यूहन्‍ना 16:24 - जिरेल

²⁴ थातासाक ख्‍योकोनगी ङे मिन लाकीन आबाताङ छ्याःङ नाङ खाबा मेत। था ख्‍योकोनगी आबाला नाङ खि। ख्‍योकोनगी नाङ खाबाते ङेत्‍नामेकी छ्याःङ पीर मिक्‍किता खाला ख्‍योकोन आउदी खाला गा खिओ।

यूहन्‍ना 16:24 ပူးပေါင်းရင်းမြစ်များ

मत्ती 6:9

ख्‍योकोनगीचेन परमेश्‍वरला दोक सिन प्रार्थना खि। चुक सासीन ‘स्‍वर्गने देत्‍कान्‍ते आबा परमेश्‍वर, मि गाङेकी खोल्‍ला मान खित्‍स्‍यीत।

यूहन्‍ना 14:1

थेमे येशूकी चेलातेबा गाङेला “ख्‍योकोन पीर माकेत, ज्‍यीबाङ माकेत। परमेश्‍वरला विश्‍वास खिता मातोङ। ङालाङ विश्‍वास खिन देत।

यूहन्‍ना 14:14

ख्‍योकोनगी ङे मिन लाकीन जे नाङ सासीनोङ ङा ख्‍योकोनला तेरग्‍यो।

यूहन्‍ना 15:11

ख्‍योकोन ङा च्‍योकराङ छ्याःङ पीर मिक्‍किता खाला गा खिन देत्‍स्‍यीत। दोक खाला ख्‍योकोन जहिलेङ गा खिन देता थुप्‍स्‍यीत सिनराङ ङे ख्‍योकोनला दि बातओन साबाते ईन।

यूहन्‍ना 16:23

थे छोमु ख्‍योकोनगी ङाला छ्याःङ नाङ मिसिरो। दि बात ङेन। ख्‍योकोनगी ङे मिन लाकीन आबाला जे नाङ सासीनोङ थेकी ख्‍योकोनला दाक तेरग्‍यो।

यूहन्‍ना 3:29

बेउलेकी बेउली फाङमा खिओ। बेउलीचेन बेउला ओत्‍सापा डुइओ। थेमे बेउले र्‍वाचेन थे खादुराङ देत्‍ला थेकी साबाते बात ङेन्‍ग्‍यो। थेमे बेउला ओत्‍सापा बेउली डोच्‍येते बात थोला आउदी गा खिओ। थोक खाला मिओन थे ओत्‍सापा डुइदुक सिरा थोजीन ङाला गा लाङगीदुक।

२ थिस्‍सलोनिकी 1:2

आबा परमेश्‍वरताङ प्रभु येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत।

२ यूहन्‍ना 1:12

ङे ख्‍योकोनला सिरा फाप्‍च्‍येते बात थोरूमोङ काल्‍बेई ओत। ईन्‍सीनोङ ङा थे बाततेबा चिट्ठीला मिटिगो। बरू ख्‍योकोनताङ ठेत्‍ला ङ्योम्‍बुराङ देत्‍ला बात खिताप सिन ख्‍योकोनला होत्ता ठेत्‍च्‍ये आश खाबा ओत। दोक खाईन ठेता थुप्‍सीन ङुरूङ छ्याःङ पीर मिक्‍किता खाला गा खिन देता थुप्‍क्‍यो।