यूहन्‍ना 12:42 - जिरेल

⁴² ईन्‍दाका येशूकी खाबाते अचम्‍बते कामतेबा थोङनामेई यहूदीओनते छ्ये छ्ये मि नाङ काल्‍बेईकी थेला विश्‍वास खासुङ। ईन्‍सीनोङ फरिसी पाटी मिओनगी खोपरोङला मिटिङ खित्‍च्‍येते खाम्‍बादु स्‍यूक्‍पा मेङेत्‍च्‍या खाला तेन्‍ला तोङगीता सिन ज्‍यीबेकी खोपरोङगी थेला विश्‍वास खिताला स्‍यूबाते बात सुङलाङ मालाःप्‍सुङ।

यूहन्‍ना 12:42 ပူးပေါင်းရင်းမြစ်များ

मत्ती 10:32

दि बात ङेन। च्‍यि सासीन ज्‍येनगी दोन्‍दु ङा येशूला विश्‍वास खित्‍कान्‍ते मि ईन सिन सिरकान्‍तेला स्‍वर्गने ओताते आबे दोन्‍दु ङाङ था तिरी दि ङे मि ईन सिन सिओ।

लूका 12:8

दि बात ङेन। ज्‍येनगी दोन्‍दु ङा येशूला विश्‍वास खित्‍कान्‍ते मि ईन सिन सिरकान्‍तेला परमेश्‍वर ओत्‍सादुई वाबाते मि ङाङ था तिरी परमेश्‍वर दूतओन दोन्‍दु दि ङे मि ईन सिन सिओ।

लूका 23:13

येशूला थे खोरोङ ओत्‍सादु क्‍याल्‍नामेकी पिलातसकी छ्ये छ्ये पूजारी, यहूदीओन छ्ये छ्ये मि थेमे ज्‍येन ज्‍येनोङ यहूदीला रूसुङ।

लूका 6:22

थेमे परमेश्‍वर ओत्‍सादुई वाबाते मि ङाला विश्‍वास खाबेकी खित्‍सादु ज्‍येनगी ख्‍योकोनला मिगी थोङसार्मु खिओ। ख्‍योकोनला खाम्‍बाताङ युलदुकी देन्‍ग्‍यो। थेबेकी ख्‍योकोनला नाना-भाँती दोष लै खिओ, मेलेबा मि ईन सिन सिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

यूहन्‍ना 11:45

मरियम खाम्‍बादु वाबाते काल्‍बा च्‍योक्‍ते यहूदीओनगी येशूकी खाबाते दि काम थोङगीन थेला विश्‍वास खासुङ।

यूहन्‍ना 12:11

च्‍यिला सासीन थेला सोम्‍बो लोक्‍नामेईराङ काल्‍बा च्‍योक्‍ते यहूदीओनगी थेबे बात ङेन्‍दा ताङगीन येशूला विश्‍वास खिताला स्‍यूबा ओतान।

यूहन्‍ना 16:2

था खेराङ छ्ये छ्ये मिकी ख्‍योकोनला मिटिङ खित्‍च्‍येते खाम्‍बादु ओङा मेङेत्‍च्‍या खाला तेन्‍ला तोङगो। सिइ सासीन दोक्‍ते बेलाङ ओङगो। चुक सासीन ख्‍योकोनला सेत्‍कान्‍ते मिकीनी परमेश्‍वरला मन परे खित्‍च्‍येते कामका खिन ओत सिन विचार खिओ।

यूहन्‍ना 19:38

थेरू थोक थोक ओङगीन सिन्‍नामेकी अरिमाथियापे यूसुफकी वाकीन येशू रो खेरा नाङ सिन पिलातसला बिन्‍ती खासुङ। यूसुफोङ येशूला विश्‍वास खिन ओतान। ईन्‍सीनोङ यहूदीओन छ्ये छ्ये मि ज्‍यीबेकी थेकी दि बात सुङलाङ लाःपा मेतान। थेमे पिलातसकी खेर सिन सानामेई थेकी येशू रो तेगीन खेरसुङ।

