यूहन्‍ना 16:27 - जिरेल

²⁷ ख्‍योकोनगी ङाला ङिङज्‍ये खाबेकी थेमे ङा आबा ओत्‍सानेई वाबाते ईन सिन पत्ते खाबेकी आबा थे खोरोङगीराङ ख्‍योकोनला ङिङज्‍ये खिओ।

यूहन्‍ना 16:27 ပူးပေါင်းရင်းမြစ်များ

मत्ती 10:37

थेमे ङाला भन्‍दाङ काल्‍बा आबा आमाला ङिङज्‍ये खित्‍कान्‍ते मिचेन ङे चेला ओङा मुथुबो। थोकराङ खाला दाक्‍पोन फुज्‍युङ फुमुलाका काल्‍बा ङिङज्‍ये खित्‍कान्‍ते मिलाङ ङे चेला ईन सिरा सोई मिक्‍किओ।

यूहन्‍ना 14:21

जसकी ङे खि सिन कोताते ङेन्‍ला खि साबाच्‍योक खिदुक, ङाला ङिङज्‍ये खित्‍कान्‍ते मि थेराङ ईन। ङाला ङिङज्‍ये खित्‍कान्‍ते मिलाचेन आबेकीङ ङिङज्‍ये खिओ। थोकराङ खाला ङाङ थेला ङिङज्‍ये खिओ थेमे ङा चुक छ्ये ईन्‍दे सिन थेला झन लेमु खाला छ्या स्‍ये ज्‍युत्‍क्‍यो,” सिन बात खासुङ।

यूहन्‍ना 14:23

थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

यूहन्‍ना 16:30

खोल्‍ला जे बादोङ छ्या ओताक्‍वा थेमे खोत्ताङ ठा चालाते बादोङ खुई गोमाका छ्या स्‍येच्‍याक्‍वा सिन ङ्योकोनगी लेमु खाईन छ्या स्‍येसुङ। थोगीराङ खो परमेश्‍वर ओत्‍सानेईराङ वाबाते ईन सिन ङ्योकोन पत्ते खिओ,” सिन सिदुक।

यूहन्‍ना 17:23

ङा दिबे सेमगी नाङ देत्‍च्‍येते ईन्‍देकी थेमे खोत्ताङ ङा दोक्‍पोईराङ ईन्‍देकी दिबा गाङेराङ जहिलेङ सेमज्‍यीकराङ खाला डिक्‍ला देत्‍स्‍यीत। दोक ओङनामेई ङाला खुईराङ ताङाते ईन थेमे खुई ङाला ङिङज्‍ये खाबा च्‍योकराङ खाईन दिबालाङ ङिङज्‍ये खित्‍च्‍याक्‍वा सिन दि सा लुङबे मिओनगी छ्या स्‍येक्‍यो।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।

यूहन्‍ना 3:13

परमेश्‍वर ओत्‍सादुई वाबाते मि ङा बाई थातासाक स्‍वर्गने ज्‍येन मि सुङ ख्‍योलाङ मेत, थेनेकी देमा वाबाङ मेत।

यूहन्‍ना 7:29

ङालानी लेमु खाला छ्या ओत। च्‍यिला सासीन ङा थे ओत्‍सादुईराङ वाबाते ईन। थेमे ङाला तोङकान्‍तेङ थेराङ ईन,” सिन सिदुक।

यूहन्‍ना 8:42

याङराङ येशूकी थेबाला “ख्‍योकोन आबा परमेश्‍वर ईन्‍दा ईन्‍सीन ख्‍योकोनगी ङाला ङिङज्‍ये खित्‍च्‍या ओतान। च्‍यिला सासीन थे ओत्‍सादुकीराङ ङा दुरू वाबाते ईन। ङा दुरू ङाराङ खुशीकी वाबाते मेन, ङालाचेन थेकीराङ ताङाते ईन।

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

१ कोरिन्‍थी 15:47

परमेश्‍वरगी गाङे भन्‍दा गोमा जोबाते मि आदमचेन से सबीदुकी जोबाते ईन। तर तिरी आदम सिन साबाते ख्रीष्‍टचेन स्‍वर्गनेकी वाबाते ईन।

