यूहन्‍ना 13:20 - जिरेल

²⁰ दि बात ङेन। ङे ताङाते मि जो ईन्‍सीनोङ थेला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन,” सिन बात खासुङ।

यूहन्‍ना 13:20 ပူးပေါင်းရင်းမြစ်များ

मत्ती 25:40

थोक सिरजीन थे गेल्‍बोकी थेबाला ‘ङा ख्‍योकोनला च्‍यि सिते सासीन ज्‍येनगी दिङ सु ईन्‍देरो सिराच्‍योक ठाने खाबाते मिओनला ख्‍योकोनगी लेमु खाबाते ङालाराङ लेमु खाबाते ईन। होथोक्‍तेबा दोक्‍पोईलाकामा ईन्‍सीनोङ ख्‍योकोनगी लेमु खाबाते ङे लाईदुराङ खाबा ओतान,’ सिन सिओ।

मर्कूस 9:37

“लो दि फिजाला तो। खोपरोङ ङे मि ईन्‍देकी होदोक्‍ते फिजाज्‍यीकला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङालाकामा मेन, ङाला दुरू तोङकान्‍तेलाङ मान खाबाते ईन,” सिन सिदुक।

लूका 10:16

था ख्‍योकोनगी परमेश्‍वर राज्‍य बात लोप्‍जीन जसकी ख्‍योकोन बात ङेन्‍गीदुक थेकी ङे बातराङ ङेन्‍दाते ईन। थेमे जसकी ख्‍योकोन बात मेङेन्‍दुक थेकीचेन ङे बात माङेन्‍दाते ईन। ङे बात मेङेन्‍कान्‍तेकीचेन ङाला दुरू तोङकान्‍तेकी साबातेङ माङेन्‍दाते ईन,” सिन थेबाला थेरूई ताङसुङ।

लूका 9:48

थेमे चेलातेबाला “लो दि फिजाला तो। खोपरोङ ङे मि ईन्‍देकी दि फिजाला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन। बातचेन दिराङ ईन, ख्‍योकोन नाङ ङा ङाराङ ईन सिराच्‍योक मिक्‍किकान्‍तेराङ छ्येते ईन,” सिन सिदुक।

गलाती 4:14

थेजीन ङा थोक खाईन नाबा ओत्‍सीनोङ ख्‍योकोनगी ङाला छ्यि चुक मेलेबा खाईन नाला दुका सिराच्‍योक माक्‍यासुङ, ङिङमारोङ माक्‍यासुङ। बरू ख्‍योकोनगीनी खेराङ दोन्‍दु परमेश्‍वर दूत वाबा च्‍योकराङ खाईन ङाला लेमु खाबा ओतान। दूत छेतकामा मेन, येशू ख्रीष्‍ट थे खोरोङराङ ख्‍योकोन ओत्‍सादु वाबा छेत खाईन ङाला मान खाबा ओतान।

कलस्‍सी 2:6

येशू ख्रीष्‍टराङ खेराङ मालिक ईन सिन ख्‍योकोनगी थेला विश्‍वास खिताला स्‍यूबा ओत। थोगी थेत्ताङ जीउज्‍यीकराङ ओङाते मिकी काम बात चुक खिता फाप्‍च्‍येते ईन्‍दे ख्‍योकोनगी थोकराङ खिन देत।

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।