यूहन्‍ना 15:11 - जिरेल

¹¹ ख्‍योकोन ङा च्‍योकराङ छ्याःङ पीर मिक्‍किता खाला गा खिन देत्‍स्‍यीत। दोक खाला ख्‍योकोन जहिलेङ गा खिन देता थुप्‍स्‍यीत सिनराङ ङे ख्‍योकोनला दि बातओन साबाते ईन।

यूहन्‍ना 15:11 ပူးပေါင်းရင်းမြစ်များ

लूका 15:23

थेमे भोज लै खिताला जेसुकै ठीक खि। ङुरूङ गाङेराङ भोज सोला गा खिइ।

लूका 15:32

थरिङ ङुरूङ गाङेकी गा खाला भोज सा फाप्‍च्‍येतेराङ ईन। च्‍यिला सासीन खुई न्‍वा दुरूई गाल्‍गीन तोरनामेई थोरूमसाक सोम्‍बो मेतासीन साबाप। तर दि थरिङ सोम्‍बोराङ ग्‍युरगीन वादुक,’ सिन सादुक्‍लो,” सिन सिदुक।

लूका 15:5

थेमे ङेत्‍नामेकी आउदी गा खिन ख्‍योकोनगी थे लुकला पुङबे लाक्‍तु जेत्‍ला खाम्‍बापा खुलाङगो।

लूका 15:9

ङेत्‍नामेकी गा खिन थेकी थे मोरोङ र्‍वाओनताङ युल्‍बाओनला काताङला ‘ङेते तोराते चाँदी डबल ङेत्‍सुङ। था ङुरूङ गाङेराङ गा खिइ,’ सिन सिओ।

यूहन्‍ना 16:24

थातासाक ख्‍योकोनगी ङे मिन लाकीन आबाताङ छ्याःङ नाङ खाबा मेत। था ख्‍योकोनगी आबाला नाङ खि। ख्‍योकोनगी नाङ खाबाते ङेत्‍नामेकी छ्याःङ पीर मिक्‍किता खाला ख्‍योकोन आउदी खाला गा खिओ।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

यूहन्‍ना 17:13

ङाचेन था खो ओत्‍साने ओङगीन ओत। ङे खित्‍सादु दिबाबरी ङा च्‍योकराङ छ्याःङ पीर मिक्‍किता खाला गा खिन देता थुप्‍स्‍यीत सिन ङा दुरू ओत्‍जीनराङ दि बात खिओ।

यूहन्‍ना 3:29

बेउलेकी बेउली फाङमा खिओ। बेउलीचेन बेउला ओत्‍सापा डुइओ। थेमे बेउले र्‍वाचेन थे खादुराङ देत्‍ला थेकी साबाते बात ङेन्‍ग्‍यो। थेमे बेउला ओत्‍सापा बेउली डोच्‍येते बात थोला आउदी गा खिओ। थोक खाला मिओन थे ओत्‍सापा डुइदुक सिरा थोजीन ङाला गा लाङगीदुक।

रोमी 15:13

थे खोरोङगी साबाच्‍योक खिओ सिन आश खाला देत ज्‍युत्‍कान्‍ते परमेश्‍वरराङ ईन। थेला विश्‍वास खित्‍कान ईन्‍देकी थेकी ख्‍योकोन गाङेला आउदी खाला गा खिन थेमे डिक्‍ला थुन्‍ला देत ज्‍युत्‍स्‍यीत सिन ङा प्रार्थना खिओ। थेकी थोक खानामेईचेन परमेश्‍वर आत्‍मे शक्ति छ्य्‌वापेकी ख्‍योकोन था परमेश्‍वरगी ङुरूङला खिओ साबाच्‍योक खिओतराङ सिन छ्याःङ शंका मिक्‍किता खाला झन आश खाला गुला देता थुप्‍क्‍यो।

२ कोरिन्‍थी 1:24

ङा ख्‍योकोनला ङे साबा च्‍योकराङ खाला येशूला विश्‍वास खिता फाप्‍क्‍यो सिन कर लै मिक्‍किओ। ख्‍योकोनगी थेला खित्‍च्‍येते विश्‍वासका ठीकराङ दुक। ङानी खालि ख्‍योकोनला लेमु ओङला ख्‍योकोनगी गा खिन देता ङेत्‍स्‍यीत सिरच्‍येते कामताङ बातकामा खिओ।

एफिसी 5:18

थेमे छ्याङ रक्‍सीकी जिला माख्‍याम। जा बेलाला मिकी छ्याःङ होस मोज्‍योबा खाला मेता मेता खिओ। बरू परमेश्‍वर आत्‍मेकी खाङाते मि ओङला काम खि।

फिलिप्‍पी 1:25

थोगी ङेते स्‍यिच्‍येते समय थोरूमोङ लेपा मेत सिन ङे छ्या स्‍येबा ओत। येशू ख्रीष्‍टला विश्‍वास खिन ख्‍योकोन चुक खाला पाको डुइन ड्वा थुप्‍कीते थेमे झन गा खिन देता थुप्‍कीते सिन ङे ख्‍योकोनला थोरूमोङ लोपा ङेत्‍क्‍यो।

१ थिस्‍सलोनिकी 5:16

थेमे जहिलेङ गा खिन देत,

१ पत्रुस 1:8

ईन्‍दानी ख्‍योकोनगी येशू ख्रीष्‍टला थोङा मेत। ईन्‍सीनोङ ख्‍योकोन थेला ङिङज्‍ये खिदुक। ख्‍योकोनगी थेला थरिङोला थोङा मेत्‍सीनोङ थेला विश्‍वास खिदुक। थेमे मिकी साला सिरा मुथुप्‍च्‍या आउदी खाला गा खिदुक।

१ यूहन्‍ना 1:4

दोक ओङला ङुरूङ छ्याःङ पीर मिक्‍किता खाला आउदी गा खिन देता थुप्‍स्‍यीत सिन ङ्योकोन दि बाततेबा टिगीन ओत।

२ यूहन्‍ना 1:12

ङे ख्‍योकोनला सिरा फाप्‍च्‍येते बात थोरूमोङ काल्‍बेई ओत। ईन्‍सीनोङ ङा थे बाततेबा चिट्ठीला मिटिगो। बरू ख्‍योकोनताङ ठेत्‍ला ङ्योम्‍बुराङ देत्‍ला बात खिताप सिन ख्‍योकोनला होत्ता ठेत्‍च्‍ये आश खाबा ओत। दोक खाईन ठेता थुप्‍सीन ङुरूङ छ्याःङ पीर मिक्‍किता खाला गा खिन देता थुप्‍क्‍यो।