यूहन्‍ना 13:33 - जिरेल

³³ ङे फिजावे, था ङा काल्‍बासाक ख्‍योकोनताङ मेदेदो। थेजीन ख्‍योकोनगी ङाला छोल्‍ग्‍यो। ईन्‍सीनोङ थोङला यहूदीओनते छ्ये छ्ये मिला साबा च्‍योकराङ खाला थाल्‍ला ङा ख्‍योकोनलाङ च्‍यि सिते सासीन ‘ङा डोसादु ख्‍योकोन ओङा मुथुबो।’

यूहन्‍ना 13:33 ပူးပေါင်းရင်းမြစ်များ

यूहन्‍ना 13:36

येशूकी थोक सानामेई शिमोन पत्रुसकी “प्रभु, खो खापा डोच्‍ये?” सिन ठिसुङ। थेमे थेकी “ङा डोसादु खो थरिङ ङात्ताङराङ ड्वा मुथुबो। ईन्‍सीनोङ खो तिरी ङीमाई थेरू लेप्‍क्‍यो,” सिन सिदुक।

यूहन्‍ना 14:19

था टिक्‍पी दिन तिरीमेकी दि सा लुङबे मिओनगी ङाला थोङराङ मोथोङो। ईन्‍सीनोङ ख्‍योकोनगीचेन ङाला थोङगो। ङा सधैँभरि सोन्‍ला देतेकी खित्‍सादु ख्‍योकोनोङ सोन्‍लाराङ देत्‍क्‍यो।

यूहन्‍ना 14:2

ङे आबे खाम्‍बादु देत्‍च्‍येते ठाउँ काल्‍बेई ओत। थोक मेता ईन्‍सीन ङा ओत सिरच्‍या मेतान। ङा ख्‍योकोन लाईदु ठाउँ ठीक खिताला डुइओ।

यूहन्‍ना 7:36

थेमे दिकी ‘ख्‍योकोनगी ङाला खापा गाल्‍ताका सिन छोल्‍ग्‍यो। ईन्‍सीनोङ मेथेबो, ङा गाल्‍सादुनी ख्‍योकोन ओङाराङ मुथुबो,’ सिन च्‍यि साबाते ईन्‍ताका,” सिन खोपरोङ नाङ बात खासुङ।

गलाती 4:19

ङे ङिङज्‍येते फिजावे, सुत्‍केरी बेथा ग्‍यापाते फेम्‍मे मिला च्‍योकराङ ङाला आउदी दुक्‍पा ओङा ओत। च्‍यिला सासीन ख्रीष्‍टकीकामा ख्‍योकोनला थे खोरोङ च्‍योकराङ लेमु ज्‍वा थुप्‍क्‍यो सिन ख्‍योकोन थेला सेमदुकीराङ भर परे खित्‍कान मागालथुप ङा रकस्‍यिकोङ ढुक्‍क खाईन देता थुपा मेत।

१ यूहन्‍ना 2:1

फिजावे, ख्‍योकोनगी पाप मिक्‍किस्‍यीत सिनराङ ङा दि बाततेबा टिगीन ओत। सुइँदेकी दाक पाप खासीनोङ थेला सजाय मातेर सिन ङुरूङ लाईदु आबा परमेश्‍वरताङ बात खाला तेरकान्‍ते मेराज्‍यीक ओत। थेचेन येशू ख्रीष्‍टराङ ईन। थे लेमुते कामताङ बातकामा खित्‍कान्‍ते ईन।

१ यूहन्‍ना 4:4

फिजावे, ख्‍योकोन परमेश्‍वर मि ईन। थे ईनराङ मेन्‍दे बात लोप्‍कान्‍ते मिओन बात सत्‍यते मेन सिन छ्या स्‍येकीन ख्‍योकोनगी थेबाला ग्‍याला ओत। च्‍यिला सासीन दि सा लुङबे मि नाङ काम खित्‍कान्‍ते भन्‍दाचेन ख्‍योकोन सेमदु देत्‍कान्‍ते परमेश्‍वर आत्‍मा छ्ये ईन।

१ यूहन्‍ना 5:21

थोगी फिजावे, ख्‍योकोनगी ल्‍हा लु सिराते माने खिताराङ मेङगो।