यूहन्‍ना 14:23 - जिरेल

²³ थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

यूहन्‍ना 14:23 ပူးပေါင်းရင်းမြစ်များ

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 14:15

ख्‍योकोनगी ङाला ङिङज्‍ये खासीन ङे खि सिन कोतातेङ खिओ।

यूहन्‍ना 14:17

थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो। दि सा लुङबे मिओनगी दिङ सु ईन्‍देरो सिराच्‍योक खाला थेला छ्याःङ वास्‍ता मिक्‍किओ। च्‍यिला सासीन थेबेकी थे सु ईन्‍दे सिन छ्याङ मेस्‍येओ, थेला थोङाङ मुथुबो। तर ख्‍योकोनगीचेन थेला छ्या स्‍येक्‍यो। थे ख्‍योकोनताङ नोमुङ माठाला खाला ख्‍योकोन सेमगी नाङराङ देत्‍क्‍यो।

यूहन्‍ना 14:21

जसकी ङे खि सिन कोताते ङेन्‍ला खि साबाच्‍योक खिदुक, ङाला ङिङज्‍ये खित्‍कान्‍ते मि थेराङ ईन। ङाला ङिङज्‍ये खित्‍कान्‍ते मिलाचेन आबेकीङ ङिङज्‍ये खिओ। थोकराङ खाला ङाङ थेला ङिङज्‍ये खिओ थेमे ङा चुक छ्ये ईन्‍दे सिन थेला झन लेमु खाला छ्या स्‍ये ज्‍युत्‍क्‍यो,” सिन बात खासुङ।

यूहन्‍ना 14:24

ङाला ङिङज्‍ये मिक्‍किकान्‍ते मिकीचेन ङे लापाते बात मेङेनो। ङे ख्‍योकोनला लापाते बाततेबा ङाराङगी जोकीन लापाते मेन। दि बातओननी ङाला दुरू तोङकान्‍ते आबेकी सिर च्‍युतातेका ईन।

यूहन्‍ना 15:10

ख्‍योकोनगी ङे खि सिन कोताते ङेन्‍सीन ङा ख्‍योकोनला ङिङज्‍ये खिन देत्‍क्‍यो। ङेङ आबेकी खि सिन कोताते ङेन्‍दा ओत। थोगी थेकी ङाला ङिङज्‍ये खिनराङ देत्‍क्‍यो।

यूहन्‍ना 16:27

ख्‍योकोनगी ङाला ङिङज्‍ये खाबेकी थेमे ङा आबा ओत्‍सानेई वाबाते ईन सिन पत्ते खाबेकी आबा थे खोरोङगीराङ ख्‍योकोनला ङिङज्‍ये खिओ।

यूहन्‍ना 6:56

ङे स्‍या साकान्‍तेताङ ठाक थुङकान्‍ते मिचेन ङात्ताङ डिक्‍लाराङ देत्‍क्‍यो। थेमे ङाङ थेत्ताङ डिक्‍लाराङ देत्‍क्‍यो।

यूहन्‍ना 8:51

दि बात ङेन। च्‍यि सासीन ङे साबाते बात ङेन्‍कान्‍ते मिचेन स्‍यिराङ मिस्‍यिओ,” सिन सिदुक।

यूहन्‍ना 8:52

थोक सिरजीन थेबेकी “खोल्‍ला ल्‍हन्‍डीक खोबातेराङ ईन सिन थानी ङ्योकोनगी लेमु खाईन छ्या स्‍येसुङ। थाङबो अब्राहाम स्‍यिसुङ। थोकराङ खाईन परमेश्‍वर बात खित्‍कान्‍ते मिङ गाङे स्‍यिसुङ। खोचेन खुई साबाते बात ङेन्‍कान्‍ते मिचेन स्‍यिराङ मिस्‍यिओ खिदुक।

२ कोरिन्‍थी 6:16

परमेश्‍वर मन्‍दिर ओङगीन सिन्‍दाते मिओन ल्‍हा ल्‍हन्‍डीकताङ चुक खाला डिक्‍पा ओङगीते? ङुरूङनी सोम्‍बोते परमेश्‍वर मन्‍दिर ईन। ङुरूङ थोक्‍ते मि ईन सिन परमेश्‍वरगी थे खोरोङ बातला “ङा थेबाताङ ङ्योम्‍बुराङ देत्‍क्‍यो। दोक खाला ङा थेबे परमेश्‍वर ओङला थेबाला ङाराङ मि ईन सिओ,” साबा ओत।

