यूहन्‍ना 14:18 - जिरेल

¹⁸ ङा ख्‍योकोनला ट्वारा टिङग्रे जोला क्‍युरला मोज्‍योओ। ङा लोक्‍ला ख्‍योकोन ओत्‍सादु ग्‍युरला ओङगो।

यूहन्‍ना 14:18 ပူးပေါင်းရင်းမြစ်များ

मत्ती 18:20

च्‍यिला सासीन ङे मि ईन्‍देकी मेन्‍दा ङि सुमकामा जम्‍मा ओङसीनोङ ङा थेरू थेबाताङ ङ्योम्‍बुराङ ओङगो,” सिन सिदुक।

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

यूहन्‍ना 14:16

ख्‍योकोनला सल्‍लाह तेरकान्‍ते ज्‍येनज्‍यीकला थोङ सिन ङा आबाताङ बिन्‍ती खिओ। थे वाला सधैँभरि ख्‍योकोनताङ ङ्योम्‍बुराङ देत्‍क्‍यो।

यूहन्‍ना 14:3

ठाउँ ठीक खाला ङा ख्‍योकोनला लिन्‍दाला लोक्‍ला ओङगो। थेमे ख्‍योकोनोङ ङात्ताङ ङ्योम्‍बुराङ देता ङेत्‍स्‍यीत सिन ङा ख्‍योकोनलाङ ङाराङ देत्‍सादुराङ देताला खेरग्‍यो।

यूहन्‍ना 16:16

था टिक्‍पी दिन तिरी ख्‍योकोनगी ङाला थोङराङ मोथोङो। टिक्‍पी तिरीमेकीचेन ख्‍योकोनगी ङाला याङराङ थोङा ङेत्‍क्‍यो,” सिन सिदुक।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

२ थिस्‍सलोनिकी 2:16

ङुरूङ आबा परमेश्‍वरगी ङुरूङला ङिङज्‍ये खाईन थे खोरोङ दयेकी जहिलेङ आँट तेरगीन देत्‍ला तिरी तेरग्‍यो सिन साबातेबा गाङे पक्‍काराङ ङेत्‍क्‍यो सिन आश खाला देत ज्‍युत्‍क्‍यो। दोक खित्‍कान्‍ते परमेश्‍वरताङ ङुरूङ प्रभु येशू ख्रीष्‍ट थे खोरोङगीराङ ख्‍योकोनला आँट बिन्‍ला ख्‍योकोनगी खिन ओताते लेमुते कामताङ बात गाङे खिनराङ देत ज्‍युत्‍स्‍यीत सिन ङ्योकोन प्रार्थना खिओ।

हिब्रू 2:18

शैतानगी परी परी खाला लुला पाप खित ज्‍युता छोल्‍जीन थे खोरोङगी आउदी दुक्‍पा भोगे खाबा ओतान। थोगी खित्‍सादु शैतानगी मिला लुला पाप खित ज्‍युता छोल्‍जीन थोक्‍ते मिला येशूकी पाप खिता माफाप्‍च्‍येते शक्ति तेरग्‍यो।