यूहन्‍ना 16:25 - जिरेल

²⁵ थरिङसाक ङे ख्‍योकोनला दि गाङे बात सजिलो खाला खोबा मुथुप्‍च्‍या खाईन लापा ओत। दोक ईन्‍सीनोङ था समयज्‍यीक ओङगो। थेजीन ङा ख्‍योकोनला दोक खाला मेन्‍देकी आबे बात ङा ख्‍योकोनगी सजिलो खाला खोबा थुप्‍च्‍या खाला लाःप्‍क्‍यो।

यूहन्‍ना 16:25 ပူးပေါင်းရင်းမြစ်များ

मर्कूस 4:13

येशूकी याङराङ थेबाला “ख्‍योकोनगी ङे आनाङका लाःपाते कथे अर्थ माखोसुङ? थोक ईन्‍सीन ख्‍योकोनगी ज्‍येन कथाओननी च्‍यि खोओङा?

मर्कूस 4:34

कथा मिसिरा खालाचेन थेकी बातज्‍यीगोङ लोप्‍कीन मेतान। चेलातेबाताङकामा ओत्‍जीनचेन थेकी चेलातेबाला कथे अर्थ लाःप्‍ला तेरगीन ओतान।

मर्कूस 8:32

थेकी थे खोरोङला चुक चुक ओङगीते सिन गाङे थेबाला लाःप्‍सुङ। दि बात थोनामेई पत्रुसकीचेन थेला फजेकपा खेरगीन “प्रभु, खुई दोक्‍ते बात माकेत,” सिन थापाला स्‍यूसुङ।

यूहन्‍ना 10:24

थे थेङला ख्‍याम्‍गीन ओते बेलालाराङ यहूदीओन थेरू लेप्‍कीन थे फेरो खाङ जम्‍मा ओङसुङ। थेमे “खो परमेश्‍वरगी तोङगो साबाते ख्रीष्‍ट ईन्‍दाना मेन्‍दे? ईन्‍सीन ङ्योकोनला लेमु खाला ईन सिन लोःप। खो नामसाक ङ्योकोनला दि बात मालाःपा खाला देत्‍कीते?” सिन सासुङ।

यूहन्‍ना 10:6

येशूकी खाबाते दि लुकताङ लुगी गोठाले बात च्‍यि साबाते ईन्‍दे सिन थेबेकी छ्याःङ माखोसुङ।

यूहन्‍ना 16:12

ङे ख्‍योकोनला सिरा फाप्‍च्‍येते बात थोरूमोङ काल्‍बेई ओत। ईन्‍सीनोङ थाल्‍ला दि भन्‍दा ल्‍हाक्‍पा ख्‍योकोनगी ङेन्‍दाराङ मुथुबो।

यूहन्‍ना 16:2

था खेराङ छ्ये छ्ये मिकी ख्‍योकोनला मिटिङ खित्‍च्‍येते खाम्‍बादु ओङा मेङेत्‍च्‍या खाला तेन्‍ला तोङगो। सिइ सासीन दोक्‍ते बेलाङ ओङगो। चुक सासीन ख्‍योकोनला सेत्‍कान्‍ते मिकीनी परमेश्‍वरला मन परे खित्‍च्‍येते कामका खिन ओत सिन विचार खिओ।

यूहन्‍ना 16:32

तर दि बात ङेन। चुक सासीन था समयज्‍यीक ओङगो, सिइराङ सासीन थे समय लेप्‍कीन सिन्‍दा ओत। थेजीन ख्‍योकोन ङाला च्‍यिकराङ ताङला खेराङ खेराङ खाम्‍बाला फ्रोला डुइओ। थोक ओङसीनोङ आबा ङात्ताङ ङ्योम्‍बु ओतेकी ङा ङाराङकामा देता माफाबो।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।