यूहन्ना 14:20 - जिरेल20 ङाला थोङे छोमु आबाताङ ङा दोक्पोईराङ दुका, ङा ख्योकोन सेमगी नाङ देत्च्याक्वा थेमे ख्योकोनोङ ङात्ताङ जीउज्यीकराङ ओङा ओताक्वा सिन ख्योकोनगी लेमु खाला छ्या स्येक्यो। အခန်းကိုကြည့်ပါ။ |
यूहन्ना 14:20
24 ပူးပေါင်းရင်းမြစ်များ
था ङा काल्बासाक दुरू मेदेदो। ङा खो ओत्साने ओङगीन ओत। दोक ईन्सीनोङ दिबाबरीनी दुरूराङ देत्क्यो। थोगी आबा खुई ङाला बिन्दाते खोरोङ शक्तिकीराङ दिबाला मेलेबा ओङसादुई जोए खाला स्योक। सेमला पाप सिराते छ्याःङ मेताते खोकामा ईन। खुई दिबाला जोए खाईन ज्याक्नामेई आबा खोत्ताङ ङा दोक्पोईराङ ईन्दा च्योकराङ खाला दिबाबरीङ सेमज्यीकराङ खाला डिक्ला देता थुप्क्यो।
परमेश्वरगी खित्सादुकामा ख्योकोन येशू ख्रीष्टताङ जीउज्यीकराङ ओङाते ईन। येशू ख्रीष्टला ताला परमेश्वर चुक बुद्धि पुरे खाला काम खित्कान्ते ईन्दे सिन छ्या स्येक्यो। च्यि सासीन ख्रीष्टकी खित्सादु परमेश्वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।
च्यि सासीन लो च्युप्स्यी गोमे बात ईन। ख्रीष्टला विश्वास खित्कान्ते मिज्यीकला ङा लेमु खाला छ्या स्येक्यो। थे मिला टेप तुकीन स्वर्गने परमेश्वर देत्सासाकराङ खेरसुङ। ईन्दाका थेलाराङ थेने खेराते ईन्दा ना ठामासोमुला मिलाम खित ज्युताच्योक खाईन थेने खेराते ईन्दा ङाला छ्याःङ छ्या मेत। दि बात परमेश्वरलाकामा छ्या ओत।
च्यि सासीन ख्रीष्टकी खाबाते कामगी खित्सादु परमेश्वरगी दि सा लुङबे मिओनला थेबेकी खाबाते मेलेबाते कामताङ बातकीते छ्याःङ हर हिसाब मिलिन्दा खाईन थे खोरोङताङ डिक्पा खित्च्येते काम खासुङ। थेमे मिओनला थे खोरोङताङ डिक ज्युत्क्यो सिरच्येते बात ज्येनला लोप्च्येते कामगी जिम्मा थेकी ङ्योकोनला बिन्सुङ।
चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान।
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
ကြော်ငြာတွေ