यूहन्‍ना 12:46 - जिरेल

⁴⁶ ङाला विश्‍वास खित्‍कान सुङ मुन्‍दाकला देता माफाप्‍स्‍यीत सिन स्‍वर्गे नाम्‍दाक ङा दि सा लुङबादु वाबाते ईन।

यूहन्‍ना 12:46 ပူးပေါင်းရင်းမြစ်များ

मत्ती 4:16

थेबा पापताङ लोभकी खाङाते मुन्‍दाकते ठाउँदु देता ओतान। थानी थेबेकी स्‍वर्गनेई वाबाते जोदाज्‍यीक नाम्‍दाक थोङा ङेत्‍सुङ। मुन्‍दाकते ठाउँदु देत्‍कीन स्‍याप छेतराङ गाला ओताते मिओनगी नाम्‍दाक छ्याङे गाला थोङसुङ,” सिन साबा ओतान।

लूका 2:32

दि वाबेकी खित्‍सादु था ज्‍येन ज्‍येन जातकी मिकी परमेश्‍वर खुई दया खाला पापताङ दुक्‍पादुकी डेल्‍ग्‍यो सिन छ्या स्‍येक्‍यो। थेमे खुई छाने खाबाते इस्राएली ङ्योकोनगी मान ङेत्‍क्‍यो,” सिन बात खासुङ।

यूहन्‍ना 1:9

थे नाम्‍दाक सिराते पक्‍काराङ स्‍वर्गनेकी वाबाते ईन। थेमे दि सा लुङबे मि नाङ वाला गाङेला नाम्‍दाक तेरकान्‍ते थेराङ ईन।

यूहन्‍ना 3:19

स्‍वर्गे नाम्‍दाक दि सा लुङबादु वाबा ईन्‍सीनोङ मिओन मेलेबा कामकामा खित्‍कान ईन्‍देकी नाम्‍दाक भन्‍दा थेबेईचेन मुन्‍दाकराङ मन परे खासुङ। थोगीराङ थेबेकी सजाय ङेत्‍च्‍येते ईन।

यूहन्‍ना 8:12

येशूकी लोईन मिओनताङ बात खिन “दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन। ङे बात ङेन्‍ला ङे साबाच्‍योक खित्‍कान्‍ते सुङ नोमुङ मुन्‍दाकला ख्‍याम्‍बा माफाबो। थेकीचेन ङे छ्य्‌वापेकी जुनी ङेत्‍च्‍येते नाम्‍दाक ङेत्‍क्‍यो,” सिन सिदुक।

यूहन्‍ना 9:39

थेमे येशूकी “मोथोङकान्‍ते मिओनगी स्‍वर्गे नाम्‍दाक थोङा थुप्‍स्‍यीत थेमे लेमु खाला थोङगीदुक सिरकान्‍तेबाचेन अन्‍ध ईन सिन छ्या स्‍ये ज्‍युताला ङा दुरू वाबाते ईन,” सिन सिदुक।

यूहन्‍ना 9:5

दि सा लुङबादु देत देतसाक दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन,” सिन सिदुक।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

एफिसी 5:14

नाम्‍दाककी खित्‍सादुराङ थोक खाला थेबाङ मुन्‍दाकदुकी ठाल्‍ला नाम्‍दाकला देता ङेत्‍क्‍यो। थोगीराङ “ङ्याला ओतातेबा ङिक छेत्‍ला स्‍याप छेतराङ गाल्‍सादुकी ल्‍वा थेमे ख्रीष्‍टकी ख्‍योकोनला नाम्‍दाकला देत ज्‍युत्‍क्‍यो,” सिन सिरच्‍येते ईन।