यूहन्‍ना 13:23 - जिरेल

²³ थे खोरोङ चेलातेबे नाङ थेते ङिङज्‍येते चेला येशू ठाङनापाला ङेकीन देता ओतान।

यूहन्‍ना 13:23 ပူးပေါင်းရင်းမြစ်များ

लूका 16:22

थोक खिन खिन तिरी लाजरस स्‍यिदुक्‍लो। थेमे परमेश्‍वर दूतओनगी स्‍वर्गने खेरगीन थेला अब्राहाम खादु ज्‍याक्‍तुक्‍लो। थे तिरी थे छ्युक्‍पुते मिङ स्‍यिदुक्‍लो। थेमे खोपरोङ मिकी थेला सासगास खादुक्‍लो।

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

यूहन्‍ना 11:3

लाजरस थोक खाईन नाबेकी आज्‍यीतेबा ङिबोकी “प्रभु, खुई ङिङज्‍ये खित्‍च्‍येते खोरोङ र्‍वा आउदी खाईन नाबा ओत,” सिन येशूला लोन ताङसुङ।

यूहन्‍ना 11:36

थोक खाईन थे ङ्वा थोङजीन थे यहूदीओनगी “उ थोङसुङ, थेकी लाजरसला चुक ङिङज्‍ये खित्‍च्‍या ईन्‍दाका,” सिन सिदुक।

यूहन्‍ना 11:5

येशूकी थेबा पुन सुमकारला ङिङज्‍ये खिन ओतान।

यूहन्‍ना 13:24

थेमे शिमोन पत्रुसकी गुरूला थोक खित्‍कान्‍ते खाङ ईन्‍दे सिन ठिना सिन थेला मिगी चाल खासुङ।

यूहन्‍ना 13:25

पत्रुसकी थोक खानामेई थेकी थे ठाङनापा ङे ङेबालाराङ “प्रभु, खोल्‍ला थोक खित्‍कान्‍ते सु ईन्‍दे?” सिन ठिसुङ।

यूहन्‍ना 19:26

थेमे येशूकी आमातेताङ थे खोरोङते ङिङज्‍येते चेलातेला थेरू थोङगीन आमातेला “आमा, था होथेराङ खोरोङ फुज्‍युङ ईन,” सिन सिदुक।

यूहन्‍ना 20:2

थोक थोङनामेकी थेकी छ्य्‌वाकीन गाल्‍गीन शिमोन पत्रुसताङ येशूते ङिङज्‍येते चेला ओत्‍सादु लेप्‍कीन “थेबेकी फुकदुकी प्रभु येशू रो थेन्‍गीन खेरदुक। थे खापा ज्‍याक खापा, ङ्योकोनगी छ्याःङ छ्या मास्‍येसुङ,” सिन लाःप्‍सुङ।

यूहन्‍ना 21:20

थेमे ख्‍युर ग्‍युरला ताजीन येशूते ङिङज्‍येते चेलाङ थेबे तिरी तिरी ओङगीन ओता पत्रुसकी थोङसुङ। येशूला पक्रे खिते छोमु ग्‍वासे साप सा बेलाला येशू ठाङनापाला ङेला “प्रभु खोल्‍ला धोका तेरकान्‍ते मि खाङ ईन्‍दे सिना,” सिन ठिकान्‍ते चेला होदिराङ ओतान।

यूहन्‍ना 21:24

थे खोरोङ मिगीराङ थोङाते होदि गाङे बात होथे चेलेकीराङ टिबाते ईन। थेकी थोङगीन टिबाते दि बात गाङे साँचोते ईन सिन ङुरूङगी छ्या स्‍येक्‍यो।

यूहन्‍ना 21:7

थेमे येशूते ङिङज्‍येते चेलेकी पत्रुसला “थेनी प्रभु येशूराङ ईन,” सिन सिदुक। “थेनी प्रभु येशूराङ ईन,” सिरा थोबासात्तु पत्रुसकी टोल्‍गीन ज्‍याक्‍पाते लाक्‍तु खोन्‍च्‍येते खोलाक खोन्‍सुङ। थेमे थे डुङ्गादुई छ्युनामाराङ फिरगीन येशू ओत्‍सापाला गाल्‍सुङ।