यूहन्‍ना 14:17 - जिरेल

¹⁷ थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो। दि सा लुङबे मिओनगी दिङ सु ईन्‍देरो सिराच्‍योक खाला थेला छ्याःङ वास्‍ता मिक्‍किओ। च्‍यिला सासीन थेबेकी थे सु ईन्‍दे सिन छ्याङ मेस्‍येओ, थेला थोङाङ मुथुबो। तर ख्‍योकोनगीचेन थेला छ्या स्‍येक्‍यो। थे ख्‍योकोनताङ नोमुङ माठाला खाला ख्‍योकोन सेमगी नाङराङ देत्‍क्‍यो।

यूहन्‍ना 14:17 ပူးပေါင်းရင်းမြစ်များ

मत्ती 10:20

च्‍यिला सासीन खेराङगी मेन्‍दाला थेजीन ख्‍योकोन आबा परमेश्‍वर आत्‍मा थे खोरोङगीराङ ख्‍योकोन खानापेई बात खिओ।

यूहन्‍ना 14:16

ख्‍योकोनला सल्‍लाह तेरकान्‍ते ज्‍येनज्‍यीकला थोङ सिन ङा आबाताङ बिन्‍ती खिओ। थे वाला सधैँभरि ख्‍योकोनताङ ङ्योम्‍बुराङ देत्‍क्‍यो।

यूहन्‍ना 14:23

थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

यूहन्‍ना 15:26

आबा ओत्‍सानेकी ङे ख्‍योकोन ओत्‍सामा तोङगो साबाते सल्‍लाह तेरकान्‍ते वानामेकी थेकी ख्‍योकोनला ङा सु ईन्‍दे, ङे च्‍यि खिते सिन लेमु खाला सिओ। थे आबे छ्य्‌वापेईराङ ओङगो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो।

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

१ कोरिन्‍थी 14:15

ङा चुक खिते सासीन ङाराङ आत्‍माला परमेश्‍वर आत्‍मेकी कोता ओता च्‍योकराङ खाला ङाराङ आत्‍मेकीङ प्रार्थना खिओ। ङाराङगी दोक दोक सिन ओत सिरच्‍येते छ्या स्‍येलाङ प्रार्थना खिओ। थोकराङ खाला ङाराङ आत्‍माला परमेश्‍वर आत्‍मेकी कोता ओता च्‍योकराङ खाला ङा ङाराङ आत्‍मेकी लु लिन्‍ग्‍यो थेमे ङाराङगी दोक दोक सिन ओत सिरच्‍येते छ्या स्‍येलाङ लु लिन्‍ग्‍यो।

१ कोरिन्‍थी 2:14

परमेश्‍वर आत्‍मा ङेता मेताते मिओनगीनी परमेश्‍वर आत्‍मेकी लापाते बातओन ङेनराङ मेङेनो। दोक्‍ते बातनी थेबे लाईदु कामराङ लै मिक्‍किच्‍या लेम्‍बे बात च्‍योकका ओङगो। परमेश्‍वर आत्‍मे छ्य्‌वापेईकामा थे बात चुक्‍ते ईन्‍दे सिन छ्या स्‍येबा थुप्‍च्‍येते ईन्‍देकी परमेश्‍वर आत्‍मा ङेता मेताते मिओनगी दोक्‍ते बात छ्याःङ खोबाराङ मुथुबो।

१ कोरिन्‍थी 3:16

ख्‍योकोन खेराङराङ परमेश्‍वर मन्‍दिर ईन थेमे परमेश्‍वर आत्‍मा ख्‍योकोन नाङ देत्‍क्‍यो सिन च्‍यि ख्‍योकोनला छ्या मेत?