१ कोरिन्‍थी 16:22

सुइँदेकी प्रभु येशूला ङिङज्‍ये मिक्‍किदुक सासीन थोक्‍ते मिला परमेश्‍वरगी सराप तेरस्‍यीत। स्‍योक स्‍योक प्रभु येशू, खो होत्ता स्‍योक।

२ कोरिन्‍थी 5:14

ङ्योकोनगी थरिङोला जे खिदुक थे खालि ख्रीष्‍टकी ङेराङला ङिङज्‍ये खाबेकी खित्‍सादु ईन। मि गाङेकी खाबाते पापकी सजाय भोगे खाईन गाङे लाईदु ख्रीष्‍ट स्‍याप्‍ते ईन्‍देकी मि गाङे थेत्ताङराङ स्‍याप्‍ते च्‍योक ओङा ओत सिन ङ्योकोनगी लेमु खाईन छ्या स्‍येबा ओत।

गलाती 4:4

तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।

एफिसी 6:24

ङुरूङ प्रभु येशू ख्रीष्‍टला ङिङज्‍ये खिन देत्‍कान गाङेला परमेश्‍वरगी दया खिनराङ देत्‍स्‍यीत।

१ तिमोथी 1:15

येशू ख्रीष्‍ट पापीओनला पापकी सजायदुकी डेलाला दि सा लुङबादु वाबाते ईन सिन सिरच्‍येते बात साँच्‍चीराङ ईन्‍दाते थेमे मिओनगी पत्ते खिता फाप्‍च्‍येते बातराङ ईन। थेमे पापीओन नाङ आउदी खाला पाप खित्‍कान्‍ते मि ङाराङ ईन।

हिब्रू 12:6

थे खोरोङगी ङिङज्‍ये खाबाते मिओनगी लेमु खित्‍स्‍यीत सिन प्रभु परमेश्‍वरगी थाप्‍क्‍यो ङारग्‍यो, थे खोरोङ फुज्‍युङ ईन सिन साबातेबाला थेकी दुला ताला लुक्‍यो,” सिन साबा ओत।

१ पत्रुस 1:8

ईन्‍दानी ख्‍योकोनगी येशू ख्रीष्‍टला थोङा मेत। ईन्‍सीनोङ ख्‍योकोन थेला ङिङज्‍ये खिदुक। ख्‍योकोनगी थेला थरिङोला थोङा मेत्‍सीनोङ थेला विश्‍वास खिदुक। थेमे मिकी साला सिरा मुथुप्‍च्‍या आउदी खाला गा खिदुक।

१ यूहन्‍ना 4:19

गोमा परमेश्‍वरगी ङुरूङला ङिङज्‍ये खासुङ। थोगी ङुरूङ दोक्‍पोईकी ज्‍येनज्‍यीकला ङिङज्‍ये खिओ।

छ्या स्‍ये च्‍युताते बात 3:19

ङाराङगी ङिङज्‍ये खाबाते मिओनला ङा थाप्‍क्‍यो थेमे लेमु काम खित्‍स्‍यीत सिन आबेकी फुज्‍युङला च्‍योक ङा थेबाला तालाङ लुक्‍यो। ख्‍योकोनगी खिन ओताते मेलेबाते काम खिता ताङला ङे कोता कोताच्‍योक खि।

छ्या स्‍ये च्‍युताते बात 3:9

दि बात ङेन। चुक सासीन खोपरोङ यहूदी ईन सिन छ्ये खित्‍कान्‍ते मिओन परमेश्‍वरगी साबाते ङेन्‍कान्‍ते मि मेन। थेबानी शैतानताङ डिक्‍कान्‍ते मिका ईन। ङा थेबाला ख्‍योकोन तिङबे ओक्‍तु दुल्‍ला ख्‍योकोन काम्‍बाला से खित ज्‍युत्‍क्‍यो। थेमे थेबेकी ङे ख्‍योकोनला ङिङज्‍ये खाबा ओताक्‍वा सिन छ्या स्‍येक्‍यो।