यूहन्ना 14:6 - जिरेल6 थोक सिरजीन येशूकी “आबा ओत्साने डोच्येते लाम ङाराङ ईन। सत्यते परमेश्वरला छ्या स्ये ज्युत्कान्तेङ ङाराङ ईन। थेमे मिओनला नोमुङ मिसिन्च्येते जुनी तेरकान्तेङ ङाराङ ईन। ङे छ्य्वापेई मेन्दाला सुङ आबा ओत्साने ड्वा मुथुबो। အခန်းကိုကြည့်ပါ။ |
यूहन्ना 14:6
57 ပူးပေါင်းရင်းမြစ်များ
थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्बुराङ देत्जीन परमेश्वर आउदी खाला दया खित्कान्ते ईन, थे सत्यते ईन सिन थेकी ङ्योकोनला लेमु खाईन तेन्गीन बिन्दा ओतान। थेला आबातेकी देमा ताङा ओतान। थेते दोक्पोईकामा ओताते फुज्युङ ईन्देकी थेत्ताङ छ्येज्यीक शक्ति ओताते ङ्योकोनगी थोङा ङेत्सुङ।
थेकी दमस्कस सारनापा गाल्ला थेपा येशू बात ङेन्गीन थे छ्य्वापा लै खाबाते मि गाङेला चाल्ला ख्योओ मि, फेम्मे मि गाङेला जुम्ला यरूशलेमपा खुलाङच्ये विचार खासुङ। थोगी थेकी गाङे भन्दा छ्येते पूजारी ओत्सादु गाल्गीन दमस्कसदु ओताते यहूदीओनते मिटिङ खित्च्येते खाम्बा खाम्बे छ्येते मिला थेला थोक खिताला मद्धत बिन सि सिन चिट्ठी टिकीन नाङ खासुङ।
ज्येन ज्येन जातकी मि नाङ काम खिताला थेकीराङ ङाला येशू ख्रीष्ट काम खित्कान्ते मि सिन खटे खाबाते ईन। थोगी ङा ज्येन ज्येन जातकी मिला परमेश्वर गा लाङच्येते बात लोप्क्यो। परमेश्वर आत्मेकी थेबे सेम खुदुक जोला थेबा परमेश्वरला चढे खाबाते थेला मन परे खित्च्येते भोग च्योकराङ ओङस्यीत सिन ङा दोक खाला लोप्च्येते काम खिओ।
थेकी खित्सादुराङ परमेश्वरगी थे खोरोङला विश्वास खित्कान ङुरूङला दया खाईन थे खोरोङताङ डिक च्युताते ईन। था थेकी ङुरूङला दया खिता नोमुङ मोतोङो। दोक ईन्देकी थाचेन परमेश्वरगी ङुरूङला मान बिन्ला थे खोरोङगी ज्वा चाला च्योकराङ लेमु जोइओ साबाते बात ङुरूङगी आश खाईन गुकीन देता च्योकराङ खिओ सिन गा खिन देता थुप्क्यो।
दोक्ते साच्या थुङच्याताङ चाड माने खित्च्येते बाततेबा गाङे परमेश्वरला माने खिताला ख्रीष्ट मावाथुप ङेन्दा फाप्च्येते बातकामा ओतान। थोगी दि बाततेबा खालि ख्रीष्ट वानामेई चुक चुक खिते सिन थेकी खित्च्येते कामगी नक्कलकामा ओतान। ख्रीष्ट वानामेई परमेश्वरला चुक खाला माने खिता फाप्कीते सिरच्येते गाङे बात पूरो ओङा ओत।
मिओनला पापदुकी डेलाला ख्रीष्ट पापकी सजाय भोगे खाईन थे खोरोङ ज्यान बिन्गीन स्या ओतान। दोक खाईन छ्याःङ गल्ती मेताते ख्रीष्ट परमेश्वरगी माकेत साबा साबा खित्कान्ते मिओन लाईदु स्या ओतान। थे थोक खाईन बाजिई मि गाङे लाईदु स्यिइन सिन्दा ओतेकी था लोक्ला नोमुङ दोक खिता माफाबो। थे थोक खाईन स्याप्की खित्सादु ख्योकोन परमेश्वर दोन्दु ड्वा थुपा ओत। मिओनगी थेला सेता ओतान। ईन्सीनोङ परमेश्वरगी थेला थे खोरोङ आत्मे छ्य्वापेकी सोम्बो लोक्पा ओत।
ङुरूङला ज्येनोङ बात च्यि छ्या ओते सासीन परमेश्वर फुज्युङगी दुरू वाकीन परमेश्वर सु ईन्दे, चुक्ते ईन्दे सिन ङुरूङला छ्या स्ये च्युत्सुङ। थेकी दोक खानामेई ङुरूङ सत्यते परमेश्वरताङ डिक्पा थुप्सुङ थेमे परमेश्वर फुज्युङ येशू ख्रीष्टताङ डिक्पा थुप्सुङ। येशू ख्रीष्टचेन सत्यते परमेश्वर ईन, नोमुङ मिसिन्च्येते जुनी तेरकान्तेङ थेराङ ईन।
येशू ख्रीष्ट स्वर्गनेकी देमा वाकीन छ्युला स्यूला लिन्च्येते बप्तिस्मा लाबा ओतान। थेमे ङुरूङ लाईदु थे खोरोङ ज्यान बिन्गीन स्या ओतान। थेकी छ्युला स्यूकीन बप्तिस्मा लाबातेकामा मेन, थे खोरोङ ज्यानराङ बिन्गीन स्या ओतान। दि बाततेबा परमेश्वर आत्मेकी ईन सिन सिओ। परमेश्वर आत्माचेन साँचोते बात खित्कान्ते ईन।
थेमे परमेश्वर आत्माताङ लुई रीउ बेउलीकीचेन “लो स्योक, होत्ता स्योक,” सिन सिदुक। दि बात थोकान्ते मिबरी गाङेकी “लो होत्ता स्योक,” सिन सि। सुइँदाला कोम्बा लाबा ओत्सीन परमेश्वर दोन्दु स्योक। दोक खाला परमेश्वरगी तेरच्येते छ्यु थुङा सेम खाला थे दोन्दु ओङकान गाङेकी छ्याःङ मेज्येला खाला नोमुङ मिसिन्च्येते जुनी ङेत्च्येते छ्यु थुङा ङेत्क्यो।
लाओडिसिया सारदु जम्मा ओङकान्ते येशू ख्रीष्ट मिओनला ताकोरा खित्कान्ते परमेश्वर दूतला दोक सिन टि। दि बातचेन साँचोते बातकामा खित्कान्ते थेमे परमेश्वर सु ईन्दे सिन थेमे थेकी खित्च्येते कामगी बात लेमु खाला लाप्ला तेरकान्ते आमेन सिराते ङा सिन ओत। परमेश्वरगी सा नाम थेमे ओताते जति गाङे ङे छ्य्वापेकीराङ जोबाते ईन।
फिलाडेल्फिया सारदु जम्मा ओङकान्ते येशू ख्रीष्ट मिओनला ताकोरा खित्कान्ते परमेश्वर दूतला दोक सिन टि। दि बातचेन सेमला पाप सिराते छ्याःङ मेताते, खिओ साबा च्योकराङ खित्कान्ते ङा सिन ओत। ङात्ताङ गेल्बो दाऊद सारगी गो बेत्च्येते साँचो ओत। ङे पेताते गो सुङगीङ च्येता मुथुबो थेमे ङे च्येताते सुङगीङ बेताङ मुथुबो।
ကြော်ငြာတွေ