१ कोरिन्‍थी 6:19

परमेश्‍वरगी ख्‍योकोनला बिन्‍दाते परमेश्‍वर आत्‍मा ख्‍योकोन नाङ देत्‍क्‍यो। थोगी ख्‍योकोन जीउ परमेश्‍वर आत्‍मे मन्‍दिर ईन सिन च्‍यि ख्‍योकोनला छ्या मेत? थोक ईन्‍देकी ख्‍योकोनगी खेराङ खुशी खिता मेङेदो। परमेश्‍वर ख्‍योकोन मालिक ईन।

२ कोरिन्‍थी 13:5

था ङा च्‍यि सिते सासीन ख्‍योकोनगी खेराङ येशू ख्रीष्‍टला विश्‍वास खिनराङ ओताना मेते सिन विचार खाला तो। खेराङ सेमगी नाङ येशू ख्रीष्‍ट देता ओत सिन ख्‍योकोनला छ्याराङ ओत, मेनरो? खेराङगी थेला विश्‍वास खिता ताङसीनकामा थे ख्‍योकोन सेमगी नाङ मेदेदो।

२ कोरिन्‍थी 6:16

परमेश्‍वर मन्‍दिर ओङगीन सिन्‍दाते मिओन ल्‍हा ल्‍हन्‍डीकताङ चुक खाला डिक्‍पा ओङगीते? ङुरूङनी सोम्‍बोते परमेश्‍वर मन्‍दिर ईन। ङुरूङ थोक्‍ते मि ईन सिन परमेश्‍वरगी थे खोरोङ बातला “ङा थेबाताङ ङ्योम्‍बुराङ देत्‍क्‍यो। दोक खाला ङा थेबे परमेश्‍वर ओङला थेबाला ङाराङ मि ईन सिओ,” साबा ओत।

गलाती 4:6

दोक खाईन ख्‍योकोन थे खोरोङ फुज्‍युङ फुमुराङ ओङा ओतेकी परमेश्‍वरगी ख्‍योकोनला थे खोरोङ फुज्‍युङ आत्‍मा बिन्‍सुङ। ङुरूङ सेमगी नाङ ओताते थे आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

एफिसी 2:22

ज्‍येनतेबा च्‍योकराङ थेत्ताङ जीउज्‍यीकराङ ओङाते ख्‍योकोनोङ दोक खाला जोइन ओताते मन्‍दिर ईन। थे खोरोङ आत्‍मे छ्य्‌वापेई परमेश्‍वर दि मन्‍दिरदु देत्‍क्‍यो।

एफिसी 3:17

थेमे थेला विश्‍वास खाबेकी खित्‍सादु ख्‍योकोन सेमगी नाङ ख्रीष्‍ट देत्‍स्‍यीत सिन प्रार्थना खिओ। थेमे ख्रीष्‍ट ङुरूङला थोई ङिङज्‍ये खित्‍कान्‍ते ईन्‍दे सिन नोमुङ टोक मेज्‍येता खाला जहिलेङ ख्‍योकोनगी ज्‍येनला ङिङज्‍ये खिन देता थुप्‍स्‍यीत।

कलस्‍सी 1:27

ज्‍येन ज्‍येन जातकी मिला चुक अचम्‍ब खाला आशी बिन्‍ला लेमु खिते सिरच्‍येते बात थे खोरोङ सन्‍तानओनगी छ्या स्‍येबा फाप्‍क्‍यो सिन परमेश्‍वरगी थेबाला छ्या स्‍ये च्‍युत्‍कीन बिन्‍सुङ। परमेश्‍वरगी गोमा छ्या स्‍ये च्‍युता मेताते होथे बात च्‍यि ईन्‍दे सासीन ख्रीष्‍टचेन ख्‍योकोन ज्‍येन ज्‍येन जातकी मि सेमगी नाङ देत्‍क्‍यो। थे थोक खाईन ख्‍योकोन सेमगी नाङ देत्‍नामेई परमेश्‍वरगी तिरी ख्‍योकोनला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिरच्‍येते बात पक्‍काराङ दुका सिन आश खाला गुला देता थुप्‍क्‍यो।

