यूहन्‍ना 15:15 - जिरेल

¹⁵ थानामेकी ङा ख्‍योकोनला ङे काम खित्‍कान्‍ते मि सिन मिसिरो। च्‍यिला सासीन मालिकतेकी च्‍यि खिता चाल्‍ला दुका सिन थे काम खित्‍कान्‍ते मिकी छ्याःङ छ्या मेस्‍येओ। आबेकी ङाला छ्या स्‍ये च्‍युत्‍कीन बिन्‍दाते बात गाङे ङे ख्‍योकोनलाङ लाप्‍कीन बिन्‍दा ओत। थोगी थानी ङा ख्‍योकोनला ङे र्‍वाओनका ईन सिओ।

यूहन्‍ना 15:15 ပူးပေါင်းရင်းမြစ်များ

मत्ती 13:11

थोक सिरजीन थेकी “स्‍वर्गे राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। ज्‍येनलाचेन दि बात खो च्‍युता मेत।

लूका 10:23

थेमे थेकी थे खोरोङ चेलाओनलाकामा बात खिन “ख्‍योकोन परमेश्‍वर राज्‍य वाबाते थोङकान्‍ते मिओन चुक भाग्‍यमानी ईन्‍दाका।

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

यूहन्‍ना 13:16

दि बात ङेन। च्‍यि सासीन सुइँदे काम खित्‍कान्‍ते मि मालिकते भन्‍दा छ्ये मेन। थोकराङ खाला लोन केल डोकान्‍ते मिङ थे लोन तोङकान्‍ते भन्‍दा छ्ये मेन।

यूहन्‍ना 15:20

‘सुइँदे काम खित्‍कान्‍ते मि मालिकते भन्‍दा छ्ये मेन,’ सिन ङे ख्‍योकोनला गोमाका साबाते बात ठेम्‍बा खि। च्‍यि सासीन ङाला च्‍योकराङ मिओनगी ख्‍योकोनलाङ खेदापानी खिओ। थेमे ङे साबाते ङेन्‍दा च्‍योकराङ मिओनगी ख्‍योकोनगी साबाते बादोङ ङेन्‍ग्‍यो।

यूहन्‍ना 16:12

ङे ख्‍योकोनला सिरा फाप्‍च्‍येते बात थोरूमोङ काल्‍बेई ओत। ईन्‍सीनोङ थाल्‍ला दि भन्‍दा ल्‍हाक्‍पा ख्‍योकोनगी ङेन्‍दाराङ मुथुबो।

यूहन्‍ना 17:26

खो सु ईन्‍दे, चुक्‍ते ईन्‍दे सिन ङे दिबाला छ्या स्‍ये च्‍युत्‍कीन बिन्‍दा ओत। ङा थोरूमोङ दोक खिनराङ देत्‍क्‍यो। खुई ङाला ङिङज्‍ये खाबा च्‍योकराङ दिबेकीङ खोपरोङ नाङ ङिङज्‍ये खितरीङ खित्‍स्‍यीत सिन ङा दिबे सेमगी नाङराङ देत्‍क्‍यो,” सिन आबातेला प्रार्थना खासुङ।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

यूहन्‍ना 4:19

थेमे थेकी “हजूर, खोनी पक्‍काराङ परमेश्‍वर बात खित्‍कान्‍ते मि दुका।

यूहन्‍ना 8:26

ख्‍योकोनगी दोक दोक खाबेकी सजाय ङेत्‍क्‍यो सिरच्‍येते बात ङे थोरूमोङ काल्‍बेई सिरा फाप्‍च्‍या ओत। ङाला दुरू तोङकान्‍तेला पूरो खाला भर परे खिता थुप्‍क्‍यो। थेकी जे जे साबा ङे थोकीदुक, थे थेराङ ङा दि सा लुङबे मिओनला सिओ,” सिन सिदुक।

शक्ति काम 20:27

परमेश्‍वरगी मिओनला पापदुकी डेलाला च्‍यि खाबा ओते थेमे थेबाला चुक खिते सिरच्‍येते बातबरी छ्याःङ बाँकी मोज्‍योबा खाईन ङे ख्‍योकोनला गाङे साकीन बिन्‍दा ओत।

रोमी 7:15

ङे च्‍यिला दोक खिता फाप्‍कीका सिन ङे खोराङ मोखोदुक। च्‍यिला सासीन ङा लेमु खिता छोल्‍ग्‍यो। तर ङाराङगी खिता चालाते लेमुते काम मिक्‍किता खाला दोक खिता मेङगो सिन छ्या स्‍येकीन स्‍येकीनोङ दाक थे खिता मेङगो साबाते कामराङ खिओ।

१ कोरिन्‍थी 2:16

परमेश्‍वर बातला “सुईचेन प्रभु परमेश्‍वर सेमगी बात छ्या स्‍येबा ओते? थेमे थेला सुई लोपा थुप्‍कीतेरो?” सिन साला दुक। दोक ईन्‍सीनोङ थेकी खित ज्‍युता चालाते छ्या स्‍येबाला ङुरूङगीचेन ख्रीष्‍टकी आत्‍मा ङेता ओत।

