यूहन्‍ना 14:19 - जिरेल

¹⁹ था टिक्‍पी दिन तिरीमेकी दि सा लुङबे मिओनगी ङाला थोङराङ मोथोङो। ईन्‍सीनोङ ख्‍योकोनगीचेन ङाला थोङगो। ङा सधैँभरि सोन्‍ला देतेकी खित्‍सादु ख्‍योकोनोङ सोन्‍लाराङ देत्‍क्‍यो।

यूहन्‍ना 14:19 ပူးပေါင်းရင်းမြစ်များ

यूहन्‍ना 11:25

थेमे येशूकी थेला “मिओनला स्‍यिसादुकी सोम्‍बो लोक्‍कान्‍ते ङाराङ ईन। थेमे नोमुङ मिसिन्‍च्‍येते जुनी तेरकान्‍तेङ ङाराङ ईन। ङाला विश्‍वास खित्‍कान्‍ते मिचेन नोमुङ मिसिन्‍च्‍येते जुनी ङेतेकी स्‍यिसीनोङ लोक्‍ला सोम्‍बो लोइओ।

यूहन्‍ना 12:35

थेरूई थेकी थेबाला “था टिक्‍पी दिनसाककामा स्‍वर्गे नाम्‍दाक ख्‍योकोनताङ देत्‍क्‍यो। थोगी ख्‍योकोन नाम्‍दाकला ख्‍योम। स्‍वर्गे नाम्‍दाक ख्‍योकोनताङ देत देतसाक ख्‍योकोन मुन्‍दाकला ख्‍याम्‍बा माफाबो। मुन्‍दाकला ख्‍याम्‍कान्‍ते मिला थे खोरोङ खापा डुइन ओते सिन छ्याःङ छ्या मेङगो।

यूहन्‍ना 13:33

ङे फिजावे, था ङा काल्‍बासाक ख्‍योकोनताङ मेदेदो। थेजीन ख्‍योकोनगी ङाला छोल्‍ग्‍यो। ईन्‍सीनोङ थोङला यहूदीओनते छ्ये छ्ये मिला साबा च्‍योकराङ खाला थाल्‍ला ङा ख्‍योकोनलाङ च्‍यि सिते सासीन ‘ङा डोसादु ख्‍योकोन ओङा मुथुबो।’

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 16:16

था टिक्‍पी दिन तिरी ख्‍योकोनगी ङाला थोङराङ मोथोङो। टिक्‍पी तिरीमेकीचेन ख्‍योकोनगी ङाला याङराङ थोङा ङेत्‍क्‍यो,” सिन सिदुक।

यूहन्‍ना 16:22

ख्‍योकोनलाङ होदोकराङ ओङगो। चुक सासीन था ख्‍योकोनला आउदी पीर लाङगो। ईन्‍सीनोङ याङराङ ङा ख्‍योकोनला ठेता खिओ। थेमे थेजीन ख्‍योकोनला आउदी गा लाङगो। सुइँदेकी ख्‍योकोनला दोक खाला गा माकेत सासीनोङ ख्‍योकोन खाराक्‍पा देताराङ मुथुबो।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

यूहन्‍ना 7:33

थोरूमोङ बात खिन येशूकी “था टिक्‍पी दिनसाककामा ङा ख्‍योकोनताङ देत्‍क्‍यो। थे तिरी ङा दाक ङाराङला दुरू तोङकान्‍ते ओत्‍साने ग्‍युरला डुइओ।

यूहन्‍ना 8:21

येशूकी लोईन थेबाला “था तिरी ङा दुरूकी डुइओ। थेमे ख्‍योकोनगी ङाला छोल्‍ग्‍यो। पाप खाबेकी खित्‍सादु ख्‍योकोन पापकी सजाय ङेत्‍ला स्‍यिइओ। ङा डोसादु ख्‍योकोन ओङा मुथुबो,” सिन सिदुक।

शक्ति काम 10:41

ईन्‍दानी यहूदी गाङेताङचेन थेकी ठेता माक्‍यासुङ। ङेराङगी थोङातेताङ थोबाते बात ज्‍येनला लोपाला परमेश्‍वरगी गोमा खटे खाबातेबा ङ्योकोनगीकामा थेला थोङा ङेत्‍सुङ। थे सोम्‍बो लोक्‍नामेई ङ्योकोनगी थेत्ताङ ङ्योम्‍बुराङ साप थुङाङ खाबाते ईन।

