूहन्‍ना 8:29

ङाला दुरू तोङकान्‍ते ङात्ताङ ङ्योम्‍बुराङ ओत। ङे थेला मन परे खित्‍च्‍येते कामकामा खित्‍च्‍येते ईन्‍देकी थेकी ङाला च्‍यिकराङ ज्‍याक्‍पा मेत,” सिन सिदुक।

शक्ति काम 21:6

थेमे थेरूकी ठाल्‍गीन ङ्योकोनचेन पानीजहाजला जेबाप। थेबाङ खोपरोङ खोपरोङ खाम्‍बाला ग्‍युरगीन गाल्‍सुङ।

शक्ति काम 8:1

थेमे थे छोमुमेकीराङ छ्ये छ्ये मिकी यरूशलेमदु जम्‍मा ओङकान्‍ते येशू ख्रीष्‍ट मिओनला आउदी खाईन दुक्‍पा तेराला स्‍यूसुङ। थोगी थेबाबरी यरूशलेमदुकी फ्रोकीन छरपुट्ट गाल्‍गीन यहूदियाताङ सामरिये अञ्‍चल नाङपा गाल्‍गीन देत्‍सुङ। खालि येशू ख्रीष्‍टकी खटे खाबाते मिओनकामा थेरूराङ देत्‍सुङ।