यूहन्‍ना 12:32 - जिरेल

³² थेमे ङाला स्‍यिङगी थामला टाँए खानामेई ङा मि गाङेला ङाराङ छ्य्‌वापा ओङ ज्‍युत्‍क्‍यो,” सिन सिदुक।

यूहन्‍ना 12:32 ပူးပေါင်းရင်းမြစ်များ

यूहन्‍ना 1:7

वाकीन यूहन्‍नेकीचेन थे नाम्‍दाक सिराते सु ईन्‍दे, थेकी च्‍यि खिते सिन मिओनला लाप्‍सुङ। थेकी लापाते बात थोला थे नाम्‍दाक सिरातेला मि गाङेकी विश्‍वास खित्‍स्‍यीत सिनराङ परमेश्‍वरगी यूहन्‍नाला ताङा ओतान।

यूहन्‍ना 12:34

दि बात थोकीन थेरू ओताते मिओनगी “परमेश्‍वरगी तोङगो साबाते ख्रीष्‍ट नोमुङ मिस्‍यिओ सिन परमेश्‍वर नियमला साबा ओताते बात ङ्योकोनगी थोबा ओत। परमेश्‍वर ओत्‍सादुई वाबाते मिला स्‍यिङगी थामला टाँए खिओ सिन खो चुक खाला सिते? थोक ईन्‍सीन परमेश्‍वर ओत्‍सादुई वाबाते मि सु ईन्‍दे ओना?” सिन सासुङ।

यूहन्‍ना 18:32

थेबेकी थोक सानामेई येशूकी थे खोरोङ चुक खाला स्‍या फाप्‍कीते सिन गोमाका साबाते बात साबा च्‍योकराङ ओङसुङ।

यूहन्‍ना 19:17

मिल्‍टेरीओनगी जिम्‍मा लानामेई येशू थे खोरोङला टाँए खाला सेत्‍च्‍येते स्‍यिङगी थाम खुरगीन खप्‍पर ठाउँ सिरसापा ख्‍याम्‍सुङ। थे ठाउँला हिब्रू बातला गलगथा सिनोङ सिरच्‍येते खिन ओतान।

यूहन्‍ना 3:14

थाङबो मोशेकी ठाःकताङ बालुवा बाई छ्याःङ मेत्‍साला ओत्‍जीन पित्तल रूल जोकीन ज्‍वाला काला च्‍योकराङ खाला परमेश्‍वर ओत्‍सादुई वाबाते मि ङाला था स्‍यिङगी थामला टाँए खिओ।

यूहन्‍ना 6:44

ङाला दुरू तोङकान्‍ते आबेकी ङे छ्य्‌वापा खुला मावाथुपनी सुङ ङे छ्य्‌वापा लै खिताराङ मुथुबो। ङे छ्य्‌वापा लै खित्‍कान्‍ते मिलाचेन ङा न्‍याय खिते छोमु सोम्‍बो लोइओ।

यूहन्‍ना 8:28

थेमे थेकी याङराङ “ख्‍योकोनगी परमेश्‍वर ओत्‍सादुई वाबाते मि ङाला स्‍यिङगी थामला टाँए खानामेकी ङा सु ईन्‍दाका थेमे ङे ङाराङ खुशीकी छ्याःङ मिक्‍किच्‍याक्‍वा बरू आबेकी ङाला लापाते बातकामा खाबाते दुका सिन लेमु खाला छ्या स्‍येक्‍यो।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।

१ तिमोथी 2:6

मि गाङे पापकी सजाय थे खोरोङगीराङ भोगे खाईन थेचेन मि गाङे लाईदु ज्‍यान बिन्‍गीन स्‍यिसुङ। थेकी थोक खाबाते काम तालाराङ परमेश्‍वरगी मि गाङेला पापकी सजायदुकी टाल्‍ला थे खोरोङताङ डिक ज्‍युता छोल्‍ग्‍यो सिन परमेश्‍वरगी थे खोरोङगी तोके खाबे बेलाला मिओनला छ्या स्‍ये च्‍युत्‍सुङ।

हिब्रू 2:9

तर ङुरूङगी येशू बात विचार खिइ। परमेश्‍वरगी मिला दया खाईन मि गाङे लाईदु स्‍याप्‍ला थेकी येशूला टिक्‍पी दिनगी लाईदु थे खोरोङ दूतओनला छेदोङ मान बिन्‍दा मेतान। मि गाङे लाईदु दुक्‍पा भोगे खाईन स्‍याप्‍की खित्‍सादु थाचेन परमेश्‍वरगी थेला छ्येज्‍यीक शक्तिताङ मान बिन्‍दा ओत।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

१ यूहन्‍ना 2:2

ङुरूङ पाप माफ तेरा थुप्‍स्‍यीत सिन येशू ख्रीष्‍ट ङुरूङगी खाबाते पापकी सजाय भोगे खाईन स्‍याप्‍ते ईन। ङुरूङतेकामा मेन, सा लुङबा खाङगी मि पाप माफ तेरा थुप्‍स्‍यीत सिन थे थोक खाईन स्‍याप्‍ते ईन।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,