यूहन्‍ना 15:22 - जिरेल

²² ङा दुरू माबा ईन्‍सीनताङ थेबाला छ्याःङ मालापा ईन्‍सीन थेबेकी पाप खाबाते ईन सिन सिरा ओङच्‍या मेतान। थानी थेबेकी ङ्योकोनगी छ्याःङ पाप खाबा मेत सिन सिराराङ मेङेदो।

यूहन्‍ना 15:22 ပူးပေါင်းရင်းမြစ်များ

लूका 12:46

मालिक थाल्‍लाराङका च्‍यि वाओङा सिन विचार खाबे बेलालाराङ मालिकते लेप्‍क्‍यो। थेकी थोक खिन देता ओता थेप्‍सीन मालिकतेकी थेला च्‍यि खाओङा। मालिकतेकी थेला दुला दुला होथे च्‍योकराङ मालिकते बात मेङेन्‍कान्‍तेबाला तेरच्‍येते सजाय तेरग्‍यो।

यूहन्‍ना 12:48

सुइँदेकी ङाला परमेश्‍वरगी ताङाते मेन सिन खिदुक सासीन थेमे ङे साबाते बात मेङेन्‍दुक सासीन थेला न्‍याय खित्‍कान्‍ते ओत्‍कीन ओत। थोक्‍ते मिला था न्‍याय खिते छोमु थरिङोला ङे लापाते बात ताला थोक्‍ते मि दोषी ईन सिन सजाय तेरग्‍यो।

यूहन्‍ना 15:23

ङाला मिगी थोङसार्मु खित्‍कान्‍ते मिकीचेन ङे आबालाङ थोकराङ खिओ।

यूहन्‍ना 15:24

ङे थातासाक सुङगीङ खिता माथुपाते कामतेबा थेबे ङोन्‍लाराङ खाईन तेन्‍दाप। ङे थोक खाबाते छ्याःङ थोङा मेत्‍सीनचेन थेबेकी पाप खाबाते ईन सिन सिरा ओङच्‍या मेतान। तर थेबेकीनी ङे खाबाते काम गाङे थोङसीनोङ ङात्ताङ ङे आबा ङ्योकोन ङिकारला मिगी थोङसार्मु खिदुक।

यूहन्‍ना 16:9

च्‍यि सासीन थेकी मिओनला थेबेकी ङाला विश्‍वास माक्‍याबातेराङ पाप खाबाते ईन सिन छ्या स्‍ये ज्‍युत्‍क्‍यो।

यूहन्‍ना 19:11

थोक सिरजीन येशूकी “स्‍वर्गने ओताते परमेश्‍वरगी ङाला दोक खि सिन खोल्‍ला अधिकार बिन्‍देकी खित्‍सादुकामा खुई ङे न्‍याय खिता ङेताते ईन। ङाला खुई लाःक्‍तु सोम्‍पे खित्‍कान्‍ते मिकी झन आउदी पाप खाबाते ईन,” सिन सिदुक।

यूहन्‍ना 9:41

थेमे थेकी थेबाला “ख्‍योकोन अन्‍ध ईन्‍दा ईन्‍सीन ङा ख्‍योकोनगी पाप खाबाते ईन सिन सिरच्‍या मेतान। तर ख्‍योकोनचेन लेमु खाला थोङगीदुक खिदुक। दोक साबेकीराङ ख्‍योकोन पापदुकी ठाला मुथुबो,” सिन सिदुक।

शक्ति काम 17:30

ईन्‍दानी मिओनगी थे सु ईन्‍दे, चुक्‍ते ईन्‍दे सिन लेमु खाईन छ्या मास्‍येकीन मूर्तितेबा जोकीन थेला माने खासीनोङ थातासाक थेकी सजाय माबिन्‍सुङ। थाचेन थेकी गाङेपा मि गाङेला खोपरोङ पापी दुका सिन छ्या स्‍येला थे छ्य्‌वापा लै खि सिन साबा ओत।

रोमी 1:20

चुक खाला सासीन थेला मिगी माथोङसीनोङ थेकी च्‍याक दि सा नाम जोजीनमेई जोबातेबरी जेसुकै ताला गोमामेईराङ थेत्ताङ चुक छ्येज्‍यीक शक्ति ओता ईन्‍दाका सिन थेमे थे परमेश्‍वरराङ ईन सिन मिओनगी सजिलो खाला छ्या स्‍येबा थुप्‍क्‍यो। थोगी परमेश्‍वर ओता मेता सिन ङाला छ्याःङ छ्या मेतान सिन सुङगीङ सिरा मुथुबो।

रोमी 2:1

दि बात थोजीन छ्यि थेबा मेलेबा मि ईन सिरकान्‍तेबा ख्‍योकोन जोराङ ईन्‍सीनोङ ङेनी छ्याःङ मेलेबा खाबा मेत सिन सुङगीङ सिरा मेङेदो। थेबेकी मेलेबा काम खाबेकी सजाय ङेताराङ फाप्‍क्‍यो सिन साबेकी ख्‍योकोनोङ दोषी ईन। च्‍यि ख्‍योकोनोङ होथेबेकी खित्‍च्‍येते च्‍योक्‍ते कामराङ खित्‍कान मेनरो?

याकूब 4:17

सुइँदेकी दाक्‍पोनगी चुक खिता फाप्‍कीते, च्‍यि खिता फाप्‍कीते सिन छ्या स्‍येकीन स्‍येकीनोङ थोक माक्‍यासीन थेकी पाप खाबाते ईन।

१ पत्रुस 2:16

थेमे सुङगीङ अधीनला मेताच्‍योक खाला काम खि। दोक साबाते खेराङला जे खिता सेम लाङगीदुक थेराङ खिता ङेत्‍क्‍यो साबाते मेन। जे खित्‍जीनोङ ख्‍योकोनगी परमेश्‍वर काम खित्‍कान्‍ते मिओनगी चुक खिता फाप्‍कीते थोकराङ खि।