गलाती 4:6

दोक खाईन ख्‍योकोन थे खोरोङ फुज्‍युङ फुमुराङ ओङा ओतेकी परमेश्‍वरगी ख्‍योकोनला थे खोरोङ फुज्‍युङ आत्‍मा बिन्‍सुङ। ङुरूङ सेमगी नाङ ओताते थे आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

एफिसी 1:9

थेकी गोमा सुङलाङ छ्या स्‍ये च्‍युता मेताते थे खोरोङगी गोमामेईराङ खिता चालाते येशू ख्रीष्‍ट छ्य्‌वापेकी खिओ साबाते बात च्‍यि ईन्‍दे सिन था ङुरूङला छ्या स्‍ये च्‍युत्‍सुङ।

एफिसी 3:5

थे बात च्‍यि ईन्‍दे सिन परमेश्‍वरगी गोमे मि सुङलाङ छ्या स्‍ये च्‍युता मेतान। थाचेन थेकी येशू ख्रीष्‍टकी खटे खाबाते मिओन थेमे थे खोरोङ बात खित्‍कान्‍ते मिओनला थे बात च्‍यि ईन्‍दे सिन थे खोरोङ आत्‍मे छ्य्‌वापेई छ्या स्‍ये च्‍युत्‍कीन बिन्‍दा ओत।

कलस्‍सी 1:26

थोक खाला लोप सिन साबाते दि बातचेन सा नाम ज्‍वा भन्‍दाङ गोमामेकी थातासाक परमेश्‍वरगी सुङलाङ छ्या स्‍ये च्‍युता मेतान। थाचेन दि बात च्‍यि ईन्‍दे, चुक्‍ते ईन्‍दे सिन थेकी थे खोरोङ सन्‍तानओनला छ्या स्‍ये च्‍युता ओत।

फिलेमोन 1:16

थाचेन दि खुई लाईदु योक्‍पोकामा मेन, खोरोङ ङिङज्‍येते न्‍वा छेतराङ ईन। ङा दिला आउदी ङिङज्‍ये खिओ। था दि प्रभु येशूला विश्‍वास खित्‍कान्‍ते मिकामा मेन्‍गीन खोरोङ योक्‍पोङ ईन्‍देकी ङाला भन्‍दाङ दिते खोल्‍ला झन ङिङज्‍ये मालाङोतरो?

याकूब 1:1

दि चिट्ठी टिक्‍कान्‍ते ङा याकूब ईन। ङा परमेश्‍वरताङ प्रभु येशू ख्रीष्‍ट काम खित्‍कान्‍ते मि ईन। ङा दि चिट्ठी लुङबा लुङबाला देता ओताते थर च्‍युन्‍ङी इस्राएलीओनला टिगीन ओत। ख्‍योकोनला ङेते नमस्‍ते ओत।

याकूब 2:23

अब्राहामगी थोक थोक खाईन परमेश्‍वर बातला टिबाते दि बात साबा च्‍योकराङ ओङसुङ। थेरूचेन “परमेश्‍वरगी खिओ साबा च्‍योकराङ खिओ सिन अब्राहामगी थेला विश्‍वास खासुङ। थोक खाबेकी खित्‍सादु परमेश्‍वरगी थेला दोषी मेन सिन सिदुक,” सिन टिबा ओत। थेमे परमेश्‍वरगी थेला थे खोरोङ र्‍वा ईन सिन साबा ओतान।

१ पत्रुस 1:11

थेबे सेमगी नाङ ओताते ख्रीष्‍टकी आत्‍मेकी ख्रीष्‍टकी देमा वाला दुक्‍पा भोगे खाला स्‍या फाप्‍च्‍येते थेमे थे दुक्‍पा भोगे खाईन सिन्‍नामेई परमेश्‍वरगी थेला छ्येज्‍यीक मान तेरच्‍येते बात थेबाला छ्या स्‍ये च्‍युत्‍नामेई था च्‍यि बेलाला चुक चुक ओङजीन परमेश्‍वरगी थोक खिताका सिन थेबेकी छ्या स्‍येबा चाला ओतान।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।

यहूदा 1:1

दि चिट्ठी टिक्‍कान्‍ते ङा यहूदा ईन। ङा याकूब न्‍वा ईन। ङा येशू ख्रीष्‍ट काम खित्‍कान्‍ते मि ईन। ङा दि चिट्ठी आबा परमेश्‍वरगी थे खोरोङ दोन्‍दु स्‍योक सिन काताङाते, थेकी ङिङज्‍ये खिन ओताते थेमे येशू ख्रीष्‍टकी ताकोरा खिन ओताते मि ख्‍योकोनला टिगीन ओत।

छ्या स्‍ये च्‍युताते बात 1:1

दि किताबला ओताते बातओनचेन परमेश्‍वरगी येशू ख्रीष्‍टला तेन्‍गीन बिन्‍दाते बात ईन। था होत्ता ओङगीन ओताते दि बातओन थे खोरोङ काम खित्‍कान्‍ते मिओनला छ्या स्‍ये ज्‍युताला परमेश्‍वरगी येशू ख्रीष्‍टला तेन्‍गीन बिन्‍दा ओतान। थेमे दि बातओन लाःपाला येशू ख्रीष्‍टकी थे खोरोङ दूतज्‍यीकला थे खोरोङ काम खित्‍कान्‍ते यूहन्‍ना ओत्‍सादु ताङा ओतान।