यूहन्‍ना 14:1 - जिरेल

¹ थेमे येशूकी चेलातेबा गाङेला “ख्‍योकोन पीर माकेत, ज्‍यीबाङ माकेत। परमेश्‍वरला विश्‍वास खिता मातोङ। ङालाङ विश्‍वास खिन देत।

यूहन्‍ना 14:1 ပူးပေါင်းရင်းမြစ်များ

यूहन्‍ना 11:33

मरियम ङुबाते थेमे थेत्ताङ वाबाते यहूदीओनोङ ङुबा थोङजीन येशूलाङ खपेराङ खिता मुथुप्‍च्‍या आउदी मेलेबा लासुङ।

यूहन्‍ना 12:27

थाल्‍ला ङाला आउदी पीर लाला दुक। थेमे च्‍यि ङे ‘आबा, ङाला दोक दुक्‍पा ओङ माज्‍युत,’ सिन सिरच्‍या? अहँ, मेन। दोक खाला दुक्‍पा भोगे खितालाराङ ङा दुरू वाबाते ईन।

यूहन्‍ना 12:44

थेमे येशूकी मि गाङेकी थोच्‍या खाईन “ङाला विश्‍वास खित्‍कान्‍ते मिकीचेन ङालाकामा मेन्‍देकी ङाला दुरू तोङकान्‍तेलाङ विश्‍वास खाबाते ईन।

यूहन्‍ना 13:19

था थोक ओङजीन ख्‍योकोनगी ङाला परमेश्‍वरगीराङ ताङाते दुका सिन छ्या स्‍येस्‍यीत सिनराङ थोक ओङा भन्‍दा गोमाराङ ङे ख्‍योकोनला साबाते ईन।

यूहन्‍ना 16:24

थातासाक ख्‍योकोनगी ङे मिन लाकीन आबाताङ छ्याःङ नाङ खाबा मेत। था ख्‍योकोनगी आबाला नाङ खि। ख्‍योकोनगी नाङ खाबाते ङेत्‍नामेकी छ्याःङ पीर मिक्‍किता खाला ख्‍योकोन आउदी खाला गा खिओ।

यूहन्‍ना 16:3

थेबेकी आबालाङ ङालाङ छ्या मास्‍येबेकीराङ थोक खिओ।

यूहन्‍ना 16:6

ङे दि बाततेबा साबेकी ख्‍योकोन सेम स्‍यिइन सिन्‍दा ओत।

यूहन्‍ना 5:23

आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

२ कोरिन्‍थी 2:7

बरू थाचेन ख्‍योकोनगी थेला माफ बिन्‍ला लेमु खि। थोक खानामेई दिबेकी ङाला थोरूमोङ ङिङज्‍ये खित्‍च्‍याक्‍वा सिन थेकी आँट ङेत्‍क्‍यो। ख्‍योकोनगी थोक माक्‍यासीन था ङाला लेमु खित्‍कान्‍ते सुङ मेताक्‍वा सिन पीर खाला थेकी झन सेम सेत्‍क्‍यो।

एफिसी 1:15

बात दोक दोक ईन्‍देकी ख्‍योकोनगी प्रभु येशूला विश्‍वास खिदुक्‍लो थेमे परमेश्‍वर सन्‍तान गाङेला ङिङज्‍ये खिदुक्‍लो सिरा थोबा छुरनामेई परमेश्‍वरला प्रार्थना खित्‍जीन

२ थिस्‍सलोनिकी 2:2

सुइँदेकी प्रभु येशू ग्‍युरला ओङच्‍येते दिन नाम वाओङा सिन गुला देता माफाबो, थे लेप्‍कीन सिन्‍सुङ सिरजीनमेईराङ थेबे बात ङेन्‍ला दि बात पक्‍काराङ ईन्‍ताकाना च्‍यिन्‍ताका सिन ज्‍यीबेकी आते खाला अलमल्‍ल परे माकेत। थोक सिरकान्‍ते मिओनगी दि बातनी पावलबेकी परमेश्‍वर आत्‍मे छ्य्‌वापेई साबाते ईन सासीनोङ, पावलबा खोपरोङगीराङ साबाते ईन सासीनोङ कि पावलबेकी चिट्ठीला टिबाते बात ईन सासीनोङ थोक्‍ते बात ङेनराङ माङेन।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।