यूहन्‍ना 15:26 - जिरेल

²⁶ आबा ओत्‍सानेकी ङे ख्‍योकोन ओत्‍सामा तोङगो साबाते सल्‍लाह तेरकान्‍ते वानामेकी थेकी ख्‍योकोनला ङा सु ईन्‍दे, ङे च्‍यि खिते सिन लेमु खाला सिओ। थे आबे छ्य्‌वापेईराङ ओङगो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो।

यूहन्‍ना 15:26 ပူးပေါင်းရင်းမြစ်များ

लूका 24:49

थेमे था ङा ख्‍योकोनला ङे आबेकी तेरग्‍यो सिन साबाते परमेश्‍वर आत्‍मा तेरग्‍यो। स्‍वर्गनेकी परमेश्‍वर आत्‍मे शक्ति माङेतथुप ख्‍योकोन यरूशलेमदुकी खापाङ मोन्‍डोबा खाला दुरूराङ गुला देत,” सिन सिदुक।

यूहन्‍ना 14:26

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

यूहन्‍ना 16:7

दोक ईन्‍सीनोङ ङा ख्‍योकोनला दि बात लेमु खाला सिरामीन। ङा दोक खाला डोच्‍येते ख्‍योकोनला लेमु ओङालाराङ ईन। ङा दुरूकी मागालथुप ख्‍योकोनला सल्‍लाह तेरकान्‍ते ख्‍योकोन ओत्‍सादु मेङगो। ङा गाल्‍नामेईचेन ङा थेला दुरू तोङगो।

यूहन्‍ना 8:42

याङराङ येशूकी थेबाला “ख्‍योकोन आबा परमेश्‍वर ईन्‍दा ईन्‍सीन ख्‍योकोनगी ङाला ङिङज्‍ये खित्‍च्‍या ओतान। च्‍यिला सासीन थे ओत्‍सादुकीराङ ङा दुरू वाबाते ईन। ङा दुरू ङाराङ खुशीकी वाबाते मेन, ङालाचेन थेकीराङ ताङाते ईन।

शक्ति काम 1:4

थेबाताङ ठेत्‍कीन ङ्योम्‍बुराङ देता ओते बेलाला ङीमाई थेकी “ख्‍योकोन दि बात ङेन। ङे ख्‍योकोनला गोमाका साबा ओता च्‍योकराङ ङे आबेकी तेरग्‍यो सिन साबाते परमेश्‍वर आत्‍मा था ख्‍योकोनगी ङेत्‍क्‍यो। थे माङेतथुप ख्‍योकोन दि यरूशलेम सारदुकी खापाङ मोन्‍डोबा खाला दुरूराङ गुला देत।

शक्ति काम 15:8

थेमे मि सेमगी बात छ्या स्‍येकान्‍ते परमेश्‍वरगी ज्‍येन ज्‍येन जातकी मिलाङ ङुरूङला च्‍योकराङ खाईन परमेश्‍वर आत्‍मा बिन्‍गीन थे खोरोङ मि जोसुङ।

शक्ति काम 5:32

ङ्योकोन खालि ङेराङगी थोङातेताङ थोबाते बातकामा खिओ। दि बाततेबा ईन्‍दातेराङ ईन सिन परमेश्‍वर आत्‍मेकीङ छ्या स्‍ये ज्‍युत्‍क्‍यो। परमेश्‍वर आत्‍माचेन परमेश्‍वरगी थे खोरोङगी खि साबा साबा खित्‍कान्‍ते मिओनला बिन्‍दा ओत,” सिन सासुङ।

१ कोरिन्‍थी 1:6

ङ्योकोनगी ख्‍योकोनला लाप्‍कीन बिन्‍दाते ख्रीष्‍टकी बात ख्‍योकोनगी लेमु खाईन ङेन्‍सुङ, थे बात ख्‍योकोनगी लेमु खाईन खोबा ओत।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।

छ्या स्‍ये च्‍युताते बात 22:1

थेमे दि तिरी थे दूतकी ङाला चाङबोज्‍यीक तेन्‍सुङ। थे चाङबो बिल्‍लौर सिराते यु च्‍योकराङ साङलोई ओतान। थे चाङबो छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थे चाङबोचेन परमेश्‍वरताङ लुई रीउ देत्‍च्‍येते सिंहासनदुकी थेन्‍गीन