यूहन्ना 16:20 - जिरेल20 दि बात ङेन। च्यि सासीन था पीरगी खित्सादु ख्योकोन आउदी खाला ङुइओ। थे बेलाला दि सा लुङबे मिओनचेन आउदी खाला गा खिओ। ख्योकोनगी सेम सेत्कीन पीर खिता फाप्सीनोङ दिनी था तिरी आउदी गा लाङच्येते बातका ओङगो। အခန်းကိုကြည့်ပါ။ |
थोक सिराईताङराङ कुकुरी क्वाँ सिन छ्योबोङ फोसुङ। थे छ्योबो थाल्ला फोबाते बाजि ङि छाङा ओतान। थेमे ईन्सीनका पत्रुसला “था ङोमु पाखे छ्योबो बाजि ङि फोत फोतसाकला पालो सुम ज्येन मि दोन्दु खुई ङाला ङोराङ मेस्येओ सिन सिओ,” सिन गोमाका येशूकी साबाते बात ठेम्बा लासुङ। थे खोरोङगी थोक खाबेकी ङे च्यिला दोक मेलेबा खिता फाप्सुङा सिन थे ईमुक खाईन खाईन ङुसुङ।
दोक दोक ओङला पीरताङ तापकी नाङ देता फाप्सीनोङ ङ्योकोन सधैँ छ्याःङ पीर मेताते मि च्योक खाला गा खिन देत्क्यो। थेमे ङेराङ लाला साकान्ते च्योक्तेन्दे ओत्सीनोङ ङ्योकोनगी खाबाते कामगी खित्सादु मिओनगी परमेश्वरगी तेरच्येते जति गाङे ङेत्क्यो। लोक्ला ङ्योकोन ङेराङते सिराते छ्याःङ मेताते कङ्गाली च्योकराङ ईन्सीनोङ परमेश्वरगी खित्सादु ङेत्ताङ जेसुकै ओत।
परमेश्वर आत्मेकी खित ज्युता चालाच्योक खित्कान्ते मिलाचेन थेकी फलफूल गोन ज्युताच्योक खाला लेमु कामताङ बात खित ज्युत्क्यो। थोगी थोक्ते मिकीचेन ज्येनला ङिङज्ये खिओ, थे गा खिन देत्क्यो थेमे सेमदु ढुक्क खाला देत्क्यो। थोक्ते मि होत्ताराङ स्येदाङ मिक्किओ, थेकी ज्येनला दया खिओ थेमे लेमु खिओ, थेकी खिओ साबा च्योकराङ खिओ,
जति थेकी ङा छेतते सु ईन्दे, ङात्ताङ छेत सम्पत्ति सुङताङ मेत सिन छ्ये खिन किम्मु खिन देता ओतान थोस्यिकराङ था थेला सुक देक छ्युत, था थेला नोमुङ सेम सन्तो खाला देत माज्युत। च्यिला सासीन थेकी थे मोरोङ सेमगी नाङ ‘ङानी गेल्मुका ईन, ङा नोमुङ ख्योबो स्याप्ते फेम्मे मि च्योक ओङा माफाबो, दुक्पाताङ पीर सिराते च्यि ईन्दे सिन ङे नोमुङ थोङा माफाबो,’ सिन छ्ये खिदुक।