यूहन्‍ना 12:28 - जिरेल

²⁸ आबा, खो खोरोङ चुक छ्ये ईन्‍दे सिन मिओनला तेन्‍ला बिन,” सिन सिदुक। थेकी थोक सानामेकी परमेश्‍वरगी स्‍वर्गनेकी “ङे ङाराङ चुक छ्ये ईन्‍दे सिन गोमाका तेन्‍गीन बिन्‍दा ओत। थेमे था लोक्‍लाङ ङा तेन्‍ग्‍यो,” सिन सिदुक।

यूहन्‍ना 12:28 ပူးပေါင်းရင်းမြစ်များ

मत्ती 11:25

थेमे थे बेलालाराङ गाङेकी थोच्‍या खाईन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन स्‍वर्गे राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान।

मत्ती 11:26

आबा, खोल्‍ला दोक खिताराङ लेमु लासुङ। दोक खाईन खुई खिता चालाते च्‍योकराङ ओङसुङ,” सिन सासुङ।

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

मत्ती 26:42

थेमे थे याङराङ गाल्‍गीन “आबा, ङे दि दुक्‍पा भोगे माक्‍याबाला ओङराङ मेङगो सासीन खुई साबा च्‍योकराङ ओङस्‍यीत,” सिन प्रार्थना खासुङ।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

मर्कूस 1:11

थेमे स्‍वर्गनेईराङ “फुज्‍यो, ङा खोल्‍ला आउदी ङिङज्‍ये खिओ। ङा खोत्ताङ आउदी खुशी ओत,” सिन परमेश्‍वरगी साबाते बात थोसुङ।

मर्कूस 14:36

थेकी “आबा, खुई खिता मुथुप्‍च्‍येते काम छ्याःङ मेत। थुप थुपला दि ओङा खाबाते दुक्‍पा ङे भोगे खिता माफाप्‍सीन ओङच्‍या ओतान। ईन्‍सीनोङ ङे थोक माक्‍याबाला मेङगो सासीन ङे साबाच्‍योक मेन्‍दाला आबा खुई साबा च्‍योकराङ ओङस्‍यीत,” सिन प्रार्थना खासुङ।

मर्कूस 9:7

पत्रुसकी बात खिन खिनलाराङ मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दिकी साबाते बात ङेन,” सिन सिरा थेबेकी थोसुङ।

लूका 3:22

बप्‍तिस्‍मा लानामेई येशूकी परमेश्‍वरला प्रार्थना खिते बेलाला स्‍वर्गे गो फेत्‍सुङ। थेमे थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन वाकीन येशू लाक्‍तु फाप्‍सुङ। थेमे स्‍वर्गनेकी “फुज्‍यो, ङा खोल्‍ला आउदी ङिङज्‍ये खिओ। ङा खोत्ताङ आउदी खुशी ओत,” सिन परमेश्‍वरगी साबाते बात थोसुङ।

लूका 9:35

थेमे थे मुक्‍पे नाङदुकीराङ “दि ङे फुज्‍युङ ईन। ङे दिला छाने खाबा ओत। दिकी साबाते बात ङेन,” सिन सिरा थेबेकी थोसुङ।

यूहन्‍ना 11:4

थे लोन थोनामेकी थेकी चेलातेबाला “थे थोक खाईन नाबाते स्‍यिला ड्वाप्‍ला मेन। बरू परमेश्‍वरगी चुक छ्येज्‍यीक काम खिता थुप्‍कीते थेमे परमेश्‍वर फुज्‍युङताङ चुक छ्येज्‍यीक शक्ति ओते सिन मिओनगी छ्या स्‍येस्‍यीत सिनराङ दोक ओङाते ईन,” सिन सिदुक।

यूहन्‍ना 18:11

थेमे येशूकी पत्रुसला “खो दोक खाला तरवार चले माकेत, थे खोलगी नाङ स्‍योक। च्‍यि ङे आबेकी ङाला भोगे खि साबाते दुक्‍पा खपे खिता माफाबो?” सिन सिदुक।

यूहन्‍ना 9:3

ठिजीन थेकी “दि दोक गाल्‍गीन केबाते दि खोरोङ पापकी खित्‍सादुङ मेन, आबा आमे पापकी खित्‍सादुङ मेन। दि जुनीदु ओङाते काम थोङला परमेश्‍वर शक्ति चुक छ्ये ईन्‍दे सिन मिओनगी छ्या स्‍येस्‍यीत सिनराङ दि दोक गाल्‍गीन केबाते ईन।

एफिसी 2:7

ङुरूङला ङिङज्‍ये खाईन थे खोरोङगी येशू ख्रीष्‍ट छ्य्‌वापेई खाबाते होदि गाङे काम चुक दया खाईन खाबाते ईन्‍दे सिन परमेश्‍वरगी जुग जुगसाकराङ गाङेला छ्या स्‍ये ज्‍युत्‍क्‍यो।

एफिसी 3:10

थाचेन गाङेपा जम्‍मा ओङकान्‍ते येशू ख्रीष्‍ट मिओनला ताला थे खोरोङगी थेबे लाईदु खाबाते कामतेबा चुक आउदी बुद्धि पुरे खाईन खाबाते ईन्‍दे सिन परमेश्‍वरगी स्‍वर्गने ओताते छ्ये टेक्‍टे थे खोरोङ दूत गाङेला छ्या स्‍ये च्‍युत्‍कीन बिन्‍सुङ।

एफिसी 3:21

गाङेपा जम्‍मा ओङकान्‍ते येशू ख्रीष्‍ट मिओनगी थे छ्य्‌वापेकी दोक छ्येते परमेश्‍वरते पुस्‍ता पुस्‍तासाक सधैँभरि जय जय खिन देत्‍स्‍यीत। आमेन।

२ पत्रुस 1:17

चुक सासीन बाजिई ङ्योकोन प्रभु येशूताङ बोमज्‍यीक्‍तु ङ्योम्‍बुराङ ओते बेलाला आबा परमेश्‍वरगी थेला आउदी छ्येज्‍यीक मान बिन्‍देकी खित्‍सादु ङ्योकोनगी थेला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थेमे थेजीनराङ परमेश्‍वरगी स्‍वर्गनेकी “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन साबातेङ थोबा ओतान। परमेश्‍वरगी थेला थोक छ्ये जोइन साबाते दि बात ङ्योकोनगी ङेराङ नामज्‍योककीराङ थोबाते ईन।