यूहन्ना 14:27 - जिरेल27 ङा ख्योकोन सेमला ढुक्क लोङगो। ङे खित्सादु ख्योकोन सेम ढुक्क खाला देता ङेत्क्यो। दि सा लुङबे मि सुङगीङ ख्योकोनला सेमला ढुक्क लोङा मुथुबो। ख्योकोन पीर माकेत, ज्यीबाङ माकेत। အခန်းကိုကြည့်ပါ။ |
यूहन्ना 14:27
65 ပူးပေါင်းရင်းမြစ်များ
थे खोरोङगी साबाच्योक खिओ सिन आश खाला देत ज्युत्कान्ते परमेश्वरराङ ईन। थेला विश्वास खित्कान ईन्देकी थेकी ख्योकोन गाङेला आउदी खाला गा खिन थेमे डिक्ला थुन्ला देत ज्युत्स्यीत सिन ङा प्रार्थना खिओ। थेकी थोक खानामेईचेन परमेश्वर आत्मे शक्ति छ्य्वापेकी ख्योकोन था परमेश्वरगी ङुरूङला खिओ साबाच्योक खिओतराङ सिन छ्याःङ शंका मिक्किता खाला झन आश खाला गुला देता थुप्क्यो।
परमेश्वर आत्मेकी खित ज्युता चालाच्योक खित्कान्ते मिलाचेन थेकी फलफूल गोन ज्युताच्योक खाला लेमु कामताङ बात खित ज्युत्क्यो। थोगी थोक्ते मिकीचेन ज्येनला ङिङज्ये खिओ, थे गा खिन देत्क्यो थेमे सेमदु ढुक्क खाला देत्क्यो। थोक्ते मि होत्ताराङ स्येदाङ मिक्किओ, थेकी ज्येनला दया खिओ थेमे लेमु खिओ, थेकी खिओ साबा च्योकराङ खिओ,
थेमे थे खोरोङगी खिता चाला च्योकराङ खाईन थेकी दि पृथ्वीदु ओताते ईन्स्यीत, स्वर्गने ओताते ईन्स्यीत, जो ईन्सीनोङ जे ईन्सीनोङ गाङेला थे खोरोङ फुज्युङ छ्य्वापेकीराङ थे खोरोङताङ डिक्पा खाबा ओत। थे खोरोङ फुज्युङ स्यिङगी थामला टाँए खाला स्यिजीन थे जीउदुकी थेन्दाते ठागी खित्सादु थेकी ओताते जति गाङेला होथोक खाईन थे खोरोङताङ डिक्पा खाबा ओत।
ख्रीष्टकी ख्योकोनला सेम ढुक्क खाला देत ज्युत्च्येते ईन्देकी ख्योकोन सेमज्यीकराङ खाला डिक्ला थुन्ला देत। ख्योकोन जीउज्यीकराङ ओङाते गाङेराङ डिक्ला थुन्ला देत्स्यीत सिनराङ परमेश्वरगी ख्योकोनला थे खोरोङ दोन्दु स्योक सिन काताङाते ईन। परमेश्वरगी खाबाते गाङे कामगी लाईदु ख्योकोनगी थेला धन्यवाद बिन।
थेमे अब्राहामगीचेन थे खोरोङगी लडाइँला ग्याल्गीन ठ्वाकीन खुलाबाते जेसुकैते बो च्युताम्बे नाङ बोज्यीक टाल्गीन थेला बिन्दा ओतान। मल्कीसेदेक साबाते काका पाका मिक्किता खाला राज्य खित्कान्ते गेल्बो साबाते ईन। थेकी राज्य खाबाते शालेम सारगी अर्थचेन आनन्दे सार साबाते ईन। थोक ईन्देकी मल्कीसेदेकचेन आनन्दे सारगी गेल्बोङ ओतान।
एशिये अञ्चलदु फाप्च्येते सार दुईनकारदु जम्मा ओङकान्ते येशू ख्रीष्ट मिओन ख्योकोन गाङेला ङा यूहन्ना दि बातओन टिगीन ओत। परमेश्वर थेमे थे खोरोङ सिंहासन दोन्दु ओताते परमेश्वर आत्मा दुईनबोताङ येशू ख्रीष्टकी ख्योकोनला दया खाला लेमु खिनराङ देत्स्यीत। परमेश्वर थरिङोलाङ ओत, गोमामेकीराङ ओतान थेमे सधैँभरि देत्कान्तेङ थेराङ ईन। परमेश्वर सु ईन्दे सिन थेमे थेकी खित्च्येते कामगी बात लेमु खाला लाप्ला तेरकान्ते येशू ख्रीष्ट ईन। स्याप्ते मिओन नाङ गाङे भन्दा गोमा नोमुङ मिस्यिच्या खाला सोम्बो लोक्कान्तेचेन थेराङ ईन। थेचेन दि लुङबा मुलुक गेल्बोओनतेङ गेल्बो ईन। येशूचेन ङुरूङला आउदी ङिङज्ये खित्कान्ते ईन। ङुरूङ लाईदु स्यिजीन थे खोरोङ जीउदुकी थेन्दाते ठागी खित्सादु थेकी ङुरूङला पापदुकी टाल्सुङ,
ख्योकोनला आइ परे खिता खाबाते दुक्पा थोङला ख्योकोन ज्यीबा माकेत। ना ख्योकोनगी ङाला विश्वास खिता तोङगीता सिन ताप्ला शैतानगी ख्योकोन नाङ दोक्पोई ङिला जेलला लु ज्युत्क्यो। थोक खासीनोङ ङीमा च्युताम्बाकामा ख्योकोनला दुक्पा ओङगो। स्यापराङ फाप्सीनोङ ख्योकोनगी ङाला विश्वास खिता मातोङ। थेमे ङा ख्योकोनला इनाम तेरग्यो, थेचेन नोमुङ मिसिन्च्येते जुनी ईन।
तर ङे मि ईन सिरा ज्यीबा खित्कान्तेबा, ङाला विश्वास मिक्किकान्तेबा, मेलेबा मेलेबा काम खित्कान्तेबा, मि सेत्कान्तेबा, रन्डीबाजी थेमे होदि च्योक्ते खिता मेङच्येते काम खित्कान्तेबा, स्युत्च्या फुत्च्याताङ मन्तर तन्तर खित्कान्तेबा, ल्हा लुला माने खित्कान्तेबा थेमे ढाँर खित्कान्तेबाचेन गाङेराङ गन्धकताङ मे बाराते ज्यीबा लाङच्याज्यीक मे धुनीमा स्यूक्पा फाप्क्यो। था तिरी ज्यीबा लाङच्याज्यीक मे धुनीमा स्यूक्च्येते सिरातेचेन होदिराङ ईन,” सिन सिदुक।
ကြော်ငြာတွေ