यूहन्‍ना 12:48 - जिरेल

⁴⁸ सुइँदेकी ङाला परमेश्‍वरगी ताङाते मेन सिन खिदुक सासीन थेमे ङे साबाते बात मेङेन्‍दुक सासीन थेला न्‍याय खित्‍कान्‍ते ओत्‍कीन ओत। थोक्‍ते मिला था न्‍याय खिते छोमु थरिङोला ङे लापाते बात ताला थोक्‍ते मि दोषी ईन सिन सजाय तेरग्‍यो।

यूहन्‍ना 12:48 ပူးပေါင်းရင်းမြစ်များ

मत्ती 10:15

ङा ख्‍योकोनला च्‍यि सिते सासीन थाङबो सदोमताङ गमोरा सारगी मिओनगी आउदी मेलेबा मेलेबा काम खाबा ओत्‍सीनोङ था तिरी परमेश्‍वरगी न्‍याय खिते छोमु थेबाला भन्‍दाङ छ्येज्‍यीक सजायनी होथोक्‍ते ठाउँकी मिओनलाका तेरग्‍यो।

मत्ती 21:42

थेबेकी थोक सानामेई येशूकी “च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ। प्रभु परमेश्‍वरगीराङ थे दोला दोक जोबाते ईन। थेकी थोक अचम्‍ब काम खाबाते ङ्योकोनगी थोङा ओत,’ सिन टिबा ओत।

मत्ती 25:31

थेमे परमेश्‍वर ओत्‍सादुई वाबाते मि था तिरी छ्येज्‍यीक शक्ति ङेत्‍ला गेल्‍बो ओङला परमेश्‍वर दूत गाङेताङ दुरू ग्‍युरला वाला गेल्‍बो देत्‍च्‍येते सिंहासन लाक्‍तु देत्‍क्‍यो।

मर्कूस 12:10

च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ।

मर्कूस 16:16

दि बात ङेन्‍ला ङाला विश्‍वास खाला बप्‍तिस्‍मा लिन्‍कान्‍ते मिला परमेश्‍वरगी पापकी सजायदुकी डेल्‍ग्‍यो। दि बात मेङेन्‍कानताङ ङाला विश्‍वास मिक्‍किकान्‍तेलाचेन परमेश्‍वरगी पापकी सजाय तेरग्‍यो।

मर्कूस 8:31

थेमे दि तिरीमेकीचेन येशूकी चेलातेबाला “था परमेश्‍वर ओत्‍सादुई वाबाते मि ङे आउदी दुक्‍पा भोगे खिता फाप्‍क्‍यो। यहूदी छ्ये छ्ये मि, छ्ये छ्ये पूजारी थेमे धर्मे गुरूओनगी ङाला परमेश्‍वरगी ताङाते ईनराङ मेन सिन सिओ। थेमे सेदोङ ज्‍युत्‍क्‍यो। तर ङीमा सुम तिरी ङा सोम्‍बो लोइओ,” सिन थे खोरोङला ओङच्‍येते बाततेबा लाःपाला स्‍यूसुङ।

लूका 10:16

था ख्‍योकोनगी परमेश्‍वर राज्‍य बात लोप्‍जीन जसकी ख्‍योकोन बात ङेन्‍गीदुक थेकी ङे बातराङ ङेन्‍दाते ईन। थेमे जसकी ख्‍योकोन बात मेङेन्‍दुक थेकीचेन ङे बात माङेन्‍दाते ईन। ङे बात मेङेन्‍कान्‍तेकीचेन ङाला दुरू तोङकान्‍तेकी साबातेङ माङेन्‍दाते ईन,” सिन थेबाला थेरूई ताङसुङ।

लूका 17:25

तर दि भन्‍दा गोमाचेन ङे आउदी दुक्‍पा भोगे खिता फाप्‍क्‍यो। था मिओनगी दिला परमेश्‍वरगी ताङाते ईनराङ मेन साला ङाला आउदी मेलेबा खिओ।

लूका 20:17

थेबेकी थोक सिरजीन येशूकी “थोक सासीन परमेश्‍वर बातला दोक सिन टिबाते च्‍यि साबाते ईन्‍दे ओना? थेरू चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ,’ सिन साबा ओत।