यूहन्‍ना 3:2

ङीमाई ग्‍वाका येशू ओत्‍सादु वाकीन थेकी “गुरू, खो पक्‍काराङ परमेश्‍वर बात लोपाला परमेश्‍वरगी ताङाते मि ईन सिन ङ्योकोनला छ्या ओत। च्‍यिला सासीन परमेश्‍वर ङ्योम्‍बु मेत्‍सीन सुङगीङ खुई खाबा च्‍योक्‍ते दोक्‍ते अचम्‍बते काम खिताराङ मुथुबो,” सिन सिदुक।

यूहन्‍ना 7:13

थोक ईन्‍सीनोङ यहूदीओनते छ्ये छ्ये मि ज्‍यीबेकी खित्‍सादु सुङगीङ गाङेकी थोच्‍या खाला बात खिन मेतान।

यूहन्‍ना 7:31

कोईकी थोक खासीनोङ थेरू ओताते मि काल्‍बेईकी येशूला विश्‍वास खासुङ। थेबेकी “च्‍यि था ख्रीष्‍ट वानामेई थेकी दि मिकी खाबाते भन्‍दा छ्ये छ्ये अचम्‍बते काम खाओङरो?” सिन बात खासुङ।

यूहन्‍ना 9:22

जो जसकी येशूला परमेश्‍वरगी तोङगो साबाते ख्रीष्‍ट ईन खिदुक, थेबा सुङलाङ मिटिङ खित्‍च्‍येते खाम्‍बादु स्‍यूक्‍पा मेङेत्‍च्‍या खाला तेन्‍ला तोङगो सिन यहूदीओनते छ्ये छ्ये मिकी गोमाका साबा ओतेकी थेबाला ज्‍यीबा लाबा ओतान।

यूहन्‍ना 9:34

थोक सिरजीन थेबेकी “खोनी केजीनमेईराङ पापदु नुपा ओतान। खोङ ङ्योकोनला च्‍यि लोपा छोल्‍गीते?” सिन सिदुक। थेमे थेबेकी थेला मिटिङ खित्‍च्‍येते खाम्‍बे नाङ स्‍यूक्‍पा मेङेत्‍च्‍या खाईन तेन्‍गीन ताङसुङ।

शक्ति काम 5:41

ताङनामेई थेबाचेन “ङुरूङ चुक भाग्‍यमानी ईन्‍दे। च्‍यिला सासीन परमेश्‍वरगी ङुरूङला प्रभु येशू लाईदु दुक्‍पा भोगे खित्‍च्‍ये मौका बिन्‍सुङ,” सिन गा खिनकामा बात खिन गाल्‍सुङ।

रोमी 10:10

च्‍यिला सासीन थेला पक्‍काराङ विश्‍वास खित्‍कान्‍ते मिओनला थेकी दोषी मेन सिओ। थेमे ज्‍येनगी दोन्‍दु प्रभु येशूराङ छ्ये ईन सिन सिरकान्‍तेबाला परमेश्‍वरगी पापकी सजाय मेतेरो।

१ यूहन्‍ना 4:15

येशूला परमेश्‍वर फुज्‍युङ ईन सिन सिरकान्‍ते मित्ताङ परमेश्‍वर ङ्योम्‍बु देत्‍क्‍यो। थेमे होथोक्‍ते मिचेन परमेश्‍वरताङ डिक्‍ला देत्‍क्‍यो।

१ यूहन्‍ना 4:2

सुइँदेकी सिरच्‍येते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन ङुरूङगी लेमु खाला डेला थुप्‍क्‍यो। चुक खाला सासीन येशू ख्रीष्‍ट मि जुनी लाकीन केबाते ईन सिन सिरकान्‍ते मिकीचेन परमेश्‍वर आत्‍मेकी सिर च्‍युताते बात खाबाते ईन।