यूहन्‍ना 12:37 - जिरेल

³⁷ येशूकी खोपरोङ मिगी दोनगी नाङलाराङ अचम्‍बते काम काल्‍बेई खाबा ईन्‍सीनोङ यहूदीओनगी थेला विश्‍वास माक्‍यासुङ।

यूहन्‍ना 12:37 ပူးပေါင်းရင်းမြစ်များ

मत्ती 11:20

येशूकी कोई कोई सारगी नाङला अचम्‍बते काम काल्‍बेई खाबा ओतान। थोक ईन्‍सीनोङ थे सारगी मिओनचेन खोपरोङ पापी दुका सिन छ्या स्‍येला परमेश्‍वर छ्य्‌वापा लै माक्‍यासुङ। थोगी थेबाला चुक मेलेबा ओङगीते सिन येशूकी दोक सिन बात खिताला स्‍यूसुङ।

लूका 16:31

थेमे अब्राहामगी थेला ‘थेबेकी मोशा थेमे परमेश्‍वर बात खित्‍कान्‍ते मिओनगी साबाते बात माङेन्‍सीन सुइँदा स्‍याप्‍ते मि सोम्‍बो लोगीन गाल्‍गीन साबाते बातओनोङ मेङेनो,’ सिन सादुक्‍लो,” सिन सिदुक।

यूहन्‍ना 1:11

दाक्‍पोन लुङबाताङ मि नाङ देताला ओङजीन दाक्‍पोन मिओनगीराङ दिङ सु ईन्‍देरो सिराच्‍योक खाईन थेला वास्‍ता माक्‍यासुङ।

यूहन्‍ना 11:42

आबा खुई सधैँ ङे बिन्‍ती ङेन्‍ग्‍यो सिन ङाला छ्या ओत। ईन्‍सीनोङ थाल्‍ला दुरू ङे फेरोला ओताते मिओनगी ङाला आबा खुईराङ ताङाते दुका सिन छ्या स्‍येला ङाला विश्‍वास खित्‍स्‍यीत सिन दोक साबाते ईन,” सिन सिदुक।

यूहन्‍ना 12:36

स्‍वर्गे नाम्‍दाक खेराङताङ ङ्योम्‍बु ओत्‍केलाराङ ख्‍योकोन थे नाम्‍दाक छ्य्‌वापा लै खि। दोक खासीन ख्‍योकोनचेन नाम्‍दाकला ख्‍याम्‍कान्‍ते मि ओङगो,” सिन सिदुक। दि बाततेबा खाईन सिन्‍नामेकी येशू थेरूई गाल्‍सुङ। थेमे मिओनगी मोथोङस्‍यीत सिन थेङला खापाङ माथेन्‍सुङ।

यूहन्‍ना 12:38

थेबेकी थोक खानामेई परमेश्‍वर बात खित्‍कान्‍ते यशैयेकी “प्रभु परमेश्‍वर, ङ्योकोनगी साबाते बात गाङेकी थोसीनोङ सुई नामज्‍योक सेत्‍सुङारो? थेमे खुई छ्ये छ्ये काम खाईन तेन्‍सीनोङ प्रभु परमेश्‍वर खोत्ताङ चुक छ्येज्‍यीक शक्ति ओता ईन्‍दाका सिन सुई छ्या स्‍येसुङारो?” सिन टिबाते बात साबा च्‍योकराङ ओङसुङ।

यूहन्‍ना 15:24

ङे थातासाक सुङगीङ खिता माथुपाते कामतेबा थेबे ङोन्‍लाराङ खाईन तेन्‍दाप। ङे थोक खाबाते छ्याःङ थोङा मेत्‍सीनचेन थेबेकी पाप खाबाते ईन सिन सिरा ओङच्‍या मेतान। तर थेबेकीनी ङे खाबाते काम गाङे थोङसीनोङ ङात्ताङ ङे आबा ङ्योकोन ङिकारला मिगी थोङसार्मु खिदुक।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।

यूहन्‍ना 6:2

थे थेपा ड्वा थोङगीन मि काल्‍बेई थे तिङ ङ्याकीन गाल्‍सुङ। च्‍यिला सासीन थेबेकी येशूकी नाबाते मिओनला ठाक्‍पा खाबाते अचम्‍ब अचम्‍बतेन्‍दे काम थोङा ओतान।