लूका 7:30

फरिसी पाटी मिओनताङ धर्मे गुरूओनगीचेन यूहन्‍ने बादोङ ङेन्‍दा मेतान, बप्‍तिस्‍माङ लाबा मेतान। थेबेकी यूहन्‍ने बात ङेन्‍दा ईन्‍सीन परमेश्‍वरगी खिता चाला च्‍योकराङ खाला थेबाला लेमु खित्‍च्‍या ओतान। थेबेकी माङेन्‍देकीराङ परमेश्‍वरगी थेबाला लेमु खिता माथुप्‍सुङ।

लूका 9:22

थोरूमोङ बात खिन येशूकी थेबाला “परमेश्‍वर ओत्‍सादुई वाबाते मि ङे आउदी दुक्‍पा भोगे खिता फाप्‍क्‍यो। यहूदी छ्ये छ्ये मि, छ्ये छ्ये पूजारी थेमे धर्मे गुरूओनगी ङाला परमेश्‍वरगी ताङाते ईनराङ मेन सिन सिओ। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन सिदुक।

लूका 9:26

थेमे सुइँदेकी ङे मि ईन सिराला ङोचा खिदुक थेमे ङे बात मेङेन्‍दुक सासीन परमेश्‍वर ओत्‍सादुई वाबाते मि ङाङ तिरी छ्येज्‍यीक शक्ति ङेत्‍ला ग्‍युरला ओङजीन थोक्‍ते मिला ङो मेस्‍येओ सिन सिओ। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला थे दूतओनताङ दुरू ग्‍युरला ओङगो।

यूहन्‍ना 11:24

थोक सिरजीन मार्थेकी “ईन स्‍याप्‍ते मिओन सोम्‍बो लोक्‍जीन था तिरी थेङ सोम्‍बो लोइओ सिन ङाला छ्या ओत,” सिन सिदुक।

यूहन्‍ना 5:45

आबे दोन्‍दु ङे ख्‍योकोन दोषी ईन सिन सितासीन सिन विचार माकेत। ङ्योकोनलानी मोशेकी परमेश्‍वर नियम लेमु खाला ङेन्‍कान ईन सिओ सिन आश खाईन देता ओत्‍सीनोङ आबे दोन्‍दुनी ङे मेन, होथे मोशेकीका ख्‍योकोन दोषी ईन सिन सिओ।

यूहन्‍ना 6:39

ङाला दुरू तोङकान्‍तेकी खिता चालाते कामचेन थे खोरोङगी ङे लाःक्‍तु जिम्‍मा बिन्‍दाते जति सुङलाङ ङाराङ छ्य्‌वापेई ठाल मुज्‍युत्‍च्‍येते थेमे न्‍याय खिते छोमु थेबाला सोम्‍बो लोक्‍च्‍येते ईन।

यूहन्‍ना 8:47

परमेश्‍वरताङ डिक्‍कान्‍ते मिकीचेन थेकी साबाते बात ङेन्‍ग्‍यो। ख्‍योकोन थेत्ताङ डिक्‍कान्‍ते मि मेन्‍देकीराङ ख्‍योकोनगी थे बात ङेनराङ मेङेन्‍दुक,” सिन सिदुक।

शक्ति काम 17:31

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

शक्ति काम 3:23

थे बात मेङेन्‍कान्‍ते मिचेन परमेश्‍वर मिओनताङ देताराङ मेङेदो,’ सिन साबा ओतान।

रोमी 2:16

ङे साबाते बातओन दोकराङ ईन सिन था तिरी न्‍याय खिते छोमु छ्या स्‍येक्‍यो। थे छोमु परमेश्‍वरगी मि गाङे सेमगी बात खाङ लेमु ईन्‍दे, खाङ मेलेबा ईन्‍दे सिन येशू ख्रीष्‍टला डेल च्‍युत्‍ला न्‍याय खित ज्‍युत्‍क्‍यो। था ङीमाई दोक ओङगो सिनचेन ङे लोप्‍कीन ओताते गा लाङच्‍येते बातला साबा ओत।

