यूहन्‍ना 13:18 - जिरेल

¹⁸ दि बात ङे थाल्‍ला ख्‍योकोन गाङेला साबाते मेन। ङा ङाराङगी छाने खाबाते गाङेला छ्या स्‍येक्‍यो। परमेश्‍वर बातला ‘ङात्ताङ ङ्योम्‍बु देत्‍ला सोला थुला खित्‍कान्‍ते मिराङ ङे शत्रु ओङगो,’ सिन टिबा ओत। दि बात साबा च्‍योकराङ ओङगो।

यूहन्‍ना 13:18 ပူးပေါင်းရင်းမြစ်များ

मत्ती 10:36

दोक ओङला थेबे शत्रुनी खोपरोङ खाम्‍बे मिराङका ओङगो।

मत्ती 26:21

सेइन सेइनलाराङ थेकी थेबाला “ङा ख्‍योकोनला बातज्‍यीक सिओ। च्‍यि सासीन ख्‍योकोन नाङ दोक्‍पोईकी था ङाला धोका तेरग्‍यो,” सिन सिदुक।

मत्ती 26:23

थोक खित्‍जीन थेकी “थाल्‍ला भर्खर ख्‍योकोन नाङ दोक्‍पोईकी ङात्ताङराङ पालोईला छाप्‍टो नाङमा स्‍योबेन पाबा ओतानना, ङाला थोक खित्‍कान्‍तेचेन होथेराङ ईन।

मर्कूस 14:17

थेमे नाम स्‍योनामेकी येशूताङ थे चेलातेबा मेरा च्‍युन्‍ङी भोज साप्‍ला ठीकठाक खाबाते खाम्‍बादु लेप्‍सुङ।

मर्कूस 14:18

थेमे थेरू साप सेइन सेइनलाराङ येशूकी थेबाला “ङा ख्‍योकोनला बातज्‍यीक सिओ। च्‍यि सासीन ख्‍योकोन नाङ दोक्‍पोईकी था ङाला धोका तेरग्‍यो। थेचेन थाल्‍ला ङात्ताङ ङ्योम्‍बुराङ देत्‍ला सेइन ओत,” सिन सिदुक।

मर्कूस 14:20

थोक खित्‍जीन थेकी “ख्‍योकोन मेरा च्‍युन्‍ङी नाङ दोक्‍पोई ईन। थेकी थाल्‍ला ङात्ताङ पालोईला छाप्‍टो नाङमा स्‍योबेन पाबा ओत। ङाला धोका तेरकान्‍ते होथेराङ ईन।

लूका 22:21

थेमे बातज्‍यीक च्‍यि सासीन ङाला धोका तेरकान्‍ते मिकीङ दुरू थाल्‍ला ङात्ताङराङ ङ्योम्‍बु देत्‍कीन साप सोबा ओत।

यूहन्‍ना 13:21

दि बात खाईन सिन्‍नामेई थेला आउदी मेलेबा लाबा ओतान। थेमे थेकी “दि बात ङेन। ख्‍योकोन नाङ दोक्‍पोईकी था ङाला धोका तेरग्‍यो,” सिन सिदुक।

यूहन्‍ना 13:22

थोक सानामेई खोपरोङ नाङ थोक खित्‍कान्‍ते खाङ ईन्‍ताका सिन छक्‍क परे खिन चेलातेबा छ्येत छ्येत ताप्‍ला स्‍यूसुङ।

यूहन्‍ना 13:26

थेमे थेकी “लो दि स्‍योबेन टुक्रा छाप्‍टोला पाला ङे जसला तेरगीदुक ङाला धोका तेरकान्‍ते मिचेन होथेराङ ईन,” सिन सिदुक। थेरूई थेकी स्‍योबेन टुक्राज्‍यीक छाप्‍टोला पाकीन च्‍याकीन शिमोन इस्‍करियोत फुज्‍युङ यहूदा इस्‍करियोतला बिन्‍सुङ।

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 15:19

ख्‍योकोनोङ दि सा लुङबे मिराङ ईन्‍दा ईन्‍सीन थेबेकी ख्‍योकोनला खोपरोङ मिला च्‍योकराङ खाला ङिङज्‍ये खित्‍च्‍या ओतान। ख्‍योकोनला ङे थेबे नाङदुई छाने खाबाते ईन्‍देकी ख्‍योकोनचेन दि सा लुङबे मि मेन। थोगीराङ थेबेकी ख्‍योकोनला मिगी थोङसार्मु खिओ।

यूहन्‍ना 15:25

थेबेकी थोक खाबातेचेन परमेश्‍वरगी खोपरोङला बिन्‍दाते नियमला ‘छ्याःङ गल्‍तीराङ मेताला थेबेकी ङाला मिगी थोङसार्मु खासुङ,’ सिन टिबाते बात साबा च्‍योकराङ ओङाला ईन।

यूहन्‍ना 17:12

ङा दुरू दिबाताङ देत देतसाक ङे दिबाला खुई ङाला बिन्‍दाते शक्ति छ्य्‌वापेई जोए खाईन ज्‍याक्‍पाप। नरककुण्‍डमा स्‍यूइओ सिन साबाते मिज्‍यीक बाई ङे सुङलाङ ङाराङ छ्य्‌वापेई ठाल माच्‍युत। ङे दोक खानामेई परमेश्‍वर बातला गोमाका साबाते बात साबा च्‍योकराङ ओङसुङ।