एफिसी 3:17

थेमे थेला विश्‍वास खाबेकी खित्‍सादु ख्‍योकोन सेमगी नाङ ख्रीष्‍ट देत्‍स्‍यीत सिन प्रार्थना खिओ। थेमे ख्रीष्‍ट ङुरूङला थोई ङिङज्‍ये खित्‍कान्‍ते ईन्‍दे सिन नोमुङ टोक मेज्‍येता खाला जहिलेङ ख्‍योकोनगी ज्‍येनला ङिङज्‍ये खिन देता थुप्‍स्‍यीत।

१ यूहन्‍ना 2:24

थोक ईन्‍देकी खेराङगी येशूला विश्‍वास खिता छोमुमेई थोबाते बात ङेन्‍गीन देता मातोङ। थेरू खि साबाच्‍योक खिनराङ देत्‍सीन ख्‍योकोनचेन परमेश्‍वर फुज्‍युङ थेमे आबा परमेश्‍वरताङ डिक्‍ला देता ङेत्‍क्‍यो।

१ यूहन्‍ना 2:5

सुइँदेकी परमेश्‍वरगी खि सिन कोताते खिदुक सासीन थे खोरोङगी ङिङज्‍ये खाईन खिता चालाते काम परमेश्‍वरगी थोक्‍ते मि जुनीदु पूरो खाला खिओ। ङुरूङगी दाक्‍पोन परमेश्‍वरताङ डिक्‍ला देत्‍कान्‍ते ईन सिन चुक खाला छ्या स्‍येकीते सासीन

१ यूहन्‍ना 4:4

फिजावे, ख्‍योकोन परमेश्‍वर मि ईन। थे ईनराङ मेन्‍दे बात लोप्‍कान्‍ते मिओन बात सत्‍यते मेन सिन छ्या स्‍येकीन ख्‍योकोनगी थेबाला ग्‍याला ओत। च्‍यिला सासीन दि सा लुङबे मि नाङ काम खित्‍कान्‍ते भन्‍दाचेन ख्‍योकोन सेमदु देत्‍कान्‍ते परमेश्‍वर आत्‍मा छ्ये ईन।

१ यूहन्‍ना 5:3

परमेश्‍वरला ङिङज्‍ये खित्‍च्‍या सिरातेचेन थेकी खि सिन कोताते खित्‍च्‍येते ईन। थेकी खि सिन कोताते खिताला दुक्‍पाङ मेत।

२ यूहन्‍ना 1:6

दोक्‍पोईकी ज्‍येनज्‍यीकला ङिङज्‍ये खित्‍च्‍या सिराते परमेश्‍वरगी ङुरूङला खि सिन कोताते ङेन्‍च्‍येते ईन। थेकी खि सिन कोतातेचेन दोक्‍पोईकी ज्‍येनज्‍यीकला ङिङज्‍ये खित्‍च्‍येते ईन। दि बात खुई येशूला विश्‍वास खिता छोमुमेईराङ थोबाते बात ईन।

छ्या स्‍ये च्‍युताते बात 21:22

थेमे ङे थे सारगी नाङ परमेश्‍वर मन्‍दिर माथोङसुङ। च्‍यिला सासीन थे सारगी नाङ मन्‍दिरचेन गाङे भन्‍दा छ्येज्‍यीक शक्ति ओताते प्रभु परमेश्‍वर थेमे लुई रीउराङ ईन।

छ्या स्‍ये च्‍युताते बात 21:3

थेमे सिंहासनदुकी आउदी कस्‍स्‍ये खाईन “थानामेईचेन सधैँ लाईदु परमेश्‍वर थे खोरोङ मिओनताङ देत्‍क्‍यो। थेमे थेबा परमेश्‍वर मि ओङगो। परमेश्‍वर थेबाताङ ङ्योम्‍बु देत्‍ला थेचेन थेबे परमेश्‍वर ओङगो।

छ्या स्‍ये च्‍युताते बात 22:3

थे सारगी नाङ परमेश्‍वर सराप फापाते मेलेबा सिराते था छ्याःङ मेङगो, सुङ मेङगो। परमेश्‍वरताङ लुई रीउ देत्‍च्‍येते सिंहासन थे सारगी नाङराङ ओङगो। थेमे परमेश्‍वर काम खित्‍कान गाङेकी परमेश्‍वरला छ्ये जोइनराङ देत्‍क्‍यो।