यूहन्‍ना 12:36 - जिरेल

³⁶ स्‍वर्गे नाम्‍दाक खेराङताङ ङ्योम्‍बु ओत्‍केलाराङ ख्‍योकोन थे नाम्‍दाक छ्य्‌वापा लै खि। दोक खासीन ख्‍योकोनचेन नाम्‍दाकला ख्‍याम्‍कान्‍ते मि ओङगो,” सिन सिदुक। दि बाततेबा खाईन सिन्‍नामेकी येशू थेरूई गाल्‍सुङ। थेमे मिओनगी मोथोङस्‍यीत सिन थेङला खापाङ माथेन्‍सुङ।

यूहन्‍ना 12:36 ပူးပေါင်းရင်းမြစ်များ

मत्ती 21:17

थोक साकीन च्‍याकीन थेबाला ताङगीन थे थेरूकी बेथानीपा गाल्‍सुङ। थेमे थे छोमु थेरूराङ स्‍यासा देत्‍सुङ।

मत्ती 5:14

दि सा लुङबे मि दोन्‍दु नाम्‍दाक सिरातेङ ख्‍योकोनराङ ईन। बोमगी लाक्‍तु जोबाते सार गाङेपेकी गाङेकी थोङगो।

लूका 16:8

थेकी चुक चुक खाका सिरच्‍येते दि बात गाङे थाहा छ्येत्‍नामेकी धनीतेकी थेला ‘बिई, खुई चुक च्‍याङबो खाका। ङा ओत्‍सादुई थेन्‍नामेई खोल्‍ला था थे मिओनगीराङ सोइओ,’ सिन सादुक्‍लो। दि जुनी विचारकामा खित्‍कान्‍ते मिओनगी खोपरोङ काम आउदी च्‍याङबो खाला खिओ। बरू परमेश्‍वर बात ङेन्‍कान्‍ते मिओनगीङ दोक च्‍याङबो खाला काम खिता मेस्‍येओ।

यूहन्‍ना 1:7

वाकीन यूहन्‍नेकीचेन थे नाम्‍दाक सिराते सु ईन्‍दे, थेकी च्‍यि खिते सिन मिओनला लाप्‍सुङ। थेकी लापाते बात थोला थे नाम्‍दाक सिरातेला मि गाङेकी विश्‍वास खित्‍स्‍यीत सिनराङ परमेश्‍वरगी यूहन्‍नाला ताङा ओतान।

यूहन्‍ना 11:54

थोगी येशू गाङेकी थोङच्‍या खाईन यहूदिये अञ्‍चल नाङला माख्‍याम्‍सुङ। थे थेरूकी एफ्राइम सिराज्‍यीक युलनापा गाल्‍गीन चेलातेबाताङ थेरूराङ देत्‍सुङ। थे युलचेन री खादुराङ फाप्‍कीन ओतान।

यूहन्‍ना 12:37

येशूकी खोपरोङ मिगी दोनगी नाङलाराङ अचम्‍बते काम काल्‍बेई खाबा ईन्‍सीनोङ यहूदीओनगी थेला विश्‍वास माक्‍यासुङ।

यूहन्‍ना 12:46

ङाला विश्‍वास खित्‍कान सुङ मुन्‍दाकला देता माफाप्‍स्‍यीत सिन स्‍वर्गे नाम्‍दाक ङा दि सा लुङबादु वाबाते ईन।

यूहन्‍ना 3:21

थोक ईन्‍सीनोङ सत्‍यते बात ङेन्‍ला लेमु काम खित्‍कान्‍ते मिचेन नाम्‍दाकला थेन्‍दाला छ्याःङ ज्‍यीबा मिक्‍किओ। नाम्‍दाकला थेन्‍गीन थेकी खाबाते काम थोङला थे मिकीचेन परमेश्‍वरगी खि साबाते काम खाबाते ईन सिन ज्‍येनगी लेमु खाला छ्या स्‍येक्‍यो,” सिन सासुङ।

यूहन्‍ना 8:12

येशूकी लोईन मिओनताङ बात खिन “दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन। ङे बात ङेन्‍ला ङे साबाच्‍योक खित्‍कान्‍ते सुङ नोमुङ मुन्‍दाकला ख्‍याम्‍बा माफाबो। थेकीचेन ङे छ्य्‌वापेकी जुनी ङेत्‍च्‍येते नाम्‍दाक ङेत्‍क्‍यो,” सिन सिदुक।

यूहन्‍ना 8:59

थेकी दोक सिरजीन थेबेकी दिला सेताराङ फाप्‍क्‍यो सिन दो तुकीन थेला देक्‍पा चाल्‍सुङ। तर थे ईप्‍कीन परमेश्‍वर मन्‍दिरदुई थेन्‍गीन गाल्‍सुङ।

एफिसी 5:8

मुन्‍दाकला देत्‍कीन ख्‍योकोन गोमा मेलेबा कामताङ बात खिन ओतान। प्रभु ख्रीष्‍टताङ जीउज्‍यीकराङ ओङेकी थाचेन ख्‍योकोन नाम्‍दाकला देत्‍कान्‍ते मि ईन। थोगी नाम्‍दाकला देत्‍कान्‍ते मिकी चुक चुक खिता फाप्‍च्‍येते ईन्‍दे ख्‍योकोनगी थोकराङ खि।

१ थिस्‍सलोनिकी 5:5

ख्‍योकोननी गाङेराङ परमेश्‍वर नाम्‍दाकला देत्‍कान्‍ते मि ईन। ख्‍योकोन मुन्‍दाकला खित्‍च्‍येते मेलेबा मेलेबा काम खित्‍कान्‍ते मि मेन्‍देकी नाम्‍दाकला लेमु काम खित्‍कान्‍ते मि ईन। ङुरूङचेन मेलेबा मेलेबा काम खिन मुन्‍दाकला देत्‍कान्‍ते मि मेन।

१ थिस्‍सलोनिकी 5:8

ङुरूङचेन परमेश्‍वर नाम्‍दाकला देत्‍कान्‍ते मि ईन्‍देकी होस तोराते मि च्‍योक ओङा मेङगो। बरू च्‍याङबो खाला देत्‍ला प्रभु येशूला विश्‍वास खिन थेमे ज्‍येनला ङिङज्‍ये खिन देता फाप्‍क्‍यो। दोक खिन देत्‍च्‍येतेचेन लडाइँ बेलाला मिल्‍टेरीओनगी ठाङला खोन्‍च्‍येते च्‍याकी पाता खोन्‍दा च्‍योकराङ ईन। थेमे ङुरूङगी आश खाईन देता च्‍योकराङ था तिरी पापकी सजाय भोगे खिता माफाबो सिनोङ टोक ज्‍येता मेङगो। थोक खित्‍च्‍येतेचेन मिल्‍टेरीओनगी गोःला च्‍याकी टोप खोन्‍दा च्‍योकराङ ईन।