यूहन्ना 14:21 - जिरेल21 जसकी ङे खि सिन कोताते ङेन्ला खि साबाच्योक खिदुक, ङाला ङिङज्ये खित्कान्ते मि थेराङ ईन। ङाला ङिङज्ये खित्कान्ते मिलाचेन आबेकीङ ङिङज्ये खिओ। थोकराङ खाला ङाङ थेला ङिङज्ये खिओ थेमे ङा चुक छ्ये ईन्दे सिन थेला झन लेमु खाला छ्या स्ये ज्युत्क्यो,” सिन बात खासुङ। အခန်းကိုကြည့်ပါ။ |
यूहन्ना 14:21
43 ပူးပေါင်းရင်းမြစ်များ
प्रभु ख्रीष्टकी ङुरूङ सेम खुदुक जोकीन बिन्नामेकी ङुरूङगी सुङताङ छ्याःङ बात बोङा माफाबो। ङुरूङला ताला मिओनगी ख्रीष्टताङ चुक छ्येज्यीक शक्ति ओता ईन्दाका सिन छ्या स्येक्यो। थेकी ङुरूङला थे खोरोङ च्योकराङ लेमु जोइन गाल्नामेई ङुरूङ झन झन प्रभु ख्रीष्ट च्योकराङ लेमु डुइन डुइओ। ङुरूङला दोक खित्कान्ते प्रभु ख्रीष्ट ईन। थेत्ताङ परमेश्वर आत्मा दोक्पोईराङ ईन।
परमेश्वरगी सा नाम जोजीन “मुन्दाकते ठाउँदु नाम्दाक ओङस्यीत,” सिन साबा ओतान। होथोक सिरकान्ते परमेश्वरगीराङ मुन्दाकते ठाउँदु नाम्दाक ओङ च्युताच्योक खाईन थे खोरोङ सु ईन्दे थेमे थेत्ताङ चुक छ्येज्यीक शक्ति ओते सिन ङुरूङला छ्या स्ये च्युत्सुङ। दि बात ङुरूङगी ख्रीष्टला ताकीन छ्या स्येबाते ईन।
ङुरूङ आबा परमेश्वरगी ङुरूङला ङिङज्ये खाईन थे खोरोङ दयेकी जहिलेङ आँट तेरगीन देत्ला तिरी तेरग्यो सिन साबातेबा गाङे पक्काराङ ङेत्क्यो सिन आश खाला देत ज्युत्क्यो। दोक खित्कान्ते परमेश्वरताङ ङुरूङ प्रभु येशू ख्रीष्ट थे खोरोङगीराङ ख्योकोनला आँट बिन्ला ख्योकोनगी खिन ओताते लेमुते कामताङ बात गाङे खिनराङ देत ज्युत्स्यीत सिन ङ्योकोन प्रार्थना खिओ।
लो विचार खिते, आबा परमेश्वरगी ङुरूङला चुक आउदी ङिङज्ये खासुङा। थेकी थोक आउदी ङिङज्ये खाईन ङुरूङला थे खोरोङ फुज्युङ फुमु ईन सिओ। ईन्दाबोङ ङुरूङ थे फुज्युङ फुमुराङ ईन। दि सा लुङबे मिओनगी ङुरूङ चुक्ते मि ईन्दे सिन छ्याःङ छ्या मेस्येओ। च्यिला सासीन थेबेकी परमेश्वर सु ईन्दे सिन छ्या मास्येसुङ।
ङेन्दा सेम ओत्कान्ते मिकी ठाउँ ठाउँला जम्मा ओङकान्ते येशू ख्रीष्ट मिओनला परमेश्वर आत्मेकी च्यि सिन दुका सिन लेमु खाला ङेन। शैतान शक्तिला ग्याल्कान्ते मिला ङा परमेश्वरताङ ओताते ब्वाकीन ज्याक्पाते मन्न सा तेरग्यो। थेमे ङा थेला दो कार्मुज्यीक तेरग्यो। थे दोला साम्बाज्यीक मिन टिबा ओङगो। थे दो ङेत्कान्ते मिकीकामा थेरू टिबाते मिनगी अर्थ खोक्यो।
ကြော်ငြာတွေ