रोमी 5:10

ङुरूङ थेत्ताङ माडिक्‍ला थे विरोध खिन ओत्‍कीन ओत्‍कीनोङ थे खोरोङ फुज्‍युङ ङुरूङ लाईदु स्‍याप्‍ते ईन्‍देकी परमेश्‍वरगी ङुरूङला थे खोरोङताङ डिक्‍पा खाबा ओत। थेमे येशू स्‍यिसादुकी सोम्‍बो लोगीन सोम्‍बोराङ ओतेकी खित्‍सादु परमेश्‍वरगी ङुरूङला पूरो खाला पापदुकी टाल्‍ला स्‍वर्गने देत ज्‍युत्‍क्‍यो।

रोमी 8:34

थोकराङ खाला था सुङगीङ थेबाला सजाय मेतेरो। च्‍यिला सासीन येशू ख्रीष्‍ट थेबे लाईदु स्‍यिइन सिन्‍दा ओत। थे थोक खाईन स्‍याप्‍तेकामा मेन, स्‍यिसादुकी समेदोङ सोम्‍बो लोगीन थानी परमेश्‍वर सामे छ्य्‌वापा देता ओत। थेमे थेरू देत्‍ला थेकी ङुरूङ लाईदु थेत्ताङ बात खाला तेरग्‍यो।

१ कोरिन्‍थी 15:20

तर ख्रीष्‍टला परमेश्‍वरगी सोम्‍बो लोक्‍पाते बात पक्‍काराङ ईन। स्‍याप्‍ते मिओन नाङ गाङे भन्‍दा गोमा सोम्‍बो लोक्‍कान्‍ते थेराङ ईन।

१ कोरिन्‍थी 15:45

परमेश्‍वर बातला चुक साला दुका सासीन “परमेश्‍वरगी गाङे भन्‍दा गोमा जोबाते मि आदमला नोउनामेई ङेपाक लुगीन बिन्‍सुङ। दोक खानामेई थे सोन्‍सुङ,” सिन टिला दुक। तिरी आदम सिन साबाते ख्रीष्‍टचेन नोमुङ मिसिन्‍च्‍येते जुनी तेरकान्‍ते आत्‍मा ईन।

हिब्रू 7:25

थोक ईन्‍देकीराङ खोपरोङला परमेश्‍वर दोन्‍दु खेरकान्‍ते थेराङ ईन सिन थे छ्य्‌वापा लै खित्‍कान्‍तेबाला थेकी पूरो खाला पापदुकी टाल्‍ला स्‍वर्गने देत ज्‍युत्‍क्‍यो। च्‍यिला सासीन थे सधैँभरि परमेश्‍वर दोन्‍दुराङ देत्‍ला थेबे लाईदु थेत्ताङ बात खिनराङ देत्‍क्‍यो।

छ्या स्‍ये च्‍युताते बात 20:4

थेमे दि तिरी ङे सिंहासनतेबा थेमे थे लाक्‍तु देत्‍कान्‍तेबाला थोङसुङ। थेबालाचेन न्‍याय खित्‍च्‍येते अधिकार बिन्‍दा ओतान। लोक्‍ला ङे येशू सु ईन्‍दे, थेकी च्‍यि खिते सिन ज्‍येनला लापेकी थेमे ज्‍येनला परमेश्‍वर बात लापेकी खित्‍सादु गोः तुप्‍कीन सेताते मिओन आत्‍मा थोङसुङ। थेबेकी थे जन्‍तु थेमे थे मूर्तिला माने खाबा मेतान। थेमे खोपरोङ टालाला कि सामे लाक्‍पाला थे जन्‍तु मिनगी छाप देक च्‍युता मेतान। थेबा गाङेराङ दाक सोम्‍बो लोक्‍सुङ। थेमे लो हजारज्‍यीकसाक ख्रीष्‍टताङ ङ्योम्‍बुराङ राज्‍य खासुङ।