२ तिमोथी 1:14

थेमे लोप सिन खोल्‍ला जिम्‍मा बिन्‍दा ओताते बात खुदुक जोला मालोप। ङुरूङ सेमगी नाङ देत्‍कान्‍ते परमेश्‍वर आत्‍मे छ्य्‌वापेई खुई दि काम खिता थुप्‍क्‍यो।

१ यूहन्‍ना 2:27

ख्रीष्‍टकी ख्‍योकोनला बिन्‍दाते परमेश्‍वर आत्‍मा ख्‍योकोनताङ ओत्‍नामेकी सुङगीङ ख्‍योकोनला लोपा माफाबो। खेराङगी छ्या स्‍येबा फाप्‍च्‍येते बात गाङे ख्‍योकोनला थेकीराङ लाप्‍ला तेरग्‍यो। थेकी साँचोते बातकामा लोप्‍क्‍यो। थेकी खेराङला लापा च्‍योकराङ खाला येशू ख्रीष्‍टताङ डिक्‍ला देत।

१ यूहन्‍ना 3:24

परमेश्‍वरगी खि सिन कोताते खित्‍कान्‍ते मिओनचेन थेत्ताङ डिक्‍ला देत्‍क्‍यो। थोक्‍ते मिओनताङ परमेश्‍वर ङ्योम्‍बुराङ देत्‍क्‍यो। परमेश्‍वर ङुरूङताङ ङ्योम्‍बु देत्‍क्‍यो सिन ङुरूङगी चुक खाला छ्या स्‍येकीते? दि बातचेन ङुरूङगी थेकी ङुरूङला बिन्‍दाते थे खोरोङ आत्‍मे छ्य्‌वापेई छ्या स्‍येक्‍यो।

१ यूहन्‍ना 4:4

फिजावे, ख्‍योकोन परमेश्‍वर मि ईन। थे ईनराङ मेन्‍दे बात लोप्‍कान्‍ते मिओन बात सत्‍यते मेन सिन छ्या स्‍येकीन ख्‍योकोनगी थेबाला ग्‍याला ओत। च्‍यिला सासीन दि सा लुङबे मि नाङ काम खित्‍कान्‍ते भन्‍दाचेन ख्‍योकोन सेमदु देत्‍कान्‍ते परमेश्‍वर आत्‍मा छ्ये ईन।

१ यूहन्‍ना 4:6

थेबा थोक्‍ते मि ईन्‍सीनोङ ङुरूङचेन परमेश्‍वर मि ईन। परमेश्‍वरला छ्या स्‍येकान्‍ते मिओनगी ङुरूङ बात ङेन्‍ग्‍यो, थे मि मेन्‍दातेबेकी ङुरूङ बात मेङेनो। होदि बात तालाराङ सु सु सत्‍यते बात खित्‍कान्‍ते ईन्‍दाका थेमे सु सु मेन्‍दे बात खित्‍कान्‍ते ईन्‍दाका सिन लेमु खाला डेला थुप्‍क्‍यो।

१ यूहन्‍ना 5:7

येशू परमेश्‍वर फुज्‍युङ ईन सिन छ्या स्‍येच्‍येते बात सुम ओत।

छ्या स्‍ये च्‍युताते बात 2:17

ङेन्‍दा सेम ओत्‍कान्‍ते मिकी ठाउँ ठाउँला जम्‍मा ओङकान्‍ते येशू ख्रीष्‍ट मिओनला परमेश्‍वर आत्‍मेकी च्‍यि सिन दुका सिन लेमु खाला ङेन। शैतान शक्तिला ग्‍याल्‍कान्‍ते मिला ङा परमेश्‍वरताङ ओताते ब्‍वाकीन ज्‍याक्‍पाते मन्‍न सा तेरग्‍यो। थेमे ङा थेला दो कार्मुज्‍यीक तेरग्‍यो। थे दोला साम्‍बाज्‍यीक मिन टिबा ओङगो। थे दो ङेत्‍कान्‍ते मिकीकामा थेरू टिबाते मिनगी अर्थ खोक्‍यो।