15 ख्योकोनगी ङाला ङिङज्ये खासीन ङे खि सिन कोतातेङ खिओ।
थेमे ङाला भन्दाङ काल्बा आबा आमाला ङिङज्ये खित्कान्ते मिचेन ङे चेला ओङा मुथुबो। थोकराङ खाला दाक्पोन फुज्युङ फुमुलाका काल्बा ङिङज्ये खित्कान्ते मिलाङ ङे चेला ईन सिरा सोई मिक्किओ।
याङराङ येशूकी थेबाला “ख्योकोन आबा परमेश्वर ईन्दा ईन्सीन ख्योकोनगी ङाला ङिङज्ये खित्च्या ओतान। च्यिला सासीन थे ओत्सादुकीराङ ङा दुरू वाबाते ईन। ङा दुरू ङाराङ खुशीकी वाबाते मेन, ङालाचेन थेकीराङ ताङाते ईन।
सुइँदेकी प्रभु येशूला ङिङज्ये मिक्किदुक सासीन थोक्ते मिला परमेश्वरगी सराप तेरस्यीत। स्योक स्योक प्रभु येशू, खो होत्ता स्योक।
च्यिला सासीन येशू ख्रीष्टताङ जीउज्यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्किओ। छ्येते बातचेन थेबेकी येशू ख्रीष्टला विश्वास खाला ज्येनतेबालाङ ङिङज्ये खिकाना मिक्किका सिरच्येतेकामा ईन।
ङुरूङ प्रभु येशू ख्रीष्टला ङिङज्ये खिन देत्कान गाङेला परमेश्वरगी दया खिनराङ देत्स्यीत।
ईन्दानी ख्योकोनगी येशू ख्रीष्टला थोङा मेत। ईन्सीनोङ ख्योकोन थेला ङिङज्ये खिदुक। ख्योकोनगी थेला थरिङोला थोङा मेत्सीनोङ थेला विश्वास खिदुक। थेमे मिकी साला सिरा मुथुप्च्या आउदी खाला गा खिदुक।
दोक्पोईकी ज्येनज्यीकला ङिङज्ये खित्च्या सिराते परमेश्वरगी ङुरूङला खि सिन कोताते ङेन्च्येते ईन। थेकी खि सिन कोतातेचेन दोक्पोईकी ज्येनज्यीकला ङिङज्ये खित्च्येते ईन। दि बात खुई येशूला विश्वास खिता छोमुमेईराङ थोबाते बात ईन।
