यूहन्‍ना 14:10 - जिरेल

¹⁰ आबाताङ ङा दोक्‍पोईराङ ईन सिन च्‍यि खो पत्ते मिक्‍किओ? ङे ख्‍योकोनला साबाते बातओन दोक्‍पोईओङ ङाराङगी जोकीन साबाते मेन। थे बाततेबा गाङे आबेकीका साबाते ईन। थेकीचेन ङे छ्य्‌वापेई थे खोरोङ कामओन खिन ओत।

यूहन्‍ना 14:10 ပူးပေါင်းရင်းမြစ်များ

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 10:38

तर ङेङ आबेकी खित्‍च्‍येते च्‍योक्‍ते काम खित्‍जीनोङ ङा थेराङ दुका सिन ख्‍योकोन पत्ते मिक्‍किओ सासीन ङे खाबाते कामतेबा ताला आबाताङ ङा दोक्‍पोईराङ दुका सिन छ्या स्‍येबा खि,” सिन सिदुक।

यूहन्‍ना 11:26

ङाला विश्‍वास खाला नोमुङ मिसिन्‍च्‍येते जुनी ङेता ओताते मिला कालगी छ्याःङ खिता मुथुबो। च्‍यि खो दि बात पत्ते खिओ?” सिन सिदुक।

यूहन्‍ना 12:49

च्‍यिला सासीन ङे खाबाते बाततेबा ङाराङगी जोकीन खाबाते मेन। ङेनी ङाराङला दुरू तोङकान्‍ते आबेकी कोता कोताते बातकामा खाबाते ईन।

यूहन्‍ना 14:11

आबाताङ ङा दोक्‍पोईराङ ईन सिन ङे साबाते बात पत्ते खि। ङे साबाते बात सेमला मागाल्‍सीनोङ ङे खाबाते कामतेबा ताला ख्‍योकोन दि बात पत्ते खि।

यूहन्‍ना 14:20

ङाला थोङे छोमु आबाताङ ङा दोक्‍पोईराङ दुका, ङा ख्‍योकोन सेमगी नाङ देत्‍च्‍याक्‍वा थेमे ख्‍योकोनोङ ङात्ताङ जीउज्‍यीकराङ ओङा ओताक्‍वा सिन ख्‍योकोनगी लेमु खाला छ्या स्‍येक्‍यो।

यूहन्‍ना 14:24

ङाला ङिङज्‍ये मिक्‍किकान्‍ते मिकीचेन ङे लापाते बात मेङेनो। ङे ख्‍योकोनला लापाते बाततेबा ङाराङगी जोकीन लापाते मेन। दि बातओननी ङाला दुरू तोङकान्‍ते आबेकी सिर च्‍युतातेका ईन।

यूहन्‍ना 17:8

खुई ङाला लापाते बातओन ङे गाङे थेबाला लापाप। थेमे थेबेकी थे बातओन ङेन्‍सुङ। ङा आबा खो ओत्‍सादुईराङ वाबाते दुका सिन थेबेकी लेमु खाईन छ्या स्‍येसुङ। ङाला खुईराङ ताङाते ईन्‍दा मेन्‍दा सिन थेबेकी छ्याःङ शंका माक्‍यासुङ।

यूहन्‍ना 3:2

ङीमाई ग्‍वाका येशू ओत्‍सादु वाकीन थेकी “गुरू, खो पक्‍काराङ परमेश्‍वर बात लोपाला परमेश्‍वरगी ताङाते मि ईन सिन ङ्योकोनला छ्या ओत। च्‍यिला सासीन परमेश्‍वर ङ्योम्‍बु मेत्‍सीन सुङगीङ खुई खाबा च्‍योक्‍ते दोक्‍ते अचम्‍बते काम खिताराङ मुथुबो,” सिन सिदुक।

यूहन्‍ना 5:17

थोक खिताला स्‍यूनामेई येशूकी थेबाला “ङे आबाचेन थरिङोलाङ मिओनला लेमु ओङच्‍येते काम खिनराङ ओत। थेमे ङाङ दोकराङ खिओ,” सिन सिदुक।

यूहन्‍ना 5:19

थेबेकी थोक खिता चाल्‍नामेकी येशूकी थेबाला “ख्‍योकोन दि बात ङेन। च्‍यि सासीन आबेकी चुक खिका सिन माथोङथुप थे फुज्‍युङगी थे खोरोङगीकामा छ्याःङ मिक्‍किओ। आबेकी जे खिदुक थे फुज्‍युङगीङ थेराङ खिओ।

यूहन्‍ना 7:16

थेबे बात थोकीन थेकी “ङे लोप्‍च्‍येते बात ङाराङगी जोकीन खाबाते मेन। दि बाततेबानी ङाला दुरू तोङकान्‍तेकीराङ खित च्‍युताते ईन।

यूहन्‍ना 8:28

थेमे थेकी याङराङ “ख्‍योकोनगी परमेश्‍वर ओत्‍सादुई वाबाते मि ङाला स्‍यिङगी थामला टाँए खानामेकी ङा सु ईन्‍दाका थेमे ङे ङाराङ खुशीकी छ्याःङ मिक्‍किच्‍याक्‍वा बरू आबेकी ङाला लापाते बातकामा खाबाते दुका सिन लेमु खाला छ्या स्‍येक्‍यो।

यूहन्‍ना 8:38

ङाचेन आबाताङ देता ओते बेलाला ङाराङगी थोङाते बात ख्‍योकोनला लाःप्‍क्‍यो। ख्‍योकोनचेन खेराङ आबेकी जे साबा थोकीदुक थे थेराङ खिदुक,” सिन सिदुक।

यूहन्‍ना 8:40

परमेश्‍वरगी सिरजीन ङाराङगी जस्‍तो थोबा ओतान होथे साँचोते बातराङ ङे ख्‍योकोनला लाःपाप। थोक ईन्‍सीनोङ ख्‍योकोननी ङाला सेताका छोल्‍गीदुक। दोक्‍ते मेलेबाते कामनी अब्राहामगी खाबा मेतान।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

२ कोरिन्‍थी 5:19

च्‍यि सासीन ख्रीष्‍टकी खाबाते कामगी खित्‍सादु परमेश्‍वरगी दि सा लुङबे मिओनला थेबेकी खाबाते मेलेबाते कामताङ बातकीते छ्याःङ हर हिसाब मिलिन्‍दा खाईन थे खोरोङताङ डिक्‍पा खित्‍च्‍येते काम खासुङ। थेमे मिओनला थे खोरोङताङ डिक ज्‍युत्‍क्‍यो सिरच्‍येते बात ज्‍येनला लोप्‍च्‍येते कामगी जिम्‍मा थेकी ङ्योकोनला बिन्‍सुङ।

कलस्‍सी 1:19

च्‍यिला सासीन थे खोरोङ जस्‍तो ईन फुज्‍युङोङ होथोकराङ ओङाते थेला लेमु लाबा ओतान। थे खोरोङगी दोक खिता चालेकीराङ थोक ओङाते ईन।

कलस्‍सी 2:9

परमेश्‍वर जस्‍तो ईन ख्रीष्‍टोङ होथोकराङ ईन, मि जुनी लाबा ओत्‍सीनोङ ख्रीष्‍टताङ परमेश्‍वरला छ्याःङ फरक मेत।

१ यूहन्‍ना 5:7

येशू परमेश्‍वर फुज्‍युङ ईन सिन छ्या स्‍येच्‍येते बात सुम ओत।