यूहन्‍ना 16:23 - जिरेल

²³ थे छोमु ख्‍योकोनगी ङाला छ्याःङ नाङ मिसिरो। दि बात ङेन। ख्‍योकोनगी ङे मिन लाकीन आबाला जे नाङ सासीनोङ थेकी ख्‍योकोनला दाक तेरग्‍यो।

यूहन्‍ना 16:23 ပူးပေါင်းရင်းမြစ်များ

मत्ती 21:22

ख्‍योकोनगी प्रार्थना खित्‍जीन परमेश्‍वरताङ नाङ खाबाते पक्‍काराङ ङेत्‍क्‍यो सिन छ्याःङ शंका माक्‍यासुङ सासीन जे नाङ खासीनोङ थे नाङ खाबाते ङेत्‍क्‍यो ङेत्‍क्‍यो,” सिन सिदुक।

मत्ती 7:7

थेमे ङा ख्‍योकोनला च्‍यि सिते सासीन खेराङला च्‍यि च्‍यि गोकीका आबा परमेश्‍वरला नाङ सि। थेमे थेकी तेरग्‍यो। ख्‍योकोनगी चाल्‍सीन पक्‍काराङ ङेत्‍क्‍यो। गो पेत्‍ला नाङ सि। थेमे परमेश्‍वरगी गो पेत्‍ला ख्‍योकोनला नाङने स्‍योक सिओ।

यूहन्‍ना 14:20

ङाला थोङे छोमु आबाताङ ङा दोक्‍पोईराङ दुका, ङा ख्‍योकोन सेमगी नाङ देत्‍च्‍याक्‍वा थेमे ख्‍योकोनोङ ङात्ताङ जीउज्‍यीकराङ ओङा ओताक्‍वा सिन ख्‍योकोनगी लेमु खाला छ्या स्‍येक्‍यो।

यूहन्‍ना 14:22

थेरू यहूदा इस्‍करियोत मेनगी ज्‍येनज्‍यीगोङ यहूदा सिराज्‍यीक चेला ओतान। थेकी “प्रभु, खोरोङ चुक छ्ये ईन्‍दे सिन खो च्‍यिला दि सा लुङबे मिओनला मेन, ङ्योकोनलाकामा छ्या स्‍ये ज्‍युत्‍कीते?” सिन सासुङ।

यूहन्‍ना 14:5

थेमे थोमेकी “प्रभु, खो खापा डुइते सिन ङ्योकोनला छ्या मेत। थोगी खो डोसादु लेप्‍च्‍येते लाम ङ्योकोनगी चुक खाला छ्या स्‍येकीते?” सिन सिदुक।

यूहन्‍ना 15:7

ख्‍योकोन ङात्ताङ डिगीनराङ देत्‍सीन थेमे ङे लापाते बात ङेन्‍गीन देत्‍सीन खेराङला जे नाङ सिरा सेम लाङगीदुक परमेश्‍वरला नाङ सि। थेकी ख्‍योकोनला दाक तेरग्‍यो।

यूहन्‍ना 16:19

थेकी च्‍यि साबाते ईन्‍ताका सिन चेलातेबेकी खोबा चाल्‍ला दुक सिन येशूकी छ्या स्‍येसुङ। थोगी थेकी “च्‍यि ख्‍योकोनगी ङे ‘था टिक्‍पी दिन तिरी ख्‍योकोनगी ङाला थोङराङ मोथोङो। टिक्‍पी तिरीमेकीचेन ख्‍योकोनगी ङाला याङराङ थोङा ङेत्‍क्‍यो,’ सिन साबाते च्‍यि साबाते ईन्‍ताका सिन बात खाबाप?

यूहन्‍ना 16:26

थेजीनचेन ख्‍योकोन खेराङगीराङ ङे मिन लाला आबाताङ नाङ सिरा थुप्‍क्‍यो। ख्‍योकोनगी नाङ साबातेबा बिन सिन आबाताङ ङेराङ प्रार्थना खिन देता माफाबो।

यूहन्‍ना 16:30

खोल्‍ला जे बादोङ छ्या ओताक्‍वा थेमे खोत्ताङ ठा चालाते बादोङ खुई गोमाका छ्या स्‍येच्‍याक्‍वा सिन ङ्योकोनगी लेमु खाईन छ्या स्‍येसुङ। थोगीराङ खो परमेश्‍वर ओत्‍सानेईराङ वाबाते ईन सिन ङ्योकोन पत्ते खिओ,” सिन सिदुक।

एफिसी 2:18

थेकी खाबाते कामगी खित्‍सादु थाचेन ख्‍योकोन ज्‍येन ज्‍येन जातकी मि ईन्‍सीनोङ ङ्योकोन इस्राएली ईन्‍सीनोङ ङुरूङ गाङेकी ङेताते परमेश्‍वर आत्‍मे छ्य्‌वापेईराङ आबा परमेश्‍वर दोन्‍दु ड्वा थुप्‍क्‍यो।

१ यूहन्‍ना 2:1

फिजावे, ख्‍योकोनगी पाप मिक्‍किस्‍यीत सिनराङ ङा दि बाततेबा टिगीन ओत। सुइँदेकी दाक पाप खासीनोङ थेला सजाय मातेर सिन ङुरूङ लाईदु आबा परमेश्‍वरताङ बात खाला तेरकान्‍ते मेराज्‍यीक ओत। थेचेन येशू ख्रीष्‍टराङ ईन। थे लेमुते कामताङ बातकामा खित्‍कान्‍ते ईन।