यूहन्‍ना 18:32

थेबेकी थोक सानामेई येशूकी थे खोरोङ चुक खाला स्‍या फाप्‍कीते सिन गोमाका साबाते बात साबा च्‍योकराङ ओङसुङ।

यूहन्‍ना 19:24

थोगी थेबेकी “फाबा दिचेन मोरोल्‍गी, बरू सुला फाप्‍कीका सिन चिट्ठा देइ,” सिन चिट्ठा ग्‍याप्‍सुङ। थेबेकी थोक खानामेई परमेश्‍वर बातला दोक सिन टिबाते बात साबा च्‍योकराङ ओङसुङ। थेरू च्‍यि साबा ओते सासीन “थेबेकी ङे खोलाकतेबा खोपरोङ नाङ गोसुङ, खोलाकज्‍यीकलाचेन चिट्ठा ग्‍याप्‍सुङ,” सिन टिबा ओत। थे मिल्‍टेरीओनगी साँच्‍चीराङ थोकराङ खासुङ।

यूहन्‍ना 19:36

थे मिल्‍टेरीओनगी येशूते काम्‍बा माच्‍याक्‍नामेकी परमेश्‍वर बातला “थेतेचेन रूबाज्‍यीगोङ माछ्यागो,” सिन साबाते बात साबा च्‍योकराङ ओङसुङ।

यूहन्‍ना 21:17

थेमे लोक्‍लाङ थेकी थेला “योआनेस फुज्‍युङ शिमोन, च्‍यि खो ङाला ङिङज्‍ये खिओ?” सिन सिदुक। थोक खाला बाजि सुमसाक “च्‍यि खो ङाला ङिङज्‍ये खिओ?” सिन सिरजीन पत्रुसला मेलेबा लासुङ। थेमे थेकी “प्रभु, खोल्‍ला गाङे बात छ्याराङ ओत। ङे खोल्‍ला ङिङज्‍ये खिओ सिनोङ खोल्‍ला छ्या ओत,” सिन सिदुक। थेमे थेकी “ङे लुकओनला लेमु खाला छो।

यूहन्‍ना 6:70

थेमे थेकी “च्‍यि ङे ख्‍योकोन मेरा च्‍युन्‍ङी गाङेला छाने खाबाते मेनरो? दोक ईन्‍सीनोङ ख्‍योकोन नाङ दोक्‍पोईचेन शैतानराङ ईन,” सिन सिदुक।

शक्ति काम 1:16

“आज्‍यो न्‍वावे, येशूला पक्रे खित ओङकान्‍ते मिओनला थे खाङ ईन्‍दे सिन तेन्‍ला तेरकान्‍ते यहूदाला चुक ओङगीते सिन परमेश्‍वर आत्‍मेकी गेल्‍बो दाऊदला थाङबोका सिर च्‍युता ओतान। परमेश्‍वर बातला साबाते थे बात साबा च्‍योकराङ ओङा फाप्‍सुङ।

शक्ति काम 1:2

नामसाक बात सासीन थे खोरोङगी खटे खाबाते मिओनला था च्‍यि च्‍यि खिता फाप्‍कीते सिन परमेश्‍वर आत्‍मे छ्य्‌वापेई लाप्‍कीन बिन्‍नामेई परमेश्‍वरगी थे खोरोङला स्‍वर्गने खेरे छोमुसाक बाततेबा ङे थे किताबलाराङ टिबा ओत।

२ कोरिन्‍थी 4:5

थेमे ङ्योकोन ज्‍येनगी ङेराङला आउदी लेमु मि दुका सिरस्‍यीत सिन दि बात लोप्‍च्‍येते मेन। येशू ख्रीष्‍टराङ छ्ये ईन, थेराङ गाङेते मालिक ईन सिन ङ्योकोन मिओनला लोप्‍क्‍यो। थोक ईन्‍देकी ङ्योकोनचेन थेला मान खिन ख्‍योकोन काम खित्‍कान्‍ते मि च्‍योकराङ ईन।

हिब्रू 4:13

परमेश्‍वरताङ छ्याक्‍ला ईप्‍ला सुङगीङ छ्याःङ खिता मुथुबो। सा नाम खाङ नाम खापा च्‍यि ओङगीन दुका, सुई च्‍यि खिका सिन थेकी गाङे थोङला छ्या स्‍येक्‍यो। थेमे ङीमा लेनज्‍यीक मि गाङेकी दाक्‍पोनगी खाबाते लेमु मेलेबा गाङे कामताङ बातकी हर हिसाब थेला तेरा फाप्‍क्‍यो।

छ्या स्‍ये च्‍युताते बात 2:23

थोकराङ खाला थे फिजा च्‍योकराङ ओङला थे बात ङेन्‍कान्‍ते मिओनलाङ ङा आउदी मेलेबाते रोग लै खित च्‍युत्‍ला स्‍यिर ज्‍युत्‍क्‍यो। दोक ओङा थोङनामेकी मि सेमगी बात गाङे छ्या स्‍येकान्‍ते ङाराङ दुका सिन ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी छ्या स्‍येक्‍यो। ङा ख्‍योकोन काम ताला लेमु खाबा ओत्‍सीन लेमु, मेलेबा खाबा ओत्‍सीन मेलेबाराङ खिओ।