२ कोरिन्‍थी 4:3

ङ्योकोनगी थोक खाईन लापाते गा लाङच्‍येते बात छ्याःङ खोबा मेत सिन सुइँदेकी खिदुक सासीन थोक्‍तेबाचेन पापकी सजाय ङेत्‍ला नरककुण्‍डमा स्‍यूक्‍कान्‍ते मिराङ ईन।

२ थिस्‍सलोनिकी 1:8

परमेश्‍वरला माने मिक्‍किकान्‍ते थेमे ङुरूङ प्रभु येशूते गा लाङच्‍येते बात मेङेन्‍कान्‍ते मिओनला थेबेकी ङेता फाप्‍च्‍येते सजाय तेरग्‍यो।

हिब्रू 10:25

थेमे कोई कोईकी गाङेराङ जम्‍मा ओङसाला ड्वा ताङला दुक। दोक खिता मेङगो। प्रभु येशू ग्‍युरला ओङच्‍येते दिन था काल्‍बेई बाँकी मेत सिन ङुरूङला छ्या ओतेकी बरू ङुरूङगी गाङेराङ जम्‍मा ओङला परमेश्‍वरला विश्‍वास खिनराङ देताला दोक्‍पोईकी ज्‍येनज्‍यीकला आँट तेरा फाप्‍क्‍यो।

हिब्रू 12:25

थोगी ख्‍योकोनगी परमेश्‍वरगी साबाते बातला नामज्‍योक सेत। थेकी दुरू साबाते बातला नामज्‍योक मेसेत्‍कान्‍ते मिओनगीनी सजाय ङेता ओतान सासीन थेकी स्‍वर्गनेकी साबाते बात ङुरूङगी ङेन्‍दा ताङसीन च्‍यि झन ङुरूङ उम्‍के खिओतरो?

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।

हिब्रू 4:12

च्‍यिला सासीन परमेश्‍वर बातकी छ्य्‌वापेई मिओनगी जुनी ङेत्‍क्‍यो। दि बातकी छ्य्‌वापेकी परमेश्‍वरगी मि नाङ काम खिओ। ठाउँ ङिकारपा धार खाबाते आउदी नोम्‍बोते तरवारगी मिला रोपे खासीन दोन्‍नापेई ल्‍हाकनापासाकराङ फोत तोला थुप्‍क्‍यो थेमे रूबाताङ जोर्नीतेबा टाल्‍ला नाङदु ओताते काङ समेत देन्‍दा थुप्‍क्‍यो। होदोक्‍ते तरवार भन्‍दाङ परमेश्‍वर बातकी छ्य्‌वापेई परमेश्‍वरगी खित्‍च्‍येते काम खापान खापान छ्ये ईन। दि बातकी छ्य्‌वापेईराङ सुइँदेकी खाबाते कामताङ बात मिकी दाक्‍पोनगी खाबाते ईन्‍दाना परमेश्‍वर आत्‍मेकी खित च्‍युताते ईन्‍दे सिन डेला थुप्‍क्‍यो थेमे सुई च्‍यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्‍क्‍यो।

१ पत्रुस 1:5

ख्‍योकोनगी प्रभु येशूला विश्‍वास खितेकी खित्‍सादु था दि जुग सिन्‍दे खाला ख्‍योकोनला पूरो खाला पापदुकी टाल्‍ला स्‍वर्गने खेरच्‍येते समय ओङ ओङसाकराङ परमेश्‍वरगी थे खोरोङ शक्तिकी ख्‍योकोनला मेलेबा काम खित्‍से छ्य्‌वापेई जोए खाला ज्‍य्‌वाक्‍यो।

२ पत्रुस 3:3

दि बातज्‍यीक ख्‍योकोनगी लेमु खाला छ्या स्‍येबा खि। च्‍यि सासीन येशू ख्रीष्‍ट दुरू ग्‍युरला ओङा भन्‍दा गोमाचेन दाक्‍पोन खुशी खिन मेलेबा मेलेबा काम खित्‍कान्‍ते मिओनगी ख्‍योकोन खिस्‍यी खिन

२ पत्रुस 